Tapsyrmalar birlese tııanaqtaldy

Pskov oblysynda Ujymdyq jedel den qoıý kúshteriniń (UJDK) «О́zara is-qımyl» oqý-jattyǵýy aıaqtaldy. Oqý-jattyǵýdyń belsendi fazasynyń aqtyq kezeńi barysynda desant túsirilip, shartty qarsylastyń basa-kóktep kirýi toıtaryldy jáne odaqtastardyń áskerleri shabýylǵa qarsy shyǵýǵa kóshti. Úsh kún boıy UQShU-ǵa múshe mem­le­ket­terdiń biriniń aýmaǵynda shartty she­kara janjalyn oqshaýlaý jóninde tap­syrmalardyń keń aýqymy pysyqtaldy. Qazaqstannyń Aeroutqyr áskerleri, Reseıdiń Áýe-desanttyq áskerleri, Belarýstiń Arnaıy operasııalar kúshteri quramynan UQShU-nyń Ujymdyq jedel den qoıý kúshterine kiretin áskerı kontıngentter, sondaı-aq, Armenııa, Qyrǵyzstan jáne Tájikstannyń jedel toptary jekelegen jáne birlesken jattyqtyrýlar ótkizdi. Áskerı qyzmetshiler qoıylǵan tap­syrmalardy sheshý kezinde zańsyz qarýly qurylymdardy joıý, qorǵanysty uıymdastyrý jáne shabýyldy júrgizý, motoatqysh, tankti, artıllerııalyq, otshashar bólimshelerin, armııalyq jáne jedel-taktıkalyq avıasııany qoldaný jónindegi tapsyrmalardy sheshýde biryńǵaı ustanymǵa keldi. «О́zara is-qımyl-2016» oqý-jattyǵýyna tartylǵan UQShU UJDK kontıngentteriniń sany 1 300-den asa adamdy quraǵanyn aıta keteıik. Batys áskerı okrýginiń áskerlerin eskere otyryp, oqý-jattyǵýǵa 6000-daı adam jáne 1000 birlik qarý-jaraq, áskerı jáne arnaıy tehnıka qatysty. «Egemen-aqparat»