Ertis sýy «erkelikti» súımeıdi

Jaz kezinde órt qaýpi de, sý qaýpi de kúsheıedi. TJ mamandary aıtyp ótkendeı, shomylý maýsymynda Semeıde 12 adam sýǵa ketip kóz jumǵan. Jáne bir jyldyń ishinde sýǵa túsemin, balyq aýlaımyn dep, ıakı basqa sebeptermen batyp ketkenderdiń sany 18 adamdy quraǵan. Onyń ishinde bir bala bary da óte ókinishti. – Jaz maýsymy kelgen soń, adamdar Ertiske shomylǵysy keledi, – dedi Semeı qalasy TJB azamattyq qorǵanys bóliminiń basshysy Marat Dáýletın. – Sóıtip, óz ómirine degen jaý­apkershiliktiń joqtyǵynan turǵyndar sýdaǵy qaýipsizdik erejelerin saqtamaı, spırttik ishimdikterin ala keledi. Mu­nyń arty kóbinde qaıǵyly jaǵ­daılarmen aıaqtalyp, kisi ólimine ákelýde. Jáne demalamyz dep kelgen ata-analar, balalaryn baqylaýda ustaı almaıdy. Balyqshylar da óz ómirlerine selqos qarap, spırtti ishimdikter iship alady. Jergilikti qutqarýshy top Ertis boıynyń О́skemennen Kýrchatovqa deıingi aralyǵyn qam­typ, qyzmet kórsetedi eken. Adam ómirine sát saıyn qaýip tónedi, sondyqtan da jer qashyqtyǵynan barlyq jerge birden úlgerý múmkin emes. Ázirshe adamdar kóp jınalatyn jerde ǵana turaqty qyzmet kórsetýge týra keledi. Búginde IIM-ge qarasty TJ komıteti sýǵa túsýdiń bar­lyq erejelerin saqtaý sharalaryn usynýda. Komıtet má­limeti boıyn­sha, 1279 adam qutqarýshy top retinde ár jerlerde jumys istemek. Sondaı-aq, 300 erikti qut­qarýshy daı­yndyq ústinde. Alys jer­lerden arnaıy qutqarý be­ket­teri ashylady. Tótenshe jaǵdaı oryn alǵan kezde, daıyn turatyn 254 avtokólik pen qutqarý tehnıkasy, 550 sýda júzetin kólik, 1650 sý astyna súńgıtin súńgýir­lerdiń jabdyqtary, azyq-túlik, ja­nar-jaǵarmaı tez arada daıyn bolmaq. Elimiz boıynsha, 529 je­kemenshik jazǵy demalys oryn­dary men 34 shaqty qala jaǵa­jaılarynda 700-deı belgi, eskertý sýretteri ilingen. Onda sýǵa qalaı shomy­lyp, adamdy qalaı qutqarý kerektigi, tazalyq jaǵyna saq bolý máselesi naqty aıtylǵan. Raýshan NUǴMANBEKOVA SEMEI