Birqatar mekemede boldy

Parlament Májilisiniń depýtaty, «Nur Otan» partııasy fraksııasynyń múshesi Abaı Tasbolatov Soltústik Qazaqstan oblysynda kezdesýler ótkizdi. Petropavlda depýtat úsh kóp páterli turǵyn úıdiń qurylysynda, «Munaımash» zaýytynda, Halyqty jumyspen qamtý ortalyǵynyń qyzmettik jataqhanalarynda boldy jáne «Nur sát» balabaqshasynyń daıyndyq jumysymen tanysty. «Bereke» shaǵyn aýdanynda jańa kóp páterli úılerdi «Qazaqstannyń turǵyn úı qurylys jınaq banki» AQ turǵyn úı qurylys jınaqtary baǵdarlamasy sheńberinde ótken jyly sala bastady, olardy paıdalanýǵa tapsyrý osy jylǵa josparlanǵan. Úıdi salýdyń merzimi óte tyǵyz, sondyqtan merdigerlerge jumysty tezdetý kerek, dedi Abaı Tasbolatov. Sodan keıin depýtat «Munaımash» zaýytynyń jumysymen tanysty. Kásiporyn munaı kásiporny jabdyqtaryn jobalaý, ázirleý jáne shyǵarý isterine mamandanǵan. Sondaı-aq, uńǵymalarǵa arnalǵan qarnaqty sorǵylar men munaı óndirý úshin qajetti ózge de aspaptar shyǵarady. Búgin zaýytta 150-ge jýyq adam eńbek etýde, ortasha eńbekaqy mólsheri – 140 myń teńge. О́nimge degen suranys úlken, munda tájirıbeli mamandar jumys isteıtinin «Munaımash» AQ basqarmasynyń tóraǵasy Spartak Pýshkarev málimdedi. A.Tasbolatov kásiporynnyń jumysyna óte jaqsy baǵa berdi, Qa­zaq­standaǵy ozyq kásiporyndardyń biri bolyp tabylatynyn aıtty. Zaýyttyqtardyń jalaqysy sol­tústik­qa­zaqstandyq ólshem boıynsha joǵary ekenine de nazar aýdardy. Budan basqa, partııa fraksııasynyń múshesi Halyqty jumyspen qamtý ortalyǵynyń qos ǵımarattan tura­tyn 100 páterli jataqhanasynyń tur­ǵyndarymen kezdesti. Olarmen ból­melerdi alý sharttaryn talqylady jáne basqa da máselelerine nazar aýdardy. A.Tasbolatov qyrkúıek aıynda qol­danýǵa beriletin «Nur sát» jańa bala­baqsha­syna da bardy. Jumys sapary barysynda Májilis depýtaty partııanyń oblystyq fı­lıalynyń qoǵamdyq qabyldaý bólme­sinde azamattardy qabyldady jáne aımaq­tyń partııa belsendilerimen kezdes­ti, dep habarlady Májilistiń baspa­sóz qyzmeti.