Mádenıet jáne sport mınıstri shahmatshyny quttyqtady

Mádenıet jáne sport mınıstri Arystanbek Muhamedıuly Úndistanda shahmattan 20 jasqa deıingi qyzdar arasynda ótken álem chempıonatyn jeńip alǵan halyqaralyq dárejedegi grossmeıster Dınara Sádýaqasovany quttyqtady. «Barsha qazaqstandyqtardyń jáne óz atymnan álem chempıonatyndaǵy jetistigińizben shyn júrekten quttyqtaımyn! Bul jeńisińizdi elimizde zııatkerlik oıyn túrlerin damytýǵa qosqan zor úlesińiz dep bilemin. Altyn medal – joǵary sheberliktiń, erik-jigerdiń jáne naǵyz eńbekqorlyqtyń jemisi. Tórtkúl dúnıeniń myqtylary bas qosqan dúbirli dodada top jarýyńyz ózge de jastarymyzǵa úlgi bolyp, elimizdegi shahmattyń damýyna jańa dem beredi dep úmittenemin. Jastyǵyńyzǵa qaramastan, Qazaqstannyń namysyn álemdik arenalarda abyroımen qorǵap júrgen Sizge zor densaýlyq, eńbegińizge tabys, bıik maqsat tileımin!», delingen mınıstrdiń quttyqtaý hatynda. Dastan KENJALIN