Memleket basshysy Serbııa Prezıdentimen kezdesti

Elbasy Serbııa Respýblıkasynyń Prezıdenti Tomıslav Nıkolıchpen kezdesti Akorda.kz-tiń habarlaýynsha, kezdesý barysynda eki eldiń saýda-ekonomıkalyq, ınvestısııalyq jáne mádenı-gýmanıtarlyq salalardaǵy ózara is-qımyl máseleleri talqylandy. Sondaı-aq, eki el kóshbasshylary halyqaralyq kún tártibi jóninde pikir almasty. Budan bólek, Nursultan Nazarbaev pen Tomıslav Nıkolıch Serbııa Prezıdentiniń Qazaqstanǵa byltyrǵy sapary aıasynda qol jetkizilgen ýaǵdalastyqtyń iske asyrylý barysyn talqylady. Memleket basshysy Serbııa elimizdiń mańyzdy seriktesiniń biri bolyp sanalatynyn jáne búginde eki el arasynda túrli ekonomıkalyq jáne saıası salalar boıynsha tolyq ózara túsinistiktiń oryn alyp otyrǵanyn atap ótti. «Búgingi kezdesýimiz Qazaqstan táýelsizdiginiń 25 jyldyǵyn jáne Serbııamen dıplomatııalyq qarym-qatynas ornaýynyń 20 jyldyǵyn atap ótetin kezeńmen tuspa-tus kelip otyr. Bul kezdesý taýar aınalymyn ulǵaıtýǵa, ekonomıkalyq jáne saıası yntymaqtastyqty jandandyrýǵa septigin tıgizedi dep úmittenemin. Biz aýyl sharýashylyǵy, metallýrgııa, qurylys, medısına jáne farmasevtıka salalarynda yntymaqtasýǵa nıettimiz. Qazaqstan men Serbııanyń ekonomıkasy bir-birin ózara tolyqtyra túsedi. Seriktestik eki tarapqa da paıdasyn tıgizetin bolady», – dedi Elbasy. Qazaqstan Prezıdenti EKSPO-2017 halyqaralyq mamandandyrylǵan kórmesin ótkizý quqyǵyna daýys berý jáne BUU Qaýipsizdik Keńesiniń turaqty emes múshesine saılaý kezinde elimizdi qoldaǵany úshin Serbııa kóshbasshysyna alǵys aıtty. Serbııa Prezıdenti búginde Astana men Belgrad túrli saladaǵy ózara is-qımyl úshin zor áleýetke ıe ekendigin atap ótti. «Biz Serbııa Respýblıkasynyń egemendigi men aýmaqtyq tutastyǵyna qatysty bekem ustanymyńyz, sondaı-aq IýNESKO-nyń Dúnıejúzilik muralar tizimindegi bizdiń eldiń mádenı nysandaryn saqtaý isine qoldaý kórsetkenińiz úshin Sizge rızashylyq bildiremiz», – dedi T.Nıkolıch. Kezdesý barysynda Nursultan Nazarbaev memleketter arasyndaǵy dostyq pen yntymaqtastyqty nyǵaıtýǵa qosqan úlesi úshin Serbııa Prezıdentin I dárejeli «Dostyq» ordenimen marapattady. Aıdar О́RISBAEV