Taǵzym týrnıri

Astanadaǵy 19132 áskerı bóliminiń bazasynda 2012 jylǵy 22 tamyzda arnaıy tapsyrmany oryndaý kezinde apatqa ushyraǵan Mı-17 tikushaǵynyń ekıpajyn eske alý qurmetine oraı sport­tyq jarystar ótti. «Bul kún 19132 bóli­miniń áskerı qyzmetshileri úshin erekshe kún. Minekı, qymbatty qarýlastarymyz ben áriptesterimizdiń opat bolǵan kúninen beri tórt jyl ótipti. Olar ózderiniń ómirlerin qıyp, júktelgen jaýyngerlik tapsyrmany oryn­dady. Búginde bul týraly eske alý óte aýyr, árıne. Biz olardy árdaıym esimizde saqtap, olardyń erligin maqtan etip, dańqty dástúrimizdi Áýe qorǵanysy kúshteriniń óskeleń jaýyngerlerine beretin bolamyz», – dedi 19132 á/b koman­dıri polkovnık Maral Kárimov. Qaza tapqan ushqyshtardy eske alý qurmetine oraı jyl saıyn saıystar ótkizilip turady. Týrnırdiń qorytyndysy boıynsha 19132 á/b-niń komandasy jalpykomandalyq birinshi oryndy, Áskerı-áýe kúshteri qolbasshysynyń basqarmasy ekinshi oryndy jáne 2177 á/b QR UQK Shekara qyzmetiniń komandasy úshinshi oryndy enshiledi. Týrnırdiń barlyq qatysýshylary ataýly gramotalarmen, medaldarmen, qundy syılyqtar jáne aýyspaly estelik kýbokpen marapattaldy. 2012 jylǵy 22 tamyzda Astana qalasynyń áýeaılaǵy aýdanynda arnaıy tapsyrmany oryndaý kezinde Mı-17 tikushaǵy avıasııalyq apatqa ushyraǵanyn esterińizge sala keteıik. Ekıpajdyń úsh múshesi qaza boldy. Atap aıtqanda, ekıpaj komandıri kapıtan Tal­ǵat Dosanov, ushqysh-shtýr­­­man, aǵa leıtenant Erkin Ma­hambetnııazov, borttyq avıa­sııa­lyq tehnık, aǵa leıtenant Janbota Qasymov, sondaı-aq, Memlekettik kúzet qyzmetiniń qyzmetkeri, aǵa leıtenant Aqyl­bek Mýsın. «Egemen-aqparat»