Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №498

2016 jylǵy 13 maýsym, Astana qalasy Múgedekter úshin jumys oryndaryn kvotalaý qaǵıdalaryn bekitý týraly «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasy Zańynyń 7-baby 7) tarmaqshasyna sáıkes buıyramyn: Qosa berilip otyrǵan Múgedekter úshin jumys oryndaryn kvotalaý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Halyqty jumyspen qamtý departamenti zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) tirkelgen osy buıryqty alǵan kúnnen bastap bes jumys kúni ishinde onyń kóshirmesiniń qazaq jáne orys tilderindegi bir danasyn baspa jáne elektrondyq túrde Qazaqstan Respýblıkasynyń normatıvtik quqyqtyq aktileriniń etalondyq baqylaý bankine qosý úshin «Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 3) osy buıryq memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 4) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy; 5) osy buıryqty oblystardyń, Astana jáne Almaty qalalarynyń jergilikti atqarýshy organdarynyń nazaryna jetkizýdi; 6) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Densaýlyq saqtaý jáne áleýmettik damý mınıstrliginiń Zań qyzmeti departamentine osy tarmaqtyń 1), 2), 3) jáne 4) tarmaqshalarynda kózdelgen is-sharalardyń oryndalýy týraly málimetter usynýdy qamtamasyz etsin. 3. «Múgedekterge arnalǵan jumys oryndaryn kvotalaý qaǵıdalaryn bekitý týraly» Qazaqstan Respýblıkasynyń Densaýlyq saqtaý jáne áleýmettik damý mınıstriniń mindetin atqarýshynyń 2016 jylǵy 6 qańtardaǵy №2 buıryǵynyń (Normatıvtik quqyqtyq aktilerdi memlekettik tirkeý tiziliminde № 13027 bolyp tirkelgen, 2016 jylǵy 15 aqpanda «Ádilet» aqparattyq-quqyqtyq júıesinde jarııalanǵan) kúshi joıyldy dep tanylsyn. 4. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri B.B.Nurymbetovke júktelsin. 5. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA KELISILDI Qazaqstan Respýblıkasynyń Ulttyq ekonomıka mınıstri __________________ Q.Bıshimbaev 2016 jylǵy 30 maýsym Qazaqstan Respýblıkasy Densaýlyq saqtaý jáne áleýmettik damý mınıstriniń 2016 jylǵy 13 maýsymdaǵy №498 buıryǵymen bekitilgen Múgedekter úshin jumys oryndaryn kvotalaý qaǵıdalary 1-taraý. Jalpy erejeler Osy Múgedekter úshin jumys oryndaryn kvotalaý qaǵıdalary (budan ári – Qaǵıdalar) «Halyqty jumyspen qamtý týraly» 2016 jylǵy 6 sáýirdegi Qazaqstan Respýblıkasy Zańynyń («Halyqty jumyspen qamtý týraly» Zań) 7-baby 7) tarmaqshasyna sáıkes ázirlendi jáne múgedekter úshin jumys oryndaryn kvotalaý tártibin belgileıdi. Osy Qaǵıdalarda paıdalanylatyn negizgi uǵymdar: 1) jergilikti atqarýshy organ (ákimdik) – oblystyń, respýblıkalyq mańyzy bar qalanyń jáne astananyń, aýdannyń (oblystyq mańyzy bar qalanyń) ákimi basqaratyn, óz quzyreti sheginde tıisti aýmaqta jergilikti memlekettik basqarýdy jáne ózin-ózi basqarýdy júzege asyratyn alqaly atqarýshy organ; 2) jumys berýshi – jumysker onymen eńbek qatynastarynda turǵan jeke nemese zańdy tulǵa; 3) jumys oryndarynyń kvotasy (budan ári – kvota) – aýyr jumystardaǵy, eńbek jaǵdaılary zııandy, qaýipti jumystardaǵy jumys oryndaryn eseptemegende, jumys oryndar sanynyń paıyzdyq kórsetiliminde múgedekter jumys isteıtin jumys oryndarynyń sanyn qosa alǵanda, jumys berýshi jumysqa ornalastyrýǵa mindetti múgedekterdi jumysqa qabyldaýǵa arnalǵan jumys oryndarynyń eń az sany; 4) jumys oryndaryn kvotalaý – jergilikti atqarýshy organdar belgilegen kvotaǵa sáıkes múgedekterdi jumysqa ornalastyrý úshin jumys berýshilerdiń jumys oryndaryn usynýy; 5) múgedek – turmys-tirshiliginiń shektelýine jáne ony áleýmettik qorǵaý qajettigine ákep soqtyratyn, aýrýlarǵa, mertigýlerge (jaralanýǵa, jaraqattarǵa, kontýzııalarǵa), olardyń zardaptaryna, kemistikterge baılanysty organızm fýnksııalary turaqty buzylyp, densaýlyǵy nasharlaǵan adam; 6) halyqty jumyspen qamtý máseleleri jónindegi jergilikti organ – óńirlik eńbek naryǵyndaǵy ahýaldy eskere otyryp halyqty jumyspen qamtýǵa járdemdesýdiń baǵyttaryn aıqyndaıtyn aýdannyń, oblystyq mańyzy bar qalalardyń, oblystyń, respýblıkalyq mańyzy bar qalalardyń, astananyń jergilikti atqarýshy organdarynyń qurylymdyq bólimshesi; 7) halyqty jumyspen qamtý ortalyǵy – aýdannyń, oblystyq jáne respýblıkalyq mańyzy bar qalalardyń, astananyń jergilikti atqarýshy organy jumyspen qamtýǵa járdemdesýdiń belsendi sharalaryn iske asyrý, jumyssyzdyqtan áleýmettik qorǵaýdy jáne jumyspen qamtýǵa járdemdesýdiń ózge de sharalaryn uıymdastyrý maqsatynda quratyn memlekettik mekeme. 2-taraý. Múgedekter úshin jumys oryndaryn kvotalaý tártibi 3. Halyqty jumyspen qamtý máseleleri jónindegi jergilikti organ uıymdarda kvota belgileý boıynsha usynystardy: tıisti ákimshilik-aýmaqtyq birliktegi eńbek naryǵynda múgedekter sanynan jumys kúshine aǵymdaǵy suranys pen usynysty taldaý, boljaý; óńirdegi jumys istep turǵan uıymdar sany; jumyskerlerdiń shtat sany jáne bar bos jumys oryndarynyń sany týraly jumys berýshilerdiń málimetteri negizinde qalyptastyrylǵan uıymdardaǵy jumyskerlerdiń tizimdik sany; múgedekterdi jumysqa ornalastyrý úshin jumys berýshi usynǵan qoldanystaǵy jumys oryndarynyń sany týraly málimetterdi taldaý; kvotadan tys jumys berýshiler men múgedekter arasynda jasalǵan qoldanystaǵy eńbek sharttarynyń sany týraly málimetterdi taldaý; 6) halyqty jumyspen qamtý ortalyǵy tirkegen jumyssyz múgedekterdiń sany negizinde ázirleıdi. 4. Halyqty jumyspen qamtý máseleleri jónindegi jergilikti organ «Memlekettik statıstıka týraly» 2010 jylǵy 19 naýryzdaǵy Qazaqstan Respýblıkasy Zańynyń 16-baby 3-tarmaǵynyń 2) tarmaqshasyna sáıkes bekitiletin nysan boıynsha jumys berýshiler halyqty jumyspen qamtý ortalyǵyna usynatyn múgedekterdi jumysqa ornalastyrý kvotasyn oryndaýǵa arnalǵan jumys oryndarynyń sany, bos laýazymdar men bos jumys oryndary týraly málimetterdiń bolýy týraly málimetterdiń negizinde uıymdar bólinisinde jumysqa ornalasýǵa muqtaj múgedekterdiń jáne múgedekterge arnalǵan bos jumys oryndarynyń derekter bazasyn qalyptastyrady. 5. Kvotany jergilikti atqarýshy organdar «Halyqty jumyspen qamtý týraly» Zańnyń 27-baby 1-tarmaǵynyń 1) tarmaqshasyna sáıkes halyqty jumyspen qamtý máseleleri jónindegi ýákiletti organ aıqyndaıtyn tártippen aýyr jumystardy, eńbek jaǵdaılary zııandy, qaýipti jumystardaǵy jumys oryndaryn eseptemegende, jumys oryndary sanynyń ekiden tórt paıyzǵa deıingi mólsherinde múgedekterdi jumysqa ornalastyrý úshin belgileıdi. 6. Jumys berýshiler belgilengen kvotaǵa sáıkes kvota engizilgen kúnnen bastap alty aı ishinde múgedekterdi jumysqa ornalastyrý úshin jumys oryndaryn usynady. 7. «Halyqty jumyspen qamtý týraly» Zańnyń 17-baby 4-tarmaǵynyń 1) tarmaqshasyna sáıkes kvota sheńberinde medısınalyq qorytyndyǵa sáıkes eńbek (qyzmettik) mindetterin atqarýǵa qarsy kórsetilimderi joq múgedekter jumysqa ornalastyrylady. 8. Kvotany jergilikti atqarýshy organdar jumyskerlerdiń mynadaı tizimdik sany bar uıymdarǵa: 1) elýden júz adamǵa deıin – jumyskerlerdiń tizimdik sanynyń eki paıyzy mólsherinde; 2) júzden eki júz elý adamǵa deıin – jumyskerlerdiń tizimdik sanynyń úsh paıyzy mólsherinde; 3) eki júz elýden artyq adam – jumyskerlerdiń tizimdik sanynyń tórt paıyzy mólsherinde belgileıdi. 9. 2015 jylǵy 23 qarashadaǵy Qazaqstan Respýblıkasynyń Eńbek kodeksine, «Memlekettik qyzmet týraly» 2015 jylǵy 23 qarashadaǵy Qazaqstan Respýblıkasynyń Zańynda qyzmetke kirýdiń erekshe jaǵdaılary, laýazymǵa taǵaıyndaýdyń tártibi aıqyndalǵan jaǵdaılarda kvota belgilenbeıdi. 10. «Halyqty jumyspen qamtý týraly» Zańnyń 27-baby 2-tarmaǵyna sáıkes múgedekterdiń qoǵamdyq birlestikterine, sondaı-aq múgedekterdiń sany jumyskerlerdiń ortasha jyldyq sanynyń jıyrma paıyzynan astamyn quraıtyn uıymdarǵa kvota belgilenbeıdi. 11. Eldi mekenderde eńbek qyzmeti úshin medısınalyq qarsy kórsetilimderi joq eńbek etýge qabiletti jastaǵy múgedekter bolmaǵan kezde, atalǵan eldi mekenderdiń aýmaǵynda ornalasqan uıymdarda kvota belgilenbeıdi. 12. Uıym úshin belgilengen kvota osy Qaǵıdalardyń 13-tarmaǵynda kózdelgen jaǵdaılarda kúntizbelik jyl ishinde qaıta qaraýǵa (túzetýge) jatady. 13. Jumys berýshi – zańdy tulǵa taratylǵan ne jumys berýshi – jeke tulǵanyń qyzmeti toqtatylǵan, jumyskerler sany nemese shtaty qysqartylǵan, jumys berýshiniń ekonomıkalyq jaı-kúıiniń nasharlaýyna ákep soqqan óndiris, oryndalatyn jumystar men kórsetiletin qyzmetter kólemi tómendegen jaǵdaılardy qospaǵanda, jumys berýshiler múgedekterdi jumysqa ornalastyrýǵa arnalǵan belgilengen kvotany oryndaıdy. 14. Jumys oryndarynyń kvotasy sheńberinde jumysqa ornalasqan, jumys berýshiler osy Qaǵıdalardyń 13-tarmaǵynda kórsetilgen jaǵdaılarǵa baılanysty jumystan bosatqan múgedekter olardy keıinnen jumysqa ornalastyrýmen halyqty jumyspen qamtý ortalyǵynda jumyssyz retinde tirkeledi. 15. Jumys berýshiler halyqty jumyspen qamtý ortalyǵyna «Memlekettik statıstıka týraly» Qazaqstan Respýblıkasy Zańynyń 16-baby 3-tarmaǵynyń 2) tarmaqshasyna sáıkes bekitiletin nysan boıynsha alty aıdan kem emes merzimge jasalǵan eńbek shartymen rastalǵan jumys berýshiniń bos nemese belgilengen kvota sheńberinde usynylǵan jumys oryndaryna múgedekterdi jumysqa ornalastyrýy týraly málimetter usynýy kvotany oryndaý bolyp tabylady. Buıryq Qazaqstan Respýblıkasynyń Ádilet mınıstrliginde 2016 jylǵy 28 shildede Normatıvtik quqyqtyq kesimderdi memlekettik tirkeýdiń tizilimine №14010 bolyp engizildi.