Alǵashqy qońyraý aldynda

Ortalyq kommýnıkasııalar qyzmetinde jańa oqý jylyna ázirlik barysyna arnalǵan baspasóz máslıhaty bolyp ótti. Jıynǵa Bilim jáne ǵylym vıse-mınıstri Elmıra Sýhan­ber­dıeva, mınıstrliktiń balalardyń quqyqtaryn qorǵaý komıteti tóraǵasynyń orynbasary Mánshúk Ábdikárim, bilim jáne ǵylym salasyn baqylaý komıteti tóraǵasynyń orynbasary Lázzat Bólebaeva, «Kúndelik.kz» JShS-niń dırektory Aleksandr Grıgorıan, «Bilim Media Group» JShS-niń atqarýshy dırektory Sanjar Kenjehanuly qatysyp, bilim berý salasyna baılanysty oramdy oılaryn ortaǵa saldy. Brıfıng barysynda bilim berý mekemeleriniń jańa oqý jylyna daıyndyǵy jan-jaqty sóz boldy. «Bıylǵy oqý jylyna daıyndyq Bilim jáne ǵylym mınıstrligi men jergilikti ákimshilikterdiń ty­ǵyz qarym-qatynasy negizinde júzege asyp jatyr. Mektepke deıin­gi oqytý men tárbıe boıynsha bú­ginde 817,8 myń bala qamtylǵan. Sondaı-aq, bıyl jańadan 538 mektepke deıingi tárbıe mekemesi ashyldy, onyń ishinde 49 bala­baq­sha bar. Jáne de jyldyń sońy­na deıin 82 mektepke deıingi uıym men Ulttyq qor esebinen 11 balabaqsha ashý josparlanýda. Nátı­jesinde, 3-6 jastaǵy balalar­dy mektepke deıingi bilimmen qam­tý 82,7 paıyzǵa jetedi. Bul kór­setkish byltyr 81,6 paıyzdy quraǵanyn esterińizge salamyz. Sonymen qatar, bıyl 1 qyrkúıekte mektep tabaldyryǵyn 2,8 mıllıonnan astam oqýshy attaıdy. Boljamdy derekter boıynsha birinshi synypqa baratyn oqýshylardyń sany 370,0 myńnan asady», – dedi vıse-mınıstr. Sonymen qatar, jıyn barysynda elimizdegi sapasy syn kó­ter­meıtin mektepter men tájirıbeli kadrlardyń jetispeýshiligi de tilge tıek etildi. Qoǵamdaǵy qyzý talqyǵa túsken máselelerdiń biri oqýshylardyń mektepte uıaly telefondy qoldanýy da nazardan tys qalmady. Raýan QAIDAR, «Egemen Qazaqstan»