Rıo-2016 Olımpıadasynyń qola júldegeri, boksshy Ivan Dychkony Qostanaı halqy ystyq yqylaspen qushaq jaıa qarsy aldy. Áýejaıǵa jınalǵan kópshiliktiń qarasy qalyń. Qushaq-qushaq gúl alyp, asyǵa jetken jankúıerler sportshyny taǵatsyzdana kútti.
Aeroport alańynda orkestr oınap tur. Sport ardagerleri, jas sportshylar men boksshynyń týystary júldegerdi qarsy alýǵa asyq. Ivan Dychkonyń qasynda qos jattyqtyrýshysy Sapabek Muqyshev pen Vladımır Shaıer bar.
Qola júldegerdi qarsy alýǵa Qostanaı oblysynyń ákimi Arhımed Muhambetov te keldi. Aımaq basshysy boksshyny jeńisimen quttyqtap, tabys tiledi.
– Sońǵy bes jyldaǵy belsendi jumys pen kúndelikti jattyǵýdyń arqasynda Ivan álem chempıonatynda úshinshi oryn aldy. Eki márte kúmis júldeger atandy. Bul jetistikterdiń qataryna Azııa chempıony degen ataqty qosyńyz. Jerlesimiz osymen eki dúrkin Olımpıada qola júldegeri bolyp otyr. Men onyń ómirbaıanyn oqyǵan edim. Ivan on kúndeı buryn 26 jasqa toldy. Bul degenimiz, sportshynyń aldynda áli talaı saıystar men jeńisterdiń kútip turǵanyn bildiredi, – dedi oblys ákimi Arhımed Muhambetov.
Ivan Dychko sol arada BAQ ókilderiniń saýaldaryna jaýap berip, jankúıerlerge alǵys aıtty. «Olımpııa oıyndarynan ekinshi ret júldemen oralǵanyma qýanyshtymyn. Bizdiń oblysymyzdan áli talaı chempıondardyń shyǵatynyna senimdimin. Sportshylarymyzdyń joǵary marapatqa ıe bolǵanyn qalaımyn», – dedi boksshy.
Shákirtiniń bul sózin jattyqtyrýshysy Sapabek Muqyshev qoldady.
– Ivan jeńis úshin bárin jasady. Asa aýyr salmaqtaǵy boksshylardyń bári birdeı eki márte Olımpıada medalin alyp jatqan joq. Ondaı jeńis bizdiń Ivannyń qolynan keldi. Biz oǵan senemiz. Onyń áli 26 jasta ekenin umytpańyzdar, – dep atap ótti jattyqtyrýshy.
Boksshy jýrnalısterge bergen suhbattan soń, qaladaǵy Fitnation sport keshenine baryp, jastarmen kezdesti. Jas sportshylar Olımpıada júldegerimen estelik sýretke túsip, qoltańba aldy.
Tús aýa Ivan Dychko Rýdnyı qalasyna bardy. Ol jerdegi kezdesýde oblys ákimi Arhımed Muhambetov Olımpıada júldegerine úsh bólmeli páterdiń kiltin tapsyrdy. Boksshynyń eki bapkerine 1 mln teńgeden syıaqy berdi.
Olımpıada aldynda oblys ákimi boksshymen kezdesip, «Eger medal alsań, qalaǵan bir tilegińdi oryndarmyz», degen edi. Sol sátte Dychko oblys ortalyǵynan páter alýdy armandaıtynyn aıtqan. Mine, kórmeısiz be, boksshy da, ákim de óz sózderinde turdy.
Qymbat DOSJANOVA
QOSTANAI
Rıo-2016 Olımpıadasynyń qola júldegeri, boksshy Ivan Dychkony Qostanaı halqy ystyq yqylaspen qushaq jaıa qarsy aldy. Áýejaıǵa jınalǵan kópshiliktiń qarasy qalyń. Qushaq-qushaq gúl alyp, asyǵa jetken jankúıerler sportshyny taǵatsyzdana kútti.
Aeroport alańynda orkestr oınap tur. Sport ardagerleri, jas sportshylar men boksshynyń týystary júldegerdi qarsy alýǵa asyq. Ivan Dychkonyń qasynda qos jattyqtyrýshysy Sapabek Muqyshev pen Vladımır Shaıer bar.
Qola júldegerdi qarsy alýǵa Qostanaı oblysynyń ákimi Arhımed Muhambetov te keldi. Aımaq basshysy boksshyny jeńisimen quttyqtap, tabys tiledi.
– Sońǵy bes jyldaǵy belsendi jumys pen kúndelikti jattyǵýdyń arqasynda Ivan álem chempıonatynda úshinshi oryn aldy. Eki márte kúmis júldeger atandy. Bul jetistikterdiń qataryna Azııa chempıony degen ataqty qosyńyz. Jerlesimiz osymen eki dúrkin Olımpıada qola júldegeri bolyp otyr. Men onyń ómirbaıanyn oqyǵan edim. Ivan on kúndeı buryn 26 jasqa toldy. Bul degenimiz, sportshynyń aldynda áli talaı saıystar men jeńisterdiń kútip turǵanyn bildiredi, – dedi oblys ákimi Arhımed Muhambetov.
Ivan Dychko sol arada BAQ ókilderiniń saýaldaryna jaýap berip, jankúıerlerge alǵys aıtty. «Olımpııa oıyndarynan ekinshi ret júldemen oralǵanyma qýanyshtymyn. Bizdiń oblysymyzdan áli talaı chempıondardyń shyǵatynyna senimdimin. Sportshylarymyzdyń joǵary marapatqa ıe bolǵanyn qalaımyn», – dedi boksshy.
Shákirtiniń bul sózin jattyqtyrýshysy Sapabek Muqyshev qoldady.
– Ivan jeńis úshin bárin jasady. Asa aýyr salmaqtaǵy boksshylardyń bári birdeı eki márte Olımpıada medalin alyp jatqan joq. Ondaı jeńis bizdiń Ivannyń qolynan keldi. Biz oǵan senemiz. Onyń áli 26 jasta ekenin umytpańyzdar, – dep atap ótti jattyqtyrýshy.
Boksshy jýrnalısterge bergen suhbattan soń, qaladaǵy Fitnation sport keshenine baryp, jastarmen kezdesti. Jas sportshylar Olımpıada júldegerimen estelik sýretke túsip, qoltańba aldy.
Tús aýa Ivan Dychko Rýdnyı qalasyna bardy. Ol jerdegi kezdesýde oblys ákimi Arhımed Muhambetov Olımpıada júldegerine úsh bólmeli páterdiń kiltin tapsyrdy. Boksshynyń eki bapkerine 1 mln teńgeden syıaqy berdi.
Olımpıada aldynda oblys ákimi boksshymen kezdesip, «Eger medal alsań, qalaǵan bir tilegińdi oryndarmyz», degen edi. Sol sátte Dychko oblys ortalyǵynan páter alýdy armandaıtynyn aıtqan. Mine, kórmeısiz be, boksshy da, ákim de óz sózderinde turdy.
Qymbat DOSJANOVA
QOSTANAI
Sońǵy jańalyqtar
Almatyda jetkizý qyzmetterine talap kúsheıedi
Qoǵam • Búgin, 23:48
Qaraǵandydaǵy taý-ken kásipornyna 4 mln teńge aıyppul salyndy
Aımaqtar • Keshe
Aram aqshaǵa qunyqqan alaıaq alty jylǵa sottaldy
Qoǵam • Keshe
Elimizdiń úsh óńirinde aýa raıyna baılanysty joldar jabyldy
Aýa raıy • Keshe
Jańa Konstıtýsııa jáne ult saýlyǵy: sarapshy kózqarasy
Ata zań • Keshe
Bilim sapasyn arttyrýdyń jańa múmkindigi
Bilim • Keshe
Erteń Astanada birinshi aýysym oqýshylary qashyqtan oqıdy
Aýa raıy • Keshe
Astanada demalys kúnderi aýyl sharýashylyǵy jármeńkesi ótedi
Elorda • Keshe
Aldaǵy kúnderi el aýmaǵynda aıaz kúsheıedi
Aýa raıy • Keshe
