Kúı óneri dáripteldi

Respýblıkalyq aksııa aıasynda Qurmanǵazynyń «Saryarqa» kúıin bir mezgilde 2020 adam oryndady Bul sharanyń negizgi maq­saty – elimizdiń áleýmettik-eko­nomıkalyq salada jetken jetistikteri men saıası turaq­tylyǵy arqasynda álemdik qaý­ymdastyq moıyndaǵan bedelin jáne Saryarqanyń tórin­degi Astanamyzdyń mereıin as­qaqtatý, jastardyń boıyna pat­rıottyq rýhty sińirý. Res­pýb­lı­ka­nyń barlyq óńirlerinde, atap aıtsaq, oblys ortalyqtary men Astana, Almaty qalalarynda qoldaý tapqan aksııanyń ma­ńy­zy erekshe. Bilim jáne ǵylym mınıstrligi tarapynan usy­nyl­ǵan atalmysh jobada ár jo­ǵary oqý ornynan 30-40 adamnan turatyn  stýdenttik orkestrler elimizdiń bar­lyq oblys­ta­ryn bir mezgilde Qur­man­ǵa­zy­nyń «Sary­ar­qa­sy­men» kúm­birle­gen kúıge bó­ledi. So­lardyń biri – L.N.Gý­mılev atyn­daǵy Eýrazııa ult­tyq ýnıversıteti. Bul kúni ulttyq ýnıver­sı­tet­tiń bas ǵımaratynda orna­las­qan Kúltegin eskertkishiniń janynda Aıgúl Jaılaý­qy­zy­nyń jetekshiligimen qurylǵan «Dala sazy» ulttyq aspaptar orkestri Qurmanǵazynyń «Sa­ry­arqa» kúıin oryndady. Kúıdi tyńdaý úshin Túrkııadan kelgen delegasııa, ýnı­versıtet oqytý­shylary men stýdentteri bas qosty. Onyń saltanatty ashylýynda fılarmonııa qyz­metkeri, sýyrypsalma aqyn Serikzat Dúısenǵazın: «Ger­manııanyń bir professory Qurmanǵazynyń «Saryar­qa­syn» tyńdaǵanda: «Kúıdi shy­ǵar­­ǵan adam qaı konservatorııany bitirgen?» dep suraǵan eken.  О́ıtkeni, ol Saryarqanyń dalasyn osynshalyqty as­qaq rýhpen kúı pernesine túsirip, qa­sıetti qara dombyranyń únimen búkil álemge jetkizip otyr. Sondyqtan da, biz árqashan da ózimizdiń kúı ónerimizdi maq­tan tu­týy­myz qajet», – dedi. Osy sátten soń ár túrli aspaptardan quryl­ǵan orkestr osy­naý daýylpaz kúıdi oryndady. «Balby­raýyn» men «Adaı» kúılerin sharyqtatty. Sóz reti kelgende aıta ketelik, Eýrazııa ulttyq ýnıversıtetinde sońǵy tórt jyldan beri mýzykalyq bilim berý kafedrasy jumys istemegenmen, ýnıversıtet stýdentteriniń ártistik, aıtyskerlik, ánshilik, ásirese, mýzykalyq beıimi eskerilip, 2009 jyly stýdenttik fılarmonııa ashylǵan bolatyn. Fılarmonııa búginde óziniń alǵashqy jemisin berýde. Qazaqtyń ózine saı, maqtanyshpen úlgi etetindeı ulttyq qundylyǵy, aıtysy, so­nymen qatar, ulttyq kúı óneri bar. Muny biz eshqashan sanamyzdan shyǵar­maı, ár­daıym ózgege pash etip, shet memleketterge tanystyryp otyrýymyz qajet. Osy tektes ultttyq naqyshymyzdy odan ári te­reńdetilgen kúıde tanystyrýda osyn­daı aksııalar men respýblıkalyq deńgeıde qolǵa alynǵan is-sharalardyń mańyzy zor ekendigin kásibı shyǵarmashylyqta, jo­ǵar­y deńgeıde oryndalǵan «Sary­arqa» kúıi dáleldeı túskendeı. Juldyz BAIDILDA. Sýretti túsirgen Igor BÝRGANDINOV.