«Egemen Qazaqstan» gazeti erteń, 1 qyrkúıekten bastap jańa dızaında jaryq kóredi. Bul týraly Aqparat jáne kommýnıkasııa mınıstrliginiń Ortalyq kommýnıkasııalar qyzmetinde «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli málimdedi. Ol búgin gazettiń jańa maketin tanystyryp, ózge de eleýli ózgerister jóninde áńgimelep berdi.
Basqarma tóraǵasy atap ótkendeı, gazet ataýynyń jazylý stıli, boıaýy jáne qaripi, sondaı-aq ishki mazmundyq qurylymy ózgergen. Sonymen qatar, basylymnyń zamanaýı talaptarǵa saı, ártúrli qoldanysqa yńǵaıly ámbebap logotıpi jasaldy. «Birinshi kezekte, otandyq jáne sheteldik tanymal basylymdardyń dızaındary jan-jaqty zerdelenip, baspasózge búgingi kún turǵysynan qoıylyp otyrǵan talap-tilekter, qoldanystaǵy tájirıbeler saraptan ótkizildi», – dedi Darhan Qydyráli.
Eske sala keteıik, basylymnyń taıaýda jalpy strategııalyq damý tujyrymdamasy ázirlenip, ony Aqparat jáne kommýnıkasııalar mınıstrligi maquldaǵan bolatyn. Gazettegi ózgeristiń barlyǵy osy Strategııalyq qujatqa sáıkes jasalǵan.
Aıdar О́RISBAEV
