«Egemen Qazaqstan» gazetiniń ınternet-saıtynda aldaǵy ýaqytta orys jáne aǵylshyn tilindegi nusqalar iske qosylady. Bul týraly Ortalyq kommýnıkasııalar qyzmetinde ótken brıfıng barysynda «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli málimdedi.
Búgingi ýaqyt jedel aqparat zamany bolǵandyqtan, gazettiń ınternet-saıtyn damytýǵa da aıryqsha kóńil bólinip otyr. Negizgi maqsat – saıtty jedel ári senimdi aqparattyq portalǵa aınaldyrý
«Gazettiń ınternet saıty basylym materıaldaryna táýeldi bolmaýy kerek. Iаǵnı, saıt gazette jarııalanǵan maqalalardy kóshirip basyp qana otyrmaýy tıis. О́ıtkeni, gazettiń óz oqyrmany, ınternettiń óz oqyrmany bar. Sondyqtan biz de saıttyń derbes jumys isteýine erekshe kóńil bóle bastadyq. Onda jarııalanatyn aqparattar legin arttyrdyq. Sáıkesinshe, bizdiń saıtty oqıtyn oqyrmandar qatary da kóbeıdi. Jalpy, biz «Egemenniń» saıty bolashaqta aqparat keńistiginde ózindik orny men salmaǵy bar, eń senimdi ári jyldam aqparat taratatyn tolyqqandy ınternet portalǵa aınalýy tıis dep sanaımyz. Buǵan qajetti múmkindikter bizde barshylyq. Soǵan baılanysty birqatar josparlarymyz da bar. Atap aıtsaq, saıttyń kózi nashar kóretinderge arnalǵan jáne orys, aǵylshyn tilderinde shyǵatyn nusqalaryn ashý, aýdıo-gazet qosymshalaryn engizý, mýltımedıalyq múmkindikterin arttyrý syndy jumystardy qolǵa alýdy josparlap otyrmyz», – dedi basqarma tóraǵasy.
Aıdar О́RISBAEV
