Múmkindigi shekteýli jandarǵa elektrondy qol arbalar berildi

Ońtústik Qazaqstan oblysynyń Kentaý qalasynda múmkindigi shekteýli azamattarǵa ózdiginen júretin qol arbalar tabys etildi. Elektrondy arba kún sáýlesinen qýat alady, ári ony toq kózine jalǵap ta qýattaýǵa bolady. Akkýmýlıatordyń kúshi 30 shaqyrymǵa deıin jetedi. Qol arbany qazaq túrik ýnıversıtetiniń oqytýshylary men stýdentteri qurastyryp shyǵarǵan. Múmkindigi shekteýli jandardyń qaýipsizdigin oılaǵan olar qurastyrýshy bólshekterdiń sapalysyn tańdaǵan. Qaıyrymdylyq sharasy aıasynda 20 adamǵa arba tegin taratyldy. «Men osyndaı múmkindigi shekteýli jandarǵa kómek qolyn sozǵanyma óte qýanyshtymyn. Endi júre almaıtyn adamdar arbanyń kómegimen dittegen jerine jete alady. Ázirge Shymkent, Kentaý, Túrkistan, Tórtkúl qalasynyń turǵyndaryna berdik. Keleshekte taǵy 100 dana jasaımyz degen josparymyz bar», – dedi ónertapqysh Ferhad Chaıyr. Aıman MUQYShEVA