Qazaqstan Respýblıkasy Investısııalar jáne damý mınıstrliginiń buıryǵy №334

  2015 jylǵy 26 naýryz , Astana qalasy Temirjol kóligindegi qaýipsizdik qaǵıdalaryn bekitý týraly «Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasy Zańynyń 14-baby 2-tarmaǵynyń 34-11) tarmaqshasyna sáıkes buıyramyn: 1. Qosa berilip otyrǵan Temirjol kóligindegi qaýipsizdik qaǵıdalary (budan ári – Qaǵıdalar) bekitilsin. 2. Qazaqstan Respýblıkasy Investısııalar jáne damý mınıstrliginiń Kólik komıteti (Á.A. Asavbaev): 1) osy buıryqtyń Qazaqstan Respýblıkasynyń Ádilet mınıstrliginde zańnamada belgilengen tártippen memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmelerin merzimdik baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqtyń Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn; 4) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarymen kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaýdy ózime qaldyramyn. 4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstriniń mindetin atqarýshy J.QASYMBEK «KELISILGEN» Qazaqstan Respýblıkasynyń Ulttyq ekonomıka mınıstri ________________ E. Dosaev 2015 jylǵy 22 mamyr «KELISILGEN» Qazaqstan Respýblıkasynyń Ishki ister mınıstri ________________ Q.Qasymov 2015 jylǵy 10 maýsym Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 26 naýryzdaǵy №334 buıryǵymen bekitildi Temirjol kóligindegi qaýipsizdik qaǵıdalary 1. Jalpy erejeler 1. Osy Temirjol kóligindegi qaýipsizdik qaǵıdalary (budan ári – Qaǵıdalar) «Temirjol kóligi týraly» 2001 jylǵy 8 jeltoqsandaǵy Qazaqstan Respýblıkasy Zańynyń 14-baby 2-tarmaǵynyń 34-11) tarmaqshasyna  sáıkes ázirlendi. 2. Qaǵıdalar menshik nysanyna qaramastan temirjol kóligi salasyndaǵy qyzmetti júzege asyratyn tasymaldaý prosesine qatysýshylarǵa, temirjol kóliginiń kómekshi qyzmetterine qoldanylady. 3. Osy Qaǵıdalarda mynadaı uǵymdar paıdalanylady: 1) qaýipsizdikti basqarý júıesiniń aýdıti (budan ári – aýdıt) – qaýipsizdikti basqarý júıesiniń osy Qaǵıdalarda belgilengen talaptarǵa sáıkestigin dıagnostıkalaý men baǵalaýdyń júıeli prosesi; 2) qaýipsizdik sertıfıkaty – tasymaldaý boıynsha kórsetiletin qyzmetterdi paıdalanýshylar men vagondar (konteınerler) operatorlaryn qospaǵanda, tasymaldaý prosesine qatysýshynyń qaýipsizdikti basqarý júıesiniń osy Qaǵıdalarǵa 1-shi qosymshaǵa sáıkes nysan boıynsha sáıkestigin kýálandyratyn qujat. 2. Temirjol kóligindegi qaýipsizdikti qamtamasyz etý tártibi Paragraf 1. Jalpy talap 4. Menshik nysanyna qaramastan temirjol kóligi salasyndaǵy qyzmetti júzege asyratyn tasymaldaý prosesine qatysýshylar, temirjol kóliginiń kómekshi qyzmetteri óz quzyreti sheginde tasymaldaý prosesiniń qaýipsizdigin (budan ári – qozǵalys qaýipsizdigi) qamtamasyz etedi jáne Qazaqstan Respýblıkasynyń normatıvtik quqyqtyq aktileri men tehnıkalyq reglamentteriniń talaptaryn saqtaý. Tasymaldaý prosesine qatysýshylar qozǵalys qaýipsizdigin mynalardy: 1) «Temir jol kóligi qyzmetkerleri laýazymdarynyń (kásipteriniń) jáne olarǵa qoıylatyn biliktilik talaptarynyń tizbesin bekitý týraly» 2010 jylǵy 20 qyrkúıektegi № 424 Qazaqstan Respýblıkasy Kólik jáne kommýnıkasııa Mınıstriniń buıryǵymen (Qazaqstan Respýblıkasynyń normatıvtik quqyqtyq aktilerdi tirkeýdiń memlekettik tiziliminde № 6581 bolyp tirkelgen) bekitilgen temirjol kóligi qyzmetkerleri laýazymdarynyń (kásipteriniń) tizbesine jáne olarǵa qoıylatyn biliktilik talaptaryna sáıkes kadrlardy jasaqtaý men ornalastyrýdy; 2) poezdar qozǵalysymen baılanysty qyzmetterge úmitkerlerdi kásibı irikteýdi; 3) eńbek tártibin nyǵaıtýdy; 4) densaýlyq saqtaý salasyndaǵy «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi Kodeksiniń 155 babyna jáne Qazaqstan Respýblıkasynyń ózge de normatıvtik quqyqtyq aktilerimen belgilengen densaýlyq saqtaý salasyna sáıkes qyzmetkerlerdi merzimdi medısınalyq tekserýden ótkizýdi, sondaı-aq lokomotıv brıgadalaryn jáne poezdar qozǵalysymen tikeleı baılanysty qyzmetkerlerdiń densaýlyǵyn aýysym aldyndaǵy kýálandyrýdy júrgizýdi; 5) jańa tehnıkanyń, tehnologııalardyń jáne menedjment quraldarynyń engizilýin eskere otyryp, temirjol kóliginiń negizgi kásipteriniń qyzmetkerlerin kásibı daıyndaý, oqytý, biliktiligin arttyrý júıesin jetildirýdi, sondaı-aq standartty emes jaǵdaılardaǵy is-qımyldardyń is júzindegi daǵdylaryn jetildirýdi; 6) poezdar qozǵalysymen baılanysty qyzmetkerlerdiń qozǵalys qaýipsizdigi máselelerin reglamentteıtin osy Qaǵıdany, Zańnyń 14-baby 2-tarmaǵynyń 34-12) tarmaqshasyna sáıkes bekitilgen Temir jol kóligin tehnıkalyq paıdalaný qaǵıdalary (budan ári – TPQ), «Temir jol kóligindegi sıgnalızasııa týraly nusqaýlyqty bekitý týraly» Qazaqstan Respýblıkasy Kólik jáne kommýnıkasııa mınıstriniń 2011 jylǵy 18 sáýirdegi № 209 buıryǵyna (Qazaqstan Respýblıkasynyń normatıvtik quqyqtyq aktilerdi tirkeýdiń memlekettik tiziliminde № 6954 bolyp tirkelgen) (budan ári - Nusqaýlyq), «Poezdar qozǵalysy jáne temirjol kóligindegi manevrlik jumys jónindegi nusqaýlyq týraly» Qazaqstan Respýblıkasy Kólik jáne kommýnıkasııa mınıstriniń 2011 jylǵy 19 mamyrdaǵy № 291 buıryǵyna (Qazaqstan Respýblıkasynyń normatıvtik quqyqtyq aktilerdi tirkeýdiń memlekettik tiziliminde № 7021 bolyp tirkelgen); 7) «Qozǵalys qaýipsizdigi kúni» taqyryby boıynsha onkúndik saıynǵy tekserýler júrgizýdi; 8) joldardy, jasandy qurylystardy, jyljymaly quramdy, sıgnal berý jáne baılanys, elektrmen jabdyqtaý qurylǵylaryn, temirjol ótkelderin, jabdyqtardy, tetikterdi jáne kóliktiń basqa da tehnıkalyq quraldaryn jóndeý jáne kútip ustaý sapasyn arttyrý jónindegi udaıy jumysty júzege asyrýdy; 9) defektoskopııa quraldary men dıagnostıka júıelerin jaramdy jaǵdaıda ustaýdy jáne tıimdi paıdalanýdy; 10) anyqtalǵan kemshilikterdi joıý jóninde sharalar qoldanýmen qaýipsizdikti baqylaý qurylǵylarynyń, aspaptarynyń jaı-kúıin jáne olardyń qoldanylýyn tekserýdi bekitilgen grafık boıynsha júzege asyrýdy; 11) jańa qaýipsizdik qurylǵylaryn, aspaptary men júıelerin engizý jóninde udaıy jumys júrgizýdi; 12) qozǵalys qaýipsizdigin qamtamasyz etýdi uıymdastyrýdyń jańa nysandaryn izdestirýdi jáne engizýdi; 13) avarııasyz jumys tájirıbesin jınaqtaýdy jáne taratýdy; 14) júrgiziletin jumys ereksheligine sáıkes tehnıkalyq túzý qural-saımandarmen jáne tehnıkalyq quraldarmen qamtamasyz etýdi kózdeıtin uıymdastyrýshylyq jáne tehnıkalyq is-sharalar keshenin júzege asyrý arqyly qamtamasyz etedi. 5. Tasymaldaý prosesine qatysýshylar, temirjol kóliginiń kómekshi qyzmetteri qamtamasyz etedi: ómiri men densaýlyǵy, jolaýshylardyń júrýi úshin qaýipsiz jaǵdaılardy; júkter, bagaj jáne júk-bagaj tasymalynyń qaýipsizdigin; temir jol kóliginiń tehnıkalyq quraldaryn paıdalaný kezinde qozǵalys qaýipsizdigin; «Temir jol kóligimen tasymaldaǵan kezde áskerılendirilgen kúzetpen alyp júrýge jatatyn júkterdiń tizbesin bekitý týraly» Qazaqstan Respýblıkasy Kólik jáne kommýnıkasııa mınıstriniń 2005 jylǵy 10 qarashadaǵy N 344-I buıryǵyna (Qazaqstan Respýblıkasynyń normatıvtik quqyqtyq aktilerdi tirkeýdiń memlekettik tiziliminde № 3931 bolyp tirkelgen) sáıkes olardyń qaraýyndaǵy temir jol kóligi obektilerin kúzetýdi; ekologııalyq qaýipsizdikti; órtke qarsy qaýipsizdikti; sanıtarlyq-epıdemıologııalyq qaýipsizdikti qamtamasyz etedi. 6. Temirjoldar, temirjol stansııalary, jolaýshy platformalary, sondaı-aq poezdar qozǵalysyna jáne manevr jumystaryna baılanysty temirjol kóliginiń basqa da obektileri qaýiptiligi joǵary aımaqtar bolyp tabylady jáne TPQ men Nusqaýlyqqa sáıkes olardyń sıgnaldyq qorshaýlary bolýy tıis. 7. Aýmaqtarynda qaýipti júkterdi óndirý, saqtaý, tıeý, túsirý, tasymaldaý júzege asyrylatyn obektiler qurylys normalary men qaǵıdalarynyń talaptaryna sáıkes temir joldardan, eldi mekenderden, kásiporyndardan, ǵımarattar men qurylystardan qajetti qashyqtyqqa alystatylǵan bolýy tıis. Baılanys, elektr taratý jelileriniń, munaı qubyrlarynyń, gaz qubyrlarynyń jáne temir joldardy qıyp ótetin nemese olarǵa tikeleı jaqyn ornalasqan basqa da qurylystardyń ıeleri olardyń jumys isteý qaýipsizdigin jáne qurylys normalary men qaǵıdalarynyń talaptaryna sáıkes kórsetilgen qurylystardy salý men paıdalanýdyń belgilengen normalarynyń saqtalýyn qamtamasyz etýi tıis, sondaı-aq qozǵalys qaýipsizdigine qaýip tóndiretin avarııalardyń nemese avarııalyq jaǵdaılardyń týyndaýy týraly ýákiletti organdaryn jáne temirjol kóligi uıymdaryn ýaqtyly habardar etý. 8. Qaýipti júkter óndirýdi, tıeýdi, túsirýdi, saqtaý men tasymaldaýdy júzege asyratyn tasymaldaý prosesine qatysýshylar men temirjol kóliginiń kómekshi uıymdary olardyń tasymaldaný qaýipsizdigin qamtamasyz etedi, ava­rııalyq jaǵdaılar men olardyń saldaryn joıý úshin qajetti quraldary jáne avarııalyq qutqarý qyzmetteri bolady. Qaýipti júkterdi tasymaldaý prosesinde avarııalyq jaǵdaı týyndaǵan kezde tasymaldaý prosesine qatysýshylar oqıǵa bolǵan jerge kórsetilgen avarııalyq-qutqarý qyzmetteriniń dereý jiberilýin qamtamasyz etedi. 9. Tıeý-túsirý jumystaryn júrgizý qaýipsizdigi: jumystardy júrgizý tásilderin, kótergish-kólik jabdyǵyn jáne tehnologııalyq jabdyqtaýdy tańdaýmen; jumystardy júrgizý ornyn daıyndaýmen jáne uıymdastyrýmen; jumys isteıtinderdi qorǵaý quraldaryn qoldanýmen; jumysqa jiberilgen adamdardy medısınalyq qaraýdan ótkizýmen jáne olardy oqytýmen qamtamasyz etilýi tıis. 10. О́ndiristik jáne basqa da úı-jaılardy, ǵımarattardy, qurylystardy, jabdyqty, kólik quraldaryn ustaý men paıdalaný, jolaýshylar men júkterdi tasymaldaý kezinde órtke qarsy talaptardy jáne sanıtarlyq - epıdemıologııalyq talaptardy saqtaýy. 11. О́rt qaýipsizdigi: qaýipsizdigi sharalaryn saqtaý bóliginde qaýipti júkterdi tıeýge, suryptaýǵa jáne túsirýge, sondaı-aq jyljymaly quramnyń kórsetilgen júkterdi tıeýge daıyndyǵyn baqylaýdy uıymdastyrýmen; belgilengen órtke qarsy rejımdi saqtaýmen, órt qaýipsizdigi sharalaryn saqtaý jóninde nusqaýlyqtan ótpegen adamdardy jumysqa jibermeýmen; evakýasııalaý joldaryn, órtke qarsy bógetterdi, úzbelerdi, kirme joldardy jáne joldardy, órt sóndirý quraldaryn (gıdranttar, ishki órt krandary, órtsóndirgishter) ustaýǵa baqylaý jasaý maqsatynda aýmaqtarǵa, ǵımarattarǵa, óndiristik jáne qyzmettik úı-jaılarǵa merzimdi tekserý júrgizýmen jáne anyqtalǵan buzýshylyqtar men kemshilikterdi joıý jóninde jedel sharalar qabyldaýmen; órt sóndirý, órt sıgnalyn berý, habarlaý jáne baılanys qondyrǵylaryn jaramdy ustaýmen, olardyń is-áreketke udaıy daıyndyǵymen qamtamasyz etiledi. 12. Temirjol kóliginde qaýipsizdikti qamtamasyz etý sharalaryn saqtamaý saldarlaryna qaraı qozǵalys qaýipsizdigin buzýdyń mynadaı túrlerine bólinedi: kúıreý; avarııa; jumystaǵy aqaýdyń erekshe oqıǵasy; jumystaǵy aqaýly oqıǵa; jumystaǵy qıyndyq; qozǵalys qaýipsizdigin ózge buzýshylyq. 13. Nátıjesinde adamdar qaza bolǵan nemese aýyr dene jaraqattaryn alǵan nemese temirjol jyljymaly quramy múkámmaldan shyǵarylý dárejesine deıin zaqymdalǵan magıstraldyq, stansııalyq nemese kirme joldarda, onyń ishinde konsessııa sharttary boıynsha temirjoldarda júk nemese jolaýshylar poezdaryndaǵy jyljymaly quramnyń soqtyǵysý, relsten shyǵý jaǵdaılary poezdardyń kúıreýine jatady. 14. Nátıjesinde temirjol jyljymaly quramynyń kúrdeli jóndeý kóleminde búlingen, magıstraldyq, stansııalyq nemese kirme joldarda, onyń ishinde konsessııa sharttary boıynsha temir joldarda júk nemese jolaýshylar poezdarynda jyljymaly quramnyń soqtyǵysý, relsten shyǵý, sondaı-aq nátıjesinde adamdar qaza bolǵan nemese aýyr dene jaraqattaryn alǵan nemese temirjol jyljymaly quramy múkámmaldan shyǵarylý dárejesine deıin zaqymdalǵan, stansııalarda nemese kirme joldarda, sonyń ishinde konsessııa sharttary boıynsha temirjoldarda manevrlik jumystar kezinde jyljymaly quramnyń soqtyǵysý, relsten shyǵý jaǵdaılary avarııalarǵa jatady. 15. Aqaýdyń erekshe oqıǵalaryna mynalar jatady: 1) nátıjesinde jyljymaly quramnyń aǵytylýyn jáne jóndeýge qoıylýyn talap etetin kólemde búlinýge jol berilgen, biraq osy Qaǵıdalardyń 13 jáne 14-tarmaqtarynda kórsetilgen saldar bolmaǵan, jyljymaly quramnyń magıstraldyq, stansııalyq jáne kirme joldarda, sonyń ishinde konsessııa sharttary boıynsha temirjoldarda soqtyǵysýy; 2) nátıjesinde jyljymaly quramnyń aǵytylýyn jáne jóndeýge qoıylýyn talap etetin kólemde búlinýge jol berilgen, biraq osy Qaǵıdalardyń 13 jáne 14-tarmaqtarynda kórsetilgen saldar bolmaǵan, júk jáne/nemese jolaýshylar poezdaryndaǵy jyljymaly quramnyń magıstraldyq, stansııalyq jáne kirme joldarda, sonyń ishinde konsessııa sharttary boıynsha temir joldarda relsten shyǵýy; 3) poezdy bos emes jolǵa qabyldaý - kele jatqan poezd baǵdarshamnyń ruqsat berý kirme (baǵyttyq) sıgnalynda nemese shaqyrý belgisinde ótip ketken (lokomotıvtiń bir bóligimen bolsa da) nemese poezd mashınısi basqa poezd nemese jyljymaly quram turǵan jolǵa daıyndalǵan baǵyt kezinde stansııaǵa júrip ótýge ruqsat alǵan jaǵdaı; 4) poezdy bos emes aralyqqa (blok-ýchaskege) jóneltý - baǵdarshamnyń ashyq shyǵý sıgnaly nemese shaqyrý sıgnaly kezinde nemese mashınıstke aralyqqa ornalasýǵa berilgen ruqsat boıynsha jáne ol qajetti jaǵdaılarda poezdyń júrýi týraly qosymsha nusqaý nemese sıgnal alǵannan keıin alda turǵan aralyqqa (blok-ýchaske), onda basqa poezdyń (kez kelgen baǵyttaǵy) nemese jyljymaly quramnyń turǵanyna qaramastan, poezdyń jóneltilýi (nemese toqtamaı ótýi) jáne osy joldyń shyǵý sıgnalynan (sıgnal bolmaǵanda - shektik baǵanadan) lokomotıvtiń bir bóligimen bolsa da ótip ketý jaǵdaıy; 5) poezdy daıyndalmaǵan baǵyt boıynsha qabyldaý (jóneltý) - durys daıyndalmaǵan nemese daıyn emes, sonyń ishinde jyljymaly quram turmaǵan jolǵa ákeletin baǵytqa baǵdarshamnyń tyıym salatyn kirme (shyǵý) sıgnaly kezinde kele jatqan (jóneltiletin) poezd baǵdarshamnyń ashyq kirme (shyǵý) sıgnalynan ótip ketken (lokomotıvtiń bir bóligimen bolsa da) nemese stansııaǵa (stansııadan) júrýge mashınıst ruqsat alǵan, sondaı-aq elektr tartymy bar poezǵa elektrlendirilmegen jolǵa nemese toktyń basqa túrimen elektrlendirilgen jolǵa nemese túıispe symynda kerneýi alynǵan jolǵa qabyldaý baǵyty ázirlengen jaǵdaı; 6) baǵdarshamnyń tyıym salý sıgnalynan nemese shektik baǵanadan ruqsatsyz ótý; 7) poezd astynan baǵyttamany aýystyrý; 8) jyljymaly quramnyń stansııalardaǵy, kirme joldardaǵy, onyń ishinde konsessııa sharttary boıynsha temirjoldardaǵy shektik baǵanadan asyp irgeles aralyqqa poezdy qabyldaý-jóneltý baǵytyna, stansııadan aralyqqa nemese aralyqtan stansııaǵa ketýi, biraq osy Qaǵıdalardyń 13 jáne 14-tarmaqtarynda kórsetilgen saldardyń bolmaýy; 9) jyljymaly quram osiniń, dońǵalaq osi moınaǵynyń, dońǵalaq jubynyń synýy; 10) jyljymaly quram arbashasynyń búıir jaǵynyń nemese ressory ústindegi arqalyǵynyń synýy; 11) jyljymaly quram arqalyǵynyń úzilýi; 12) tehnıkalyq aqaýlarǵa baılanysty, býksanyń qyzyp ketýin qosa alǵanda, jolda jolaýshylar poezdarynan vagonnyń aǵytylýy (jolaýshylar poezdaryn qurastyrý jáne taǵaıyndaý stansııalarynan basqa, barlyq stansııalarda esepke alynady); 13) poezdy jabylǵan shetki krandarmen jóneltý; 14) stansııalarda baǵdarsham belgisiniń tyıym salý kórsetkishinde jyljymaly quramnyń júrip ótýine ákep soqtyrǵan baǵdarshamnyń ruqsat sıgnalynyń tyıym salý sıgnalyna aýysýy - stansııada belgi berý qurylǵylarynyń, relstik tizbeginiń aqaýlyǵynan, elektr energııasynyń ajyratylýynan nemese stansııa kezekshisiniń (sıgnal berýshiniń) qatesinen baǵdarshamnyń ruqsat berý kórsetkishiniń tyıym salý kórsetkishine aýysyp, jyljymaly quramnyń tyıym salý sıgnalynan ótip ketýine ákep soqtyrǵan jaǵdaı; 15) nátıjesinde aýystyrý talap etilgen, jolaýshylar poezyndaǵy lokomotıvtiń aqaýy (lokomotıv brıgadalaryn aýystyrý pýnktterinen, sondaı-aq negizgi nemese aınalymdy lokomotıv deposy bar pýnktterden basqa, barlyq stansııalarda esepke alynady); 16) jolda kele jatqanda júktiń qulaýy - júktiń nemese onyń bóliginiń temir jolǵa túsý jaǵdaıy, sondaı-aq júktiń jyljymaly quramǵa júkti tıeýdiń belgilengen ólshemderinen shyǵýyn týǵyzǵan júk bekitpesiniń yǵysýy, burylýy, buzylýy jáne basqa da aqaýlar; 17) aralyqtar men stansııalarda jol jumystaryn júrgizý oryndarynyń sıgnaldyq belgilermen qorshalmaýy; 18) baǵdarshamda tyıym salý ornyna jalǵan ruqsat berýdi kórsetýdiń; avtomatty lokomotıv sıgnalızasııasy aralyqta sıgnalızasııa jáne baılanys derbes quraly retinde qoldanǵanda, lokomotıv baǵdarshamynda tyıym salý ornyna jalǵan ruqsat berýdi kórsetýdiń paıda bolýy; 19) eger qos dońǵalaqtardy aýystyrýǵa tehnologııalyq prosespen belgilengen ýaqyttan asyp ketse, jol júrip kele jatqanda jolaýshylar poezynda qos dońǵalaqty aýystyrý (qos dońǵalaqtardy aýystyrý qaı jerde júrgizilgendigine qaramastan) jatady. 16. Jumystaǵy aqaýly oqıǵalarǵa mynalar jatady: 1) osy Qaǵıdalardyń 13 jáne 14-tarmaqtarynda kórsetilgen saldarlar bolmaıtyn, jyljymaly quramnyń manevrler, jabdyqtalý jáne basqa da qozǵalystar kezinde relsten shyǵýy; 2) osy Qaǵıdalardyń 13 jáne 14-tarmaqtarynda kórsetilgen saldarlar bolmaıtyn, biraq jyljymaly quramnyń aǵytylýy nemese jumysqa qabilettiligin qalpyna keltirý úshin jóndeýge qoıylýy talap etiletin dárejede búlinýi oryn alatyn jyljymaly quramnyń manevrlik jumystar men basqa da qozǵalystar kezinde soqtyǵysýy; 3) temirjol kóliginiń uıymdary qyzmetkerleriniń kinásinen jol berilgen temirjol ótpesinde jyljymaly quramnyń ózdiginen júretin nemese avtokólik quraldarymen soqtyǵysýy; 4) poezdaǵy jyljymaly quramnyń avtotirkegishteriniń nemese basqa tirkeý qurylǵylarynyń ózdiginen aǵytylýy; 5) poezdaǵy jyljymaly quram avtotirkegishiniń nemese basqa tirkeý qurylǵylarynyń úzilýi; 6) jyljymaly quram bólikteriniń temir jolǵa qulaýy; 7) jyljymaly quramnyń baǵyttamaly burmany kesip ótýi; 8) aralyq stansııalarda júk poezynan vagondardyń mynalardyń saldarynan aǵytylýy: tehnıkalyq aqaýlylyq (eger vagondy aǵytý tehnıkalyq qyzmet kórsetýdiń negizgi pýnktterinen basqa, qyzmet kórsetýdiń kepildik ıininiń jyljymaly quramy úshin belgilengen kez kelgen aralyq stansııada júrgizilgen bolsa, onda ol jumystaǵy aqaýlyq dep esepke alynady); býksanyń qyzýy (tehnıkalyq qyzmet kórsetýdiń negizgi pýnktterinen basqa, barlyq jaǵdaılarda esepke alynady); 9) nátıjesinde poezdardyń aralyqta poezd qozǵalysy kestesinde belgilengen ýaqyt normalarynan artyq nemese stansııada baǵdarshamnyń ruqsat belgisi ashylǵan sátten bastap bir saǵat jáne odan da kóp ýaqyt kidirýine jol berilgen, joldyń, jyljymaly quramnyń, sıgnal berý, ortalyqtandyrý, buǵattaý jáne baılanys, túıispeli jeli, elektrmen jabdyqtaý qurylǵylarynyń jáne basqa da tehnıkalyq quraldardyń aqaýlyǵy; 10) aralyqta nemese stansııalarda júk tıeýdiń tehnıkalyq sharttarynyń buzylýynan vagonnyń poezdan aǵytylýy; 11) lokomotıvti aýystyrýdy talap etetin, avtomatty lokomotıvtik sıgnal berýdiń nemese lokomotıv qaýipsizdiginiń basqa da aspaptarynyń aqaýlyǵy (lokomotıvterdi nemese lokomotıv brıgadalaryn aýystyrýdyń belgilengen pýnktterinen basqa, barlyq stansııalarda esepke alynady); 12) aralyqtarda maldy basyp ketý saldarynan poezdan aǵytylýy talap etiletin jyljymaly quramnyń búlinýi; 13) jolólsheýish vagonnyń bastyǵy nemese qozǵalys qaýipsizdigi tekserýshisiniń ótinimi boıynsha poezd dıspetcherinen ýchaskedegi qozǵalysty jabý týraly buıryq berýin talap etetin joldyń aqaýlyǵy. 17. Qozǵalys qaýipsizdigin buzý osy Qaǵıdalardyń 13, 14, 15 jáne 16-tarmaqtaryna jatpaıtyn, biraq mynalardy týyndatqan jaǵdaılar: 1) joldyń, jyljymaly quramnyń jáne tehnıkalyq quraldardyń tehnıkalyq aqaýlyǵynan aralyqta nemese stansııada poezdyń otyz mınýttan astam jáne odan da uzaq ýaqytqa keshigýi; 2) joldyń joǵarǵy qurylysyn kútip ustaýdyń buzylýynan lokomotıv mashınısiniń joldaǵy «soqqyny» málimdeýi; 3) dońǵalaq jubynyń qaı jerde aýystyrylǵanyna qaramastan, júrip ótý jolynda dońǵalaq jubynyń aqaýy boıynsha jolaýshy poezynyń dońǵalaq jubyn aýystyrý; 4) poezdan jyljymaly quramdy jóndeý úshin aǵytpaı-aq, jolda maldy basyp ketýdi týyndatqan jaǵdaılar jumystaǵy qıyndyqtar bolyp sanalady. 18. Qozǵalys qaýipsizdiginiń ózge buzýshylyqtaryna syrtqy sebepterdiń saldary bolyp tabylǵan qozǵalys qaýipsizdigin buzýshylyqtarǵa: 1) sıgnal berýdiń, ortalyqtandyrýdyń jáne baılanystyń, elektrmen jabdyqtaýdyń qalypty jumysynyń buzylýyna alyp kelgen syrtqy aýa temperatýrasy mınýs 35°S-tan tómen, jel ekpini 20 m/sek-tan astam, naızaǵaı qubylystary, elektrlendirilgen ýchaskelerde túıispe symdy muz basqanda kezindegi aýa-raıy jaǵdaıy; 2) sıgnal berý qurylǵylarynyń tehnıkalyq jaramdy kezinde avtokólik quraldarymen temir jol ótpelerinde soqtyǵysýlar; 3) qaýipti júktiń tógilýi sebebinen poezdyń júrý jolynda júk vagonyn aǵytý; 4) tehnıkalyq kútip ustaýdy buzý saldary bolyp tabylmaǵan jáne/nemese poezdardy ótkizýdiń keshigýine ákelgen jaǵdaılar jyljymaly quramnyń, joldyń joǵarǵy qurylysynyń, órtený retinde esepke alynady; 5) tabıǵı faktorlardyń (joldy sý shaıyp ketý jáne qar basyp qalý) nemese bógde tulǵalardyń is-áreketiniń saldarynan bolǵan osy ýchaske boıynsha poezdy ótkizýdiń kidirýin týǵyzǵan joldyń joǵarǵy qurylysynyń buzylýy; 6) poezdy shuǵyl tejeýdi qoldaný qajettiligin jáne onyń toqtaýyn týyndatqan bógde adamdardyń temir jolǵa zattar qoıýy; 7) qozǵalys qaýipsizdigin ózge de buzýshylyqtar, joǵaryda kórsetilgen tizbege enbeıtin bógde sebepterdiń saldary bolyp tabylatyn jaǵdaılar, sondaı-aq jolda adamdardy basyp ketý jaǵdaılary jatady. Paragraf 2. Temirjol kóliginde qaýipsizdikti basqarý júıesi 19. Tasymaldaý boıynsha kórsetiletin qyzmetterdi paıdalanýshylar men vagondar (konteınerler) operatorlaryn qospaǵanda, tasymaldaý prosesine qatysýshylar tasymaldaý prosesi qaýipsizdigin basqarý júıesin ázirleýi jáne engizýi tıis. Eskertpe: Bul rette tasymaldaý prosesiniń qatysýshylary ISO 9001:2008 «Sapa menedjmentiniń júıesi. Talaptar», ISO 14001:2004 «Ekologııalyq menedjment júıesi. Basshylyq boıynsha basqarý jáne talap.», OHSAS 18001:2007 «Eńbek qorǵaýdy qamtamasyz etý jáne densaýlyqty kúzetý menedjment júıesi. Talap» halyqaralyq standarttaryn basshylyqqa alýy múmkin. 20. Tasymaldaý prosesine qatysýshylardyń tasymaldaý prosesi qaýipsizdigin basqarý júıesi: 1) qyzmet qaýipsizdiginiń basymdylyǵyn belgileıtin jáne osy Qaǵıdalardyń 21-tarmaǵynda kórsetilgen qaýipsizdikti basqarý qaǵıdalaryn qamtıtyn, tasymaldaý prosesine qatysýshynyń basshysy bekitetin jáne barlyq personaldyń nazaryna jetkiziletin qozǵalys qaýipsizdigi salasyndaǵy saıasatty; 2) ádisterdi, oryndaýshylardy, sáıkestendirýdi, táýekeldikterdi baǵalaýdy júrgizý, is-sharalar josparyn nemese túzetý is-qımyldaryn ázirleý, sondaı-aq olardy iske asyrý úshin jaýaptylardy kórsete otyryp, qaýipterdi aıqyndaý jáne qozǵalys qaýipsizdiginiń buzýshylyqtary táýekeldikterin baǵalaý, temirjol kóligindegi qaýipsizdik salasyndaǵy táýekeldikterdi basqarý jónindegi sharalardy belgileý jáne iske asyrý rásimderiniń anyqtamasyn; 3) temirjol kóligindegi qozǵalys qaýipsizdigi boıynsha nysanaly kórsetkishterdi jáne olarmen baılanysty bekitilgen nysanaly kórsetkishterge qol jetkizý jónindegi is-sharalar josparlaryn. Tasymaldaý prosesine qatysýshy maqsattardy (ólshenetin jáne qol jetkizimdi), osy maqsattarǵa qol jetkizý jónindegi is-sharalar josparyn (kórsetkishterdi, jaýaptylardy jáne oryndaý merzimderin kórsetip) belgileıdi; 4) Qazaqstan Respýblıkasynyń normatıvtik quqyqtyq aktileri men tehnıkalyq reglamentteriniń talaptaryn baǵalaý rásimderin. Tasymaldaý prosesine qatysýshy Qazaqstan Respýblıkasynyń normatıvtik quqyqtyq aktileri men tehnıkalyq reglamentteriniń sáıkestendirilgen talaptary tizbesiniń ázirlenýin qamtamasyz etedi, ol tasymaldaý prosesine qatysýshynyń qyzmetine sáıkes bolýy tıis. Bul tizbe kem degende úsh jylda bir ret jańartylady. Tasymaldaý prosesine qatysýshy ádistemesin, jaýaptylardy jáne baǵalaý júrgizý kezeńdiligin kórsete otyryp, Qazaqstan Respýblıkasynyń normatıvtik quqyqtyq aktileri men tehnıkalyq reglamentteriniń talaptaryn baǵalaýdy júrgizý rásimin belgileıdi. Baǵalaý nátıjeleri boıynsha esep jasalynady, ol barlyq personaldyń nazaryna jetkiziledi jáne tıisti sheshimder qabyldaý úshin tasymaldaý prosesine qatysýshynyń basshysyna usynylady; 5) qaýipsizdikti qamtamasyz etýde tasymaldaý prosesine qatysýshy qyzmetkerleriniń mindetterin, jaýapkershiligi men ókilettikterin belgileý jáne bólý; personaldyń biliktiligi men habardar bolýyn arttyrý; jumys kúıinde turǵan qajetti ınfraqurylymnyń bolýy jáne personal úshin óndiristik ortany qurý arqyly tasymaldaý prosesine qatysýshynyń qaýipsizdik boıynsha talaptarǵa qol jetkizýi úshin talap etiletin tıisti adam, óndiris jáne qarjy resýrstarymen qamtamasyz etýdi; 6) tasymaldaý prosesine qatysýshynyń ishki qujattarynda belgilengen kezeńdilikpen tasymaldaý prosesine qatysýshynyń qyzmetine taldaý júrgizýdi, sondaı-aq qyzmet kórsetkishterin turaqty monıtorıngteý men ólsheýdi jáne qaýipsizdikti basqarý júıesiniń merzimdik ishki aýdıtin qamtıdy. 21. Tasymaldaý prosesine qatysýshynyń qaýipsizdikti basqarý júıesi mynadaı qaǵıdalardy saqtaı otyryp ázirlenedi: 1) tutynýshyǵa baǵdarlaný; 2) basshynyń kóshbasshy bolýy – basshy tasymaldaý prosesine qatysýshy qyzmetiniń maqsattary men baǵyttarynyń birtutastyǵyn qamtamasyz etedi, qaýipsizdik boıynsha maqsattarǵa qol jetkizýge qyzmetkerler tartylǵan ishki ortany qurady ári qoldaıdy; 3) barlyq deńgeıdegi qyzmetkerlerdi tartý; 4) prosestik tásildi paıdalaný – tasymaldaý prosesine qatysýshynyń qyzmetindegi prosesterdi aıqyndaý jáne olardy tıimdi basqarý; 5) júıelik tásildi qoldaný – ózara baılanysqan prosester júıesin basqarý; 6) qyzmetti turaqty jaqsartý; 7) derekter men aqparatty taldaýǵa negizdelgen sheshimderdi qabyldaý; 8) tasymaldaý prosesine qatysýshy men onyń jetkizýshileri ózara baılanysty bolǵandyqtan, jetkizýshilermen ózara tabysty qarym-qatynastardy damytý. 22. Qozǵalys qaýipsizdigin basqarý júıesi qoldanylatyn sala basqarýshylyq jáne óndiristik prosesterdi qamtıdy jáne tasymaldaý boıynsha kórsetiletin qyzmetterdi paıdalanýshylar men vagondar (konteınerler) operatorlaryn qospaǵanda, barlyq tasymaldaý prosesine qatysýshylarǵa taralady. 23. Tasymaldaý prosesine qatysýshynyń qaýipsizdikti basqarý júıesiniń qaýipsizdik talaptaryna sáıkestigi tasymaldaý boıynsha kórsetiletin qyzmetterdi paıdalanýshylar jáne vagondar (konteınerler) operatorlaryn qospaǵanda, tasymaldaý prosesine qatysýshynyń qaýipsizdikti basqarý júıesiniń osy Qaǵıdalarda belgilengen tártipte berilgen temirjol kóligindegi qaýipsizdik qaǵıdalaryna sáıkestigin kýálandyratyn qujat bolyp tabylatyn, qaýipsizdik sertıfıkatymen rastalady. Magıstraldyq temirjol jelisi qyzmetterine ruqsat tasymaldaý boıynsha kórsetiletin qyzmetterdi paıdalanýshylar jáne vagondar (konteınerler) operatorlaryn qospaǵanda, tasymaldaý prosesine qatysýshylarda osy Qaǵıdalarǵa 1-shi qosymshaǵa sáıkes nysan boıynsha berilgen qaýipsizdik sertıfıkaty bolǵan jaǵdaıda. Paragraf 3. Qaýipsizdikti basqarý júıesiniń aýdıti 24. Qaýipsizdikti basqarý júıesiniń aýdıtin ýákiletti organynyń sheshimi negizinde júrgiziledi. Aýdıt júrgizýge ózge uıymdardyń quzyretti ókilderi tartylýy múmkin. Bir topta ýákiletti organynyń bir nemese odan artyq ókili bolýy múmkin. 25. Aýdıttiń maqsaty – tasymaldaý boıynsha kórsetiletin qyzmetterdi paıdalanýshylar men vagondar (konteınerler) operatorlaryn qospaǵanda, tasymaldaý prosesine qatysýshynyń, Qazaqstan Respýblıkasynyń normatıvtik quqyqtyq aktileri talaptarynyń jáne qozǵalys qaýipsizdigin qamtamasyz etýge baǵyttalǵan tasymaldaý prosesine qatysýshylardyń ishki qujattarynyń oryndalý dárejesin belgileý. 26. Qaýipsizdikti basqarý júıesiniń aýdıtine mynadaı kezeńder kiredi: 1) aýdıt júrgizýdi josparlaý; 2) aýdıt júrgizýge daıyndalý; 3) aýdıt júrgizý; 4) aýdıt nátıjelerin resimdeý; 5) aýdıttiń nátıjeliligin taldaý; 6) túzetýshi is-qımyl. 27. Tasymaldaý prosesine qatysýshynyń qaýipsizdikti basqarý júıesiniń aýdıti osy Qaǵıdalarǵa 2-qosymshaǵa sáıkes jasalatyn qaýipsizdikti basqarý júıesiniń aýdıtin júrgizý josparyna sáıkes úsh jylda bir ret júrgiziledi. 28. Aýdıt júrgizý jospary bir jylǵa jasalady jáne ýákiletti organnyń resmı ınternet-resýrsynda jarııalanady. Aýdıt júrgizý týraly habarlama tasymaldaý prosesine qatysýshylarǵa aýdıt bastalǵanǵa deıin kem degende bir aı buryn jiberiledi. 29. Tasymaldaý prosesine qatysýshylar aýdıt júrgizý týraly habarlamany alǵan kúnnen bastap 5 jumys kúni ishinde ýákiletti organyna quryltaılyq qujattardyń jáne uıymdastyrýshylyq qurylymnyń kóshirmelerin jiberedi. 30. Osy Qaǵıdalardyń 31-tarmaǵynda kórsetilgen negizdemeler boıynsha qaýipsizdikti basqarý júıesiniń jospardan tys aýdıtterin uıymdastyrý júrgiziledi. Jospardan tys aýdıtterdi uıymdastyrý josparly aýdıtterdi júrgizýge qoıylatyn talaptarǵa sáıkes júzege asyrylady. 31. Qaýipsizdikti basqarý júıesiniń jospardan tys aýdıtteri úshin mynalar: 1) aýdıt nátıjesinde aıqyndalǵan sáıkessizdikterdiń joıylýyn baqylaý; 2) tutynýshylardyń aryz-shaǵymdary, júrgiziletin qyzmet monıtorıngteri men taldaýlary negizinde aıqyndalatyn kórsetiletin qymetter, oryndalatyn jumystar sapasynyń nasharlaýy; 3) quqyqtary buzylǵan jeke jáne zańdy tulǵalardyń (tutynýshylardyń) ótinishteri; 4) adamnyń ómirine, densaýlyǵyna, qorshaǵan ortaǵa, jeke jáne zańdy tulǵalardyń, memlekettiń zańdy múddelerine zııan keltirýiniń ne keltirý qaýpiniń naqty faktileri boıynsha prokýratýra organdarynyń tapsyrmalary; 5) adamnyń ómirine, densaýlyǵyna, qorshaǵan ortaǵa, jeke jáne zańdy tulǵalardyń, memlekettiń zańdy múddelerine zııan keltirýiniń ne keltirý qaýpiniń naqty faktileri boıynsha memlekettik organdardyń ótinishteri; 6) aýdıtti júzege asyrý úshin qajetti aqparatty alý maqsatynda tasymaldaý prosesine qatysýshy azamattyq-quqyqtyq qatynasta bolǵan úshinshi tulǵalarǵa qatysty qarsy aýdıti; 7) aýdıt júrgizilip otyrǵan tasymaldaý prosesine qatysýshynyń bastapqy aýdıt nátıjelerimen kelispeıtindigi týraly ótinishine baılanysty qaıtalama aýdıt; 8) tekseriletin sýbektiniń «Ákimshilik rásimder týraly» Qazaqstan Respýblıkasynyń Zańynda belgilengen tártipte qyzmetti nemese belgili is-qımyldardy bastaý týraly habarlamany berýi; 9) tasymaldaý prosesine qatysýshynyń qaýipsizdikti basqarý júıesindegi prosester ózgeristeri; 10) tasymaldaý prosesine qatysýshynyń qyzmetterdi kórsetý, jumystardy oryndaý tehnologııasyndaǵy ózgerister negizdeme bolady. Jospardan tys aýdıt memlekettik kóliktik baqylaý organnyń birinshi basshysynyń sheshimi boıynsha taǵaıyndalady. 32. Bekitilgen jospar nemese jospardan tys aýdıtti júrgizý týraly ýákiletti organyn basshysynyń sheshimi negizinde aýdıtke daıyndyq júrgiziledi. Daıyndyq barysynda mynadaı is-sharalar júrgiziledi: 1) aýdıt júrgizýge qatysatyn memlekettik kóliktik baqylaý organy ókilderiniń jaýapkershiligi men ókilettigin aıqyndalady; 2) aldyńǵy aýdıttiń nátıjeleri boıynsha ázirlengen is-sharalardyń iske asyrylýyna tekserý uıymdastyrylady; 3) sońǵy aýdıt júrgizilgen ýaqyttan beri ótken kezeń ishindegi reklamasııalarǵa, pikirlerge, tilekterge taldaý júrgiziledi; 4) aýdıtke jatatyn qujattardyń aldyn ala tizbesi, aýdıt barysynda jaýap alynýy tıis suraqtar, taqyryptar jasalady. 33. Aýdıt júrgizý bastalǵanǵa deıin aýdıt júrgizýge qatysatyn ýákiletti organynyń laýazymdy tulǵalary aýdıtteletin tasymaldaý prosesine qatysýshynyń quryltaılyq qujattarymen jáne uıymdastyrýshylyq qurylymymen tanysýy tıis. 34. Tasymaldaý boıynsha kórsetiletin qyzmetterdi paıdalanýshylar men vagondar (konteınerler) operatorlaryn qospaǵanda, tasymaldaý prosesine qatysýshylar aýdıt júrgizý týraly habarlamany alǵanda: 1) qyzmetkerlerdi aýdıt maqsaty týraly habardar etedi; 2) qyzmetkerlerdiń qatarynan ýákiletti organynyń ókilderimen birge júrý jáne aýdıt júrgizýge olarǵa járdemdesý úshin jaýapty adamdardy taǵaıyndaıdy; 3) aýdıt júrgizýge qatysatyn ýákiletti organynyń ókilderin aýdıtti tıimdi ári nátıjeli ótkizý úshin qajetti barlyq quraldarmen (jeke úı-jaı, jumys orny, jeke qorǵaný quraldary, qajet bolǵan jaǵdaıda) qamtamasyz etedi; 4) aýdıt júrgizýge qatysatyn ýákiletti organy ókilderiniń suraýy boıynsha qajetti jabdyqtarǵa, derekter men aqparatqa qol jetkizýdi beredi. 35. Aqparat jınaǵan kezde aýdıttiń: suhbattasý; qyzmetin baqylaý; aıǵaqtardy, jazbalardy, faktilerdiń mazmundamasyn nemese basqa aqparatty alý; qujattama men jazbalardy taldaý ádisteri qoldanylady. 36. Aýdıt mynadaı kezektilikpen júrgiziledi: 1) Ýákiletti organy ókilderiniń tasymaldaý prosesine qatysýshynyń basshylyǵymen jáne qyzmetkerlerimen kirispe májilisi. Ýákiletti organynyń ókilderi tasymaldaý prosesine qatysýshynyń basshylyǵy men qyzmetkerlerin aýdıt maqsattary men aýmaǵy, aýdıt júrgizilgen kezde qoldanylatyn ádister men rásimder týraly, sondaı-aq basqa uıymdardyń qyzmetkerlerimen ózara árekettesý tásilderi týraly habardar etedi. Májiliste aralyqtyq (qajet bolǵan kezde) jáne qorytyndy májilisterdi ótkizý kúnderi kelisiledi jáne aýdıttiń jaıttardy naqtylanady; 2) jınaý, qyzmetkerlermen suhbattasý, qyzmetti baqylaý jáne temirjol kóligindegi qaýipsizdikti basqarý júıesi týraly aqparatty taldaý; 3) aıqyndalǵan sáıkessizdikterdi, olardy joıý jáne qyzmetin jaqsartý boıynsha usynystardy aýdıt barysynda jáne ol aıaqtalǵan soń talqylaý; 4) júrgizilgen aýdıt qorytyndylary boıynsha uıym basshylyǵymen sońǵy májilis. Májiliste aıqyndalǵan sáıkessizdikter men usynymdar (olar bolǵan kezde) tasymaldaý prosesine qatysýshynyń basshylyǵynyń nazaryna jetkiziledi, sáıkessizdikter tasymaldaý prosesine qatysýshynyń basshysymen taldanady; 5) osy Qaǵıdalarǵa 3-qosymshaǵa sáıkes nysan boıynsha júrgizilgen aýdıt qorytyndysy týraly esepti jasaý. 37. Aýdıt júrgizý barysynda tasymaldaý prosesine qatysýshy júzege asyratyn qyzmettiń qozǵalys qaýipsizdigine qoıylatyn talaptarǵa sáıkestigin is júzinde baǵalaýdy júrgizedi. 38. Aýdıt nátıjelerin resimdegen kezde sáıkessizdikter (olar bolǵan kezde) sáıkestendiriledi jáne qaýipsizdikti basqarý júıesin jaqsartýǵa baǵyttalǵan usynymdar tujyrymdalady. 39. Aýdıt júrgizý qorytyndylary boıynsha osy Qaǵıdalarǵa 3-qosymshaǵa sáıkes nysan boıynsha aýdıt júrgizý týraly esep jasalady, ony aýdıt júrgizýge bastamashylyq etken ýákiletti organynyń basshysy bekitedi. Esepte mynadaı sheshimderdiń biri kórsetiledi: aýdıt nátıjeleri boıynsha qaýipsizdik sertıfıkaty berilsin; qaýipsizdikti basqarý júıesi qaýipsizdik talaptaryna sáıkes kelmeıdi; sertıfıkattyń jaramdy bolýyn sáıkessizdikter joıylǵanǵa deıin toqtata turý boıynsha sharalar qabyldaý nemese Qazaqstan Respýblıkasynyń zańnamasyna sáıkes qaýipsizdik sertıfıkatyn alyp qoıý týraly. 40. 10 jáne odan artyq sáıkessizdik aıqyndalǵan kezde qaýipsizdikti basqarý júıesi qaýipsizdik talaptaryna sáıkes dep tanylýy múmkin emes, bul qaýipsizdik sertıfıkatyn úsh aıǵa deıingi merzimde toqtata turý týraly sheshim qabyldaýǵa alyp keledi. Qaýipsizdik sertıfıkatyn toqtata turý týraly habarlama tasymaldaý prosesine qatysýshyǵa jáne ulttyq ınfraqurylym operatoryna jazbasha túrde jiberiledi. Barlyq sáıkessizdikter joıylǵan jaǵdaıda qaýipsizdik sertıfıkatynyń qoldanysy qalpyna keltiriledi, bul týraly tasymaldaý prosesine qatysýshyǵa jazbasha habarlama jiberiledi. Tasymaldaý prosesine qatysýshynyń úsh aı ishinde sáıkessizdikterdi joıýǵa dármensizdigi qaýipsizdik sertıfıkatynyń qoldanysyn joıýǵa alyp keledi. 41. Tasymaldaý prosesine qatysýshynyń basshysy aýdıt nátıjelerin alǵan soń on bes jumys kúni ishinde ýákiletti organǵa aıqyndalǵan sáıkessizdikterdiń sebepteri týraly aqparatty jáne aıqyndalǵan sáıkessizdikterdi joıý jáne usynymdardy (olar bolǵan kezde) oryndaý boıynsha túzetý is-qımyldary josparlaryn jazbasha túrde usynady. Túzetý is-qımyldary josparynyń nysany osy Qaǵıdaǵa 4-qosymshada kórsetilgen. 42. Aıqyndalǵan sáıkessizdikterdi joıý jáne usynymdardy oryn