Qazaqstan Respýblıkasy Investısııalar jáne damý mınıstrliginiń buıryǵy №588

  2016 jylǵy 2 tamyz ,     Astana qalasy Qazaqstan Respýblıkasynyń aýmaǵynan qara metaldardyń qaldyqtary men synyqtaryn áketýge tyıym salýdy engizý týraly «Saýda qyzmetin retteý týraly» 2004 jylǵy 12 sáýirdegi Qazaqstan Respýblıkasy Zańynyń 18-babyna jáne Eýrazııalyq ekonomıkalyq odaq týraly sharttyń 46 jáne 47-baptaryna, sondaı-aq osy shartqa 7-qosymshanyń 10-bólimine sáıkes buıyramyn: 1. Qazaqstan Respýblıkasynyń aýmaǵynan alty aı merzimge legırlengen bolattyń qaldyqtary men synyqtaryn, onyń ishinde totyǵýǵa tózimdi bolatty (EEO SEQ TN kodtary 7204 21 100 0, 7204 21 900 0) jáne ózgelerin (EEO SEQ TN kody 7204 29 000 0) qospaǵanda, qara metaldardyń qaldyqtary men synyqtaryn (EEO SEQ TN kody 7204) áketýge tyıym salý engizilsin. 2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q.Erjanov): 1) Qazaqstan Respýblıkasy Qarjy mınıstrliginiń Memlekettik kirister komıtetine Qazaqstan Respýblıkasynyń zańnamasynda belgilengen tártippen osy buıryqtyń 1-tarmaǵynyń oryndalýy boıynsha baqylaýdy qamtamasyz etý týraly; 2) «Qazaqstan temir joly» ulttyq kompanııasy» aksıonerlik qoǵamyna (kelisim boıynsha) Qazaqstan Respýblıkasynyń zańnamasynda belgilengen tártippen osy buıryqtyń 1-tarmaǵyn iske asyrý jóninde sharalar qabyldaý týraly habarlasyn; 3) Qazaqstan Respýblıkasy Ulttyq ekonomıka mınıstrligi belgilengen tártipte: osy buıryqty memlekettik tirkegennen keıin, merzimdik baspa basylymdarynda jarııalaǵanǵa deıin, Eýrazııalyq ekonomıkalyq komıssııasyn osy buıryqtyń 1-tarmaǵynda kórsetilgen tyıym salý týraly habardar etsin; Eýrazııalyq ekonomıkalyq komıssııanyń qaraýyna Eýrazııalyq ekonomıkalyq odaǵyna múshe basqa memleketterdiń osy buıryqtyń 1-tarmaǵynda kórsetilgen sharalardy qoldanýy týraly usynysty engizsin. 3. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q.Erjanov): 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde kúntizbelik on kún ishinde merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap bes jumys kúni ishinde Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde Qazaqstan Respýblıkasy Investısııalar jáne damý mınıstrliginiń Zań departamentine osy tarmaqtyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi usynýdy qamtamasyz etsin. 4. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 5. Osy buıryq alǵashqy resmı jarııalaǵan kúninen bastap kúntizbelik on kún ótkennen keıin qoldanysqa engizilsin. Qazaqstan Respýblıkasynyń Investısııalar jáne damý mınıstri J.QASYMBEK «KELISILDI» Qazaqstan Respýblıkasynyń Qarjy mınıstri ____________B.SULTANOV 2016 jylǵy 27 shilde «KELISILDI» Qazaqstan Respýblıkasynyń Syrtqy ister mınıstri ____________E.YDYRYSOV 2016 jylǵy «____» _______    «KELISILDI» Qazaqstan Respýblıkasynyń Syrtqy ister mınıstriniń mindetin atqarýshy _____________ M.TILEÝBERDI 2016 jylǵy «25» shilde «KELISILDI» Qazaqstan Respýblıkasynyń Ulttyq ekonomıka mınıstri ____________ Q.BIShIMBAEV 2016 jylǵy «26» shilde Buıryq Qazaqstan Respýblıkasynyń Ádilet mınıstrliginde 2016 jylǵy 19 tamyzyndaǵy Norma­tıvtik quqyqtyq kesimderdi memlekettik tirkeýdiń tizilimine № 14127 bolyp engizildi.