Qazaqstan Respýblıkasy Syrtqy ister mınıstrliginiń buıryǵy №11-1-2/263

  2016 jylǵy 14 maýsym , Astana qalasy Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalaryn bekitý týraly «Qazaqstan Respýblıkasynyń azamattyǵy týraly» 1991 jylǵy 20 jeltoqsandaǵy Qazaqstan Respýblıkasy Zańynyń 31-babyna sáıkes buıyramyn: 1. Qosa berilip otyrǵan Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalary bekitilsin. 2. Qazaqstan Respýblıkasy Syrtqy ister mınıstrliginiń Konsýldyq qyzmet departamenti: 1) osy buıryqtyń zańnamada kórsetilgen tártippen Qazaqstan Respýblıkasynyń Ádilet mınıstrliginde memlekettik tirkelýin; 2) osy buıryq Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde onyń baspa jáne elektrondyq túrdegi kóshirmelerin merzimdi baspa basylymdarynda jáne «Ádilet» aqparattyq-quqyqtyq júıesinde jarııalaýǵa jiberilýin; 3) osy buıryqty Qazaqstan Respýblıkasy Ádilet mınıstrliginen alǵan kúnnen bastap bes jumys kúni ishinde onyń baspa jáne elektrondyq túrdegi kóshirmelerin Qazaqstan Respýblıkasynyń Normatıvtik quqyqtyq aktileriniń etalondyq baqylaý bankine ornalastyrý úshin «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna jiberýdi; 4) osy buıryqtyń Qazaqstan Respýblıkasy Syrtqy ister mınıstrliginiń resmı ınternet-resýrsynda ornalastyrylýyn qamtamasyz etsin. 3. «Shet elderdegi Qazaqstan Respýblıkasynyń azamattaryn esepke alý jónindegi Nusqaýlyqty bekitý týraly» Qazaqstan Respýblıkasy Syrtqy ister mınıstriniń 2000 jylǵy 18 qazandaǵy № 221 buıryǵynyń kúshi joıyldy dep tanylsyn (Qazaqstan Respýblıkasynyń Normatıvtik quqyqtyq aktilerdi memlekettik tirkeý tiziliminde № 1396 bolyp tirkeldi, Qazaqstan Respýblıkasy ortalyq atqarýshy jáne ózge de memlekettik organdarynyń normatıvtik quqyqtyq aktiler Bıýlleteninde jarııalanǵan, 2001 jyl, № 15, 368-qujat). 4. Osy buıryqtyń oryndalýyn baqylaý Qazaqstan Respýblıkasy Syrtqy ister mınıstriniń birinshi orynbasary M.B. Tileýberdige júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Syrtqy ister mınıstriniń mindetin atqarýshy M.TILEÝBERDI «Kelisildi» Qazaqstan Respýblıkasy Ulttyq qaýipsizdik komıteti ______________ V.JUMAQANOV 2016 jylǵy 2 shilde Qazaqstan Respýblıkasy Syrtqy ister mınıstriniń mindetin atqarýshynyń 2016 jylǵy 14 maýsymdaǵy №11-1-2/263 buıryǵymen bekitilgen Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalary 1-taraý. Jalpy erejeler 1. Osy Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalary (budan ári – Qaǵıdalar) «Qazaqstan Respýblıkasynyń azamattyǵy týraly» Qazaqstan Respýblıkasynyń 1991 jyly 20 jeltoqsandaǵy Zańynyń 31-babyna sáıkes ázirlendi jáne Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasynyń azamattaryn esepke qoıý jáne esepten shyǵarý tártibin belgileıdi. 2. Osy Qaǵıdalar «Sheteldikter asyrap alǵan Qazaqstan Respýblıkasynyń azamattary bolyp tabylatyn balalardy Qazaqstan Respýblıkasynyń Syrtqy ister mınıstrliginde esepke qoıý jáne Qazaqstan Respýblıkasynyń sheteldegi mekemeleriniń baqylaýdy júzege asyrý qaǵıdalaryn bekitý týraly» Qazaqstan Respýblıkasy Syrtqy ister mınıstriniń mindetin atqarýshynyń 2015 jylǵy 3 sáýirdegi № 11-1-2/130 buıryǵyna (Normatıvtik quqyqtyq aktilerdiń memlekettik tiziliminde № 11240 bolyp tirkelgen) sáıkes júzege asyrylatyn sheteldikterge asyrap alýǵa berilgen Qazaqstan Respýblıkasynyń azamattary bolyp tabylatyn balalardyń esebin júrgizýde qoldanylmaıdy. 3. Qazaqstan Respýblıkasynyń shet elderdegi mekemeleri (budan ári – sheteldegi mekeme) tıisti konsýldyq okrýgtiń aýmaǵynda Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizedi. 4. Shetelde Qazaqstan Respýblıkasynyń azamattaryn esepke qoıýdyń maqsaty: 1) Qazaqstan Respýblıkasy azamattarynyń quqyqtary men zańdy múddelerin qorǵaý; 2) bolý eliniń zańnamasy, Qazaqstan Respýblıkasy men bolý memleketi qatysýshysy bolyp tabylatyn halyqaralyq sharttar, sondaı-aq halyqaralyq ǵuryptar usynǵan barlyq quqyqtardy Qazaqstan Respýblıkasy azamattarynyń paıdalanýyna jan-jaqty kómek kórsetý; 3) Qazaqstan Respýblıkasy azamattarynyń Qazaqstan Respýblıkasynyń Konstıtýsııasy men Qazaqstan Respýblıkasynyń basqa da zańnamalyq aktilerin saqtaýlaryn jáne olardyń óz mindetterin oryndaýlaryn baqylaý bolyp tabylady. 5. Esepke qoıý kezinde konsýldyq laýazymdy adam Qazaqstan Respýblıkasynyń azamattaryna elde bolý qaǵıdalary men sharttary jáne onyń zańdaryn saqtaý qajettiligi týraly túsindiredi. 2-taraý. Qazaqstan Respýblıkasynan tys jerde turaqty turatyn Qazaqstan Respýblıkasynyń azamattaryn esepke qoıý 6. Qazaqstan Respýblıkasynan tys jerde turaqty turatyn Qazaqstan Respýblıkasynyń azamattaryn esepke qoıý Qazaqstan Respýblıkasy azamatynyń nemese onyń zańdy ókiliniń sheteldegi mekemege erkin nysanda bergen jeke ótinishi negizinde júzege asyrylady. Qazaqstan Respýblıkasynan tys jerde turaqty turatyn Qazaqstan Respýblıkasynyń azamattaryn esepke qoıý «Qazaqstan Respýblıkasynyń sheginen tys turaqty turǵylyqty jerge ketýge arnalǵan qujattardy resimdeý qaǵıdalaryn bekitý týraly» Qazaqstan Respýblıkasy Úkimetiniń 2012 jylǵy 28 naýryzdaǵy № 361 Qaýlysyna sáıkes resimdelgen Qazaqstan Respýblıkasynan tys jerde turaqty turýǵa shyǵý ruqsaty negizinde júzege asyrylady. 7. Esepke qoıý kezinde Qazaqstan Respýblıkasynan tys jerde turaqty turatyn Qazaqstan Respýblıkasynyń azamaty osy Qaǵıdalardyń 1-qosymshasyna sáıkes Qazaqstan Respýblıkasynan tys jerde turaqty turatyn Qazaqstan Respýblıkasynyń azamattaryn esepke alý kartochkasyn (budan ári – esepke alý kartochkasy) toltyrady. 8. Konsýldyq laýazymdy adam esepke alý kartochkasynda kórsetilgen málimetterdi «Búrkit» biryńǵaı aqparattyq júıesine (budan ári – «Búrkit» BAJ) engizedi. 9. Esepke qoıý kezinde Qazaqstan Respýblıkasy azamatynyń pasportyna osy Qaǵıdalardyń 2-qosymshasynda belgilengen nysanǵa sáıkes qosymsha bet qosa tirkeledi. Pasporttyń qosymsha betine osy Qaǵıdalardyń 3-qosymshasynda belgilengen nysanǵa sáıkes mórtaban qoıylady. 10. Qazaqstan Respýblıkasynan tys jerde turaqty turatyn Qazaqstan Respýblıkasynyń azamatynan nemese onyń zańdy ókilinen esepke alý kartochkasynda kórsetilgen málimetterdiń ózgergeni týraly aqparat kelgen jaǵdaıda konsýldyq laýazymdy adam ondaǵy eseptik derekterdi túzeıdi jáne «Búrkit» BAJ-ǵa qosymsha málimetti engizedi. 11. Basqa sheteldegi mekemede esepte turǵan Qazaqstan Respýblıkasynyń azamatyn esepke qoıǵan jaǵdaıda, esepke qoıý týraly ótinish kelip túsken sheteldegi mekemeniń konsýldyq laýazymdy adamy osy Qaǵıdalardyń 8 jáne 9-tarmaqtarynda kórsetilgen is-áreketterdi oryndaıdy, Qazaqstan Respýblıkasy azamatynyń pasportyndaǵy burynǵy qosymsha betti joıady jáne Qazaqstan Respýblıkasynyń azamaty esepte turǵan sheteldegi mekemege osy Qaǵıdalardyń 8 jáne 9-tarmaqtarynda kórsetilgen is-áreketterdi oryndaǵannan keıin úsh jumys kúni ishinde erkin nysanda habarlama joldaıdy. 3-taraý. Qazaqstan Respýblıkasynan tys jerde ýaqytsha turatyn Qazaqstan Respýblıkasynyń azamattaryn esepke qoıý 12. Qazaqstan Respýblıkasynan tys jerde ýaqytsha turatyn Qazaqstan Respýblıkasynyń azamattaryn esepke qoıý Qazaqstan Respýblıkasy azamatynyń nemese onyń zańdy ókiliniń sheteldegi mekemege erkin nysanda bergen jeke ótinishi negizinde nemese poshtalyq baılanys arnalary boıynsha qujattardy jiberý arqyly qashyqtyqtan júzege asyrylady. 13. Basqa memleketke ýaqytsha turý úshin ketetin Qazaqstan Respýblıkasynyń azamattaryna Qazaqstan Respýblıkasynyń sheteldegi mekemeleriniń personaly, Qazaqstan Respýblıkasyna bekitip berilgen kvotalarǵa sáıkes halyqaralyq uıymdar janyndaǵy laýazymdarǵa taǵaıyndalǵan, shetelde ýaqytsha eńbek qyzmetin júzege asyratyn Qazaqstan Respýblıkasynyń azamattary, bitimgershilik paryzyn oryndaýshy áskerı qyzmetshiler, sondaı-aq, uıymdar men jeke adamdardyń shaqyrýy boıynsha oqýda, emdelýde, týrıstik jáne jeke saparda, shet elderde qyzmettik issaparda júrgen adamdar jatady. 14. Esepke qoıý kezinde Qazaqstan Respýblıkasynan tys jerde ýaqytsha turatyn Qazaqstan Respýblıkasynyń azamaty osy Qaǵıdalardyń 4-qosymshasyna sáıkes Qazaqstan Respýblıkasynan tys jerde ýaqytsha turatyn Qazaqstan Respýblıkasynyń azamattaryn esepke alý kartochkasyn (budan ári – kartochka) toltyrady. 15. Qazaqstan Respýblıkasynan tys jerde ýaqytsha turatyn Qazaqstan Respýblıkasynyń azamattaryn esepke qoıý Qazaqstan Respýblıkasy azamatynyń pasportyna qosymsha bet berilýsiz júzege asyrylady. Konsýldyq laýazymdy adam Qazaqstan Respýblıkasy azamatynyń nemese onyń zańdy ókiliniń ótinishi boıynsha erkin túrde jasalǵan esepke qoıý týraly anyqtamany beredi. 16. Qazaqstan Respýblıkasynan tys jerde ýaqytsha turatyn Qazaqstan Respýblıkasynyń azamatynan nemese onyń zańdy ókilinen kartochkada kórsetilgen málimetterdiń ózgergeni týraly aqparat kelgen jaǵdaıda konsýldyq laýazymdy adam ondaǵy eseptik derekterdi túzeıdi. 4-taraý. Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasynyń azamattaryn esepten shyǵarý 17. Qazaqstan Respýblıkasynyń azamaty kelesi jaǵdaıda esepten shyǵarylady: 1) ózi nemese onyń zańdy ókili Qazaqstan Respýblıkasynyń sheteldegi mekemesine esepten shyǵý týraly erkin nysanda jasalǵan ótinish berse; 2) onyń Qazaqstan Respýblıkasynyń basqa sheteldegi mekemesinde esepke qoıylǵany týraly habarlama kelse; 3) esep kartochkasynda/kartochkada kórsetilgen konsýldyq okrýg aýmaǵyndaǵy, ýaqytsha ornalasý nemese turaqty turý merzimi aıaqtalsa; 4) qaıtys bolsa, onyń habar-osharsyz ketkeni nemese qaıtys bolǵany týraly sot sheshimi zańdy kúshine ense; 5) Qazaqstan Respýblıkasynyń azamattyǵy toqtatylsa. 18. Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasynyń azamattaryn esepten shyǵarý esep kartochkasyna jáne kartochkaǵa esepten shyǵarylǵany týraly jazba engizý arqyly júzege asyrylady. Qazaqstan Respýblıkasynan tys jerde turaqty turatyn Qazaqstan Respýblıkasynyń azamattaryn esepten shyǵarýdy júzege asyrý kezinde konsýldyq laýazymdy adam Qazaqstan Respýblıkasy azamatynyń pasportyna qosymsha betke esepten shyǵarylǵany týraly jazba engizedi, esep kartochkasyndaǵy eseptik derekterdi túzeıdi jáne «Búrkit» BAJ-ǵa qosymsha málimetti engizedi. 19. Qazaqstan Respýblıkasynyń aýmaǵynda Qazaqstan Respýblıkasyna turaqty turýǵa kelgen jáne sheteldegi mekemede esepten shyqpaǵan Qazaqstan Respýblıkasynyń azamatyn esepten shyǵarýdy Qazaqstan Respýblıkasy Syrtqy ister mınıstrliginiń Konsýldyq qyzmet departamenti júzege asyrady. Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalaryna 1-qosymsha Nysan __________________________________________________________________________________________ (esepke qabyldaǵan Qazaqstan Respýblıkasynyń shet eldegi mekemesiniń ataýy) QAZAQSTAN RESPÝBLIKASYNAN TYS JERDE TURAQTY TURATYN QAZAQSTAN RESPÝBLIKASYNYŃ AZAMATTARYN ESEPKE ALÝ KARTOChKASY Foto sýret orny 1. Tegi, aty, ákesiniń aty (eger tegińizdi, atyńyzdy aýystyrsańyz, paıdalanǵan barlyq tekterińizdi atańyz) ____________________________________________ 2. Týǵan kúni ________________________________________________________ 3. Týǵan jeri ________________________________________________________ 4. Ulty _____________________________________________________________ 5. Bilimi men mamandyǵy, qashan jáne qandaı oqý ornyn bitirdińiz ___________ 6. Shetelge shyǵýdyń maqsaty jáne kúni _________________________________ 7. Qazaqstan Respýblıkasynda burynǵy turǵylyqty mekenjaıy ____________ ____________________________________________________________________ 8. Sheteldegi turǵylyqty mekenjaıy men telefon nómiri (e-mail)____________ ____________________________________________________________________ 9. Jumys orny jáne atqaratyn laýazymy _______________________________ ____________________________________________________________________ 10. Qazaqstanda týystaryńyz bar ma, olardyń tekteri men mekenjaılary ____________________________________________________________________ 11. Pasporttyń nómiri, qashan jáne kim berdi, qoldaný merzimi ______________ 12. Pasportqa engizilgen adamdar ______________________________________ 13. Pasporttyń merzimin uzartý jáne aýystyrý týraly belgiler ____________ 14. Jergilikti bılik bergen qujattardyń kóshirmeleri _____________________ 15. Erekshe belgiler __________________________________________________ Qoly____________ 20___ jylǵy ___________ Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalaryna 2-qosymsha Nysan Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalaryna 3-qosymsha Nysan ________________________________ (esepke qabyldaǵan Qazaqstan Respýblıkasynyń shet eldegi mekemesiniń ataýy) Konsýldyq esepke alyndy № _____________ 20___ jylǵy «____»_____________ Konsýldyq laýazymdy adam __________________ m.o. (T.A.Á., qoly) Qazaqstan Respýblıkasynan tys jerde turaqty jáne ýaqytsha turatyn Qazaqstan Respýblıkasy azamattarynyń esebin júrgizý qaǵıdalaryna 4-qosymsha Nysan ______________________________________________________________________ (esepke qabyldaǵan Qazaqstan Respýblıkasynyń shet eldegi mekemesiniń ataýy) QAZAQSTAN RESPÝBLIKASYNAN TYS JERDE ÝAQYTShA TURATYN QAZAQSTAN RESPÝBLIKASYNYŃ AZAMATTARYN ESEPKE ALÝ KARTOChKASY Foto sýret orny 1. Tegi, aty, ákesiniń aty (bar bolǵanda) (eger tegińizdi, atyńyzdy aýystyrsańyz, paıdalanǵan barlyq tekterińizdi atańyz)________________________________________________________ _______________________________________________________________________________ 2. Týǵan jeri jáne kúni ____________________________________________________________ 3. Pasporttyń №, qashan jáne kim berdi ______________________________________________ 4. Pasporttyń qoldaný merzimi jáne uzartý týraly belgiler ____________________________ ________________________________________________________________________________ 5. Pasportqa engizilgen adamdar _____________________________________________________ _________________________________________________________________________________ 6. Bolý elderi vızalarynyń jaramdylyǵy nemese ruqsat merzimi _________________________ 7. Sapardyń maqsaty: ______________________________________________________________ 8. Jumys, oqý, taǵlymdamadan ótý jáne t.b. ____________________________________________ 9. Turǵylyqty jeriniń mekenjaıy jáne telefon nómiri ___________________________________ 10. Qazaqstan Respýblıkasyndaǵy turaqty turǵylyqty mekenjaıy ___________________________________________________________________________________ 11. Erekshe belgiler __________________________________________________ Qoly___________ 20__ jylǵy «____» __________ Buıryq Qazaqstan Respýblıkasynyń Ádilet mınıstrliginde 2016 jylǵy 10 tamyzdaǵy Normatıvtik quqyqtyq kesimderdi memlekettik tirkeýdiń tizilimine №14093 bolyp engizildi.