Elbasy qabyldady

Memleket basshysy Nursultan Nazarbaev Aýyl sharýa­shy­ly­ǵy mınıstri Aqylbek Kúrishbaevty qabyldady, dep habar­lady Qazaqstan Respýblıkasy Prezıdentiniń baspasóz qyz­meti. Mınıstr Prezıdentke aýyl sharýashylyǵy jylynyń qory­tyn­dy­la­ry jaıly jáne Memleket basshysynyń agroónerkásip keshenin da­my­tý jónindegi tap­syrmalarynyń oryndalý barysy týraly baıan­dady. Kezdesý barysynda ósimdik sha­rýashylyǵyn damytý, ylǵaldy jınaý jáne sýdy jınaý tehno­logııasyna arnalǵan salaǵa aýysý perspektıvalary talqylandy, son­daı-aq jer resýrstaryn tıimdi paıdalaný máselesi qaraldy. – Respýblıkada 24 mln. gektar egistik jer bar. Prezıdent Jer resýrstaryn basqarý agenttigi men Aýyl sharýashylyǵy mınıstrligine osy jerlerdi aınalymǵa engizý jóninde keshendi shara­lar­dy ázirleý týraly tapsyrma berdi, – dep atap ótti mınıstr kezdesýdiń qorytyndysy boı­yn­sha jýrnalısterge arnalǵan brıfıngte. *  *  * Memleket basshysy Nursultan Nazarbaev «KEGOK» AQ prezıdenti Almasadam Sátqalıevti qabyldady, dep habarlady Qazaqstan Respýblıkasy Prezıdentiniń baspasóz qyzmeti. A.Sátqalıev Memleket bas­shy­syna Qazaqstannyń tutyný­shy­laryn energııamen jabdyq­taý­dyń aǵymdaǵy jaǵdaıy týraly esep berdi jáne kompanııanyń 2025 jylǵa deıingi keshendi da­mýy­nyń uzaq merzimdi strate­gııa­sy­men tanystyrdy.