Betpe-bet

Jaıyqtaǵy jarqyn júzdesýlerdiń sıpaty osyndaı «Nur Otan» kópirme, qyzyl sózderdiń emes, naqty ister­diń partııasy ekenine eshkim talas týǵyza almaıdy. Partııa jetekshileriniń ómir men óndi­ristiń qaınaǵan ortasynda bolyp, el yrysyn eselegen aýyl eńbekkerleriniń jáne óndi­ris pen ónerkásiptiń qaza­nyn qaınatyp júrgen qurysh qoldy maman-jumysshylardyń ortasynan jıi tabylýy – onyń halyqpen bite qaınasyp ket­kenin kórsetedi. Sondaı-aq, el ishinde qandaı kúrdeli má­sele bolsyn, turǵyndarmen bet­pe-bet kelip, olarmen ortaq uıǵarymǵa kelgen jaǵdaı­da ǵana másele tolyqtaı sheshi­letinin nurotandyqtar jaqsy túsinedi. «Nur Otan» partııasy Tór­aǵasynyń birinshi orynbasary Muhtar Qul-Muhammedtiń res­pýblıkamyzdyń batystaǵy qaq­pasy – Oral óńirine sapary bary­synda da osyndaı iskerlik ahýal aıqyn ańǵaryldy. Keıin­gi kezde birqatar sarapshy-ma­mandar Aqjaıyq aımaǵy astyq ósirýge qolaısyz, munda egin sharýashylyǵy tıimdi nátı­je kórsete almaıdy degen túıinge kelip júrgeni belgi­li. Tipti qajet deseńiz, joǵary­dan aıtylyp qalǵan osyn­daı oıdyń salmaǵy basym túsken­dikten, sońǵy jyldary oblys­ta egistik alqaptyń kólemi ájeptáýir qysqaryp ketken-di. Alaıda bıylǵy kórinis mundaı tujyrym men kózqarastyń tym birjaqty ekenin aıqyn kórsetip berdi deýge bolady. Aıtalyq, Zelenov aýdanyndaǵy «Matevosıan» sharýa qojalyǵynda kúzdik egistiń ár gektarynan ortasha eseppen 48-52 sentnerden ónim jınaldy. Munda jazdyq dándi jáne kúnbaǵys, saflor jáne raps sekildi maıly daqyldardan jınalǵan ónimniń ortasha kólemi de mol. Sonymen birge, jınalǵan astyqtyń sapasy men qamyrlylyq mólsheri de joǵary. Osy sharýashylyqtyń qyzmetimen tanysqan Muhtar Abraruly bul Batys Qazaqstannyń arǵy-bergi tarıhynda buryn-sońdy bo­lyp kórmegen rekordtyq ónim ekenin rıza­shy­lyq sezimmen jetkizdi. Onyń aıtýynsha, mun­­daı bıik nátıje elimizdiń eń astyqty dep sa­na­latyn óńirlerinde de kezdesken emes. Árıne buǵan burynǵy egis orý tehnı­kasymen salystyrǵanda ónimdiligi 5-6 ese joǵary «Djon-Dır» kombaındarynyń qoldanylýy, egis salý tehnologııasynyń saqtalýy men odan ári jetildirilýi, sondaı-aq bıylǵy aýa raıynyń astyq ósirýge birshama qolaıly bolǵany da áser etkeni anyq. Oblysta joǵaryda aıtylǵandaı «Djon-Dır» sekildi alymdy da shalymdy búgingi zamanǵy astyq orý tehnıkasyn «Matevosıannan» ózge 18 sharýashylyq qoldanatyny da egistik tehnologııasynyń óńirdegi órisin ósire túsedi. Qazir egindi jınap aldyń ba, ony qambaǵa tapsyrdyń ba, osymen is bitti deıtin burynǵy kez emes. Búginde mundaı shıkizattyq kózqaras ólshemi kelmes­ke ketip barady. Buǵan atalǵan sharýa qojalyǵyndaǵy búgingi qarbalas is-qımyl aıqyn aıǵaq. Munda «Egistikten – dúken sóresine deıin» degen qaǵıda qalyptasqan. Soǵan sáıkes sharýashylyqta un men makaron ónimderiniń jıyrma­dan astam túrleri óndiriledi. Sondaı-aq qojalyq ıesi «Jelaev nan ónimderi kom­bınaty» AQ Qazaqstan-Reseı birlesken kásiporny aksıoneriniń biri bolǵandyqtan – óńdeý isinde kidiris joq. Bul ázir azyq-túlik ónimderiniń eksporttyq áleýeti de jyldan-jylǵa ósip keledi. Qazirgi kúni sharýashylyq ónimderi Aýǵanstan men Armenııaǵa jáne barlyq Ortalyq Azııa elderine jol tartýda. Sharýa qojalyǵynyń jetekshisi Aleksandr Matevosıan «Nur Otan» partııasy Tór­aǵasynyń birinshi orynbasary Muhtar Qul-Muhammedke mundaı jetistikter «Nurly Jol» sekildi memlekettik baǵdarlamalardyń kómeginiń arqasynda múmkin bolǵanyn málimdedi. Al tutastaı alǵanda bıyl oblysqa agrobıznes salasyn damytý úshin respýblıkalyq bıýdjetten 7 mıllıardqa jýyq qomaqty qarajat bólingeni óz aldyna bólek áńgime. Muhtar Qul-Muhammed: «Jýyrda Memleket basshysy Qytaı Halyq Respýb­lıkasynda ótken G20 sammıtine qatysyp, álemniń eń alpaýyt memleket­teri­niń basshylarymen kezdesti. Sol kez­desýlerdiń nátıjesinde aldaǵy 5 jyl­da Qazaqstan ekonomıkasyna 26 mıl­lıard dollardy quraıtyn ınvestısııa tar­ty­latyn boldy. Bul degenińiz, el ekono­mı­kasynyń damýyna jańasha serpin beretin óte qomaqty qarajat. Sondaı-aq bul – Nursultan Ábishuly Nazarbaevtyń álemdik arenadaǵy abyroı-bedeliniń arqasynda múmkin bolǵan Qazaqstannyń kezekti jeńisi». Muhtar Abraruly oblystaǵy taǵy bir irgeli agrofırma – «Shkanov» sharýa qojalyǵynyń qyzmetimen tanysqan kezinde de memleketten bólingen qara­jattardyń tıimdi túrde jumsalyp júr­genine kóz jetkizdi. Ári Muhtar Qul-Muhammed sharýa qojalyǵynyń jetekshisi, istiń kózin taba biletin azamat Bekbolat Shkanovtyń jerge degen janashyr kózqarasy men onyń jermen jumys isteı biletin tolymdy tájirıbesine úlken yqylas tanytty. О́ńirdegi agrosektor júıesiniń damý barysymen jan-jaqty tanysyp, taýar óndirýshilermen emen-jarqyn oı bólisken «Nur Otan» partııasy Tóraǵasynyń birinshi orynbasary Muhtar Qul-Muhammed Batys Qazaqstan azyq-túlik ónimderin óndiretin respýblıkadaǵy jetekshi agrarlyq óńirlerdiń biri bolyp qala beretini jóninde túıin túıdi. Eń bastysy, Aq­jaıyq aımaǵynda jerge laıyqty túrde qojaıyn bola alatyn jandar men azamattar bar eken. Jer refor­masynyń basty máni de osynda dep qorytty ol óz oıyn. Muhtar Abraruly Oral óńirine sapa­ry­nyń ekinshi kezeńinde «Bıznestiń jol­ kartasy-2020» jáne «Nurly Jol» mem­lekettik baǵdarlamalary qalaı júzege asyp jatqanyna kóńil aýdardy. Jeke kásip­kerliktiń kókjıegin kóterý úshin res­pýb­lıkalyq bıýdjetten bólingen qara­jat­tardyń ıgerilýi búgingi kúni qandaı deńgeıde ekenimen jete tanysty. Ol ásirese, oblysta qadamdaryn jańa bastaǵan kásip­kerlerge jan-jaqty qoldaý jasalyp otyr­ǵanyna rızashylyq bildirdi. Atap aıt­qanda, Aqjaıyqta olarǵa belgilengen grant­tardyń berilýi men bólinýi júz paıyzdyq mólsherdi quraıdy. Qarjylaı qoldaý men nesıeleýdiń bıylǵy jyldyń birinshi tamyzyna deıingi kórsetkishteri de kóńilge qonady. Sonyń basty bir kórinisine, partııa Tóraǵasynyń birinshi orynbasary, Oral qalasyndaǵy «Kvant» JShS jıhaz fabrıkasy mysalynda kóz jetkizdi. Táýel­sizdiktiń alǵashqy jylynda qurylǵan kásip­oryn «Bıznestiń jol kartasy-2020» baǵdarlamasyna sáıkes ótken jyly óz tutynýshylaryna qyzmet kórsete bastady. Indýstrııalandyrý kartasy­na engizilgen otandyq kásiporynǵa jańasha jobalaý normasyna sáıkes mıllıard teńgeden astam qarajat bólin­gen. Memlekettiń osyndaı qarjylaı qol­daýy­nyń nátıjesinde fabrıka ujymy búgin­gi kúni on tórt myń sapaly da sándi jıhaz birligin shyǵaryp úlger­di, – dedi M.Qul-Muhammedke atalǵan kásip­oryn­nyń dırektory Mıhaıl Pshenıchnyı. Odan ári Tóraǵanyń birinshi oryn­ba­sary Elbasynyń tikeleı bastamasy­men ómirge kelgen atalmysh baǵdar­lama 2010 jyldan beri tabysty júrip jatqany­na toqtaldy. Osy oraıda respýblıka boıynsha segiz myńnan astam joba iske qosylǵan. Osydan on jyl buryn tutastaı Qazaqstannyń bıýdjeti osynshama soma quraǵan eken. Baǵdarlamanyń ıgiligin kórip otyrǵandardyń biri – Oraldaǵy osy jıhaz óndirisi. Sondaı-aq óńirde «Nurly Jol» mem­lekettik baǵdarlamasy sheń­berinde sheshimin tapqan jobalar da jetkilikti. Onyń biri – «Arman» shaǵyn aýdanynda paıdalanýǵa berilýi kútilip otyrǵan 144 páterlik jáne «Marasan» JShS-ine qarasty tur­ǵyn úı keshenderi. Qurylys-montaj jumys­tarynyń belgilengen kes­tesinen sál kesheýildep qalǵan ekensizder. Degenmen qurylys sapasy jaqsy bolsa, buǵan túsinistikpen qaraýǵa bolady, – dedi óz oı-pikirin «SV-Plıýs» JShS-niń dırektory Sabıt О́tebálıevke baǵyt­taǵan Muhtar Qul-Muhammed. «Nurly Jol» baǵdarlamasy arqyly bólingen qarajattyń jumsalýyna «Nur Otan» partııasy fraksııasy quramyndaǵy ob­lystyq máslıhat depýtattarynyń toby baqylaý jasap otyr eken. Buǵan qoldaý kórsetken Tóraǵanyń birinshi orynbasary budan ári «Nurly Jol» baǵdarlamasy álem­dik ekonomıkalyq daǵdarystyń bas­taýy kezinde sheshýshi ról atqarǵanyn aıtyp berdi. Bul – jańa óndiris oryndary, avtomobıl, temirjol jáne turǵyn úı qurylystary jáne jańǵyrtylǵan áleýmettik ınfraqurylymdar degen sóz. Solardyń birqatary Oral qala­syndaǵy turǵyn úı keshenderi, – dedi odan ári ol. Keshe Muhtar Qul-Muhammed «Nur Otan» partııasy fılıaly ǵımaratynda oblystaǵy partııa aktıvimen de kezdesti. Ony partııanyń Batys Qazaqstan oblystyq fılıalynyń tóraǵasy, oblys ákimi Altaı Kólginov ashyp, júrgizip otyrdy. Aktıvte oblystyq fılıal tóraǵasynyń birinshi orynbasary Serik Súleımen, «Nur Otan» partııasy Zelenov aýdandyq fılıaly tóraǵasynyń birinshi orynbasary Nurjan Dúzbatyrov, «Qazaqtelekom» AQ oblystyq fılıaly dırektorynyń orynbasary, mun­daǵy bastaýysh partııa uıymynyń tór­aǵasy Vladımır Tkachev sóz sóılep, partııalyq jobalar jáne qoǵam­dyq qabyldaý kezinde turǵyndardan túse­tin ótinish-tilekterdiń oryndalý barysy týraly oı-pikirlerin ortaǵa saldy. Kezdesýde «Nur Otan» partııasy Tór­aǵa­synyń birinshi orynbasary Muhtar Qul-Muhammed oblystyq fılıal qyzmetiniń deńgeıin odan ári kóterý, memlekettik baǵ­darlamalar boıynsha bólingen qara­jattardyń tıimdi jumsalýyna qatań partııalyq baqylaý ornatý, «Jas Otan» jastar qanatynyń qyzmetin jańa saty­ǵa kóterý, partııa qataryna tek oǵan laıyq­tylardy ǵana qabyldaý jáne bastaýysh partııa uıymdarynyń jumysyn odan ári jańǵyrtý týraly oı qorytty. Temir QUSAIYN, «Egemen Qazaqstan» Batys Qazaqstan oblysy