Sharshy taqtadaǵy shaıqastar

Bakýde shahmattan Dúnıejúzilik olımpıada bastaldy Qazirgi kúnderi shahmattan Ázerbaıjannyń astanasy – Baký qalasynda 42-shi Dúnıejúzilik olımpıada ótip jatyr.  Oǵan álemniń 176 elinen 2 245 shahmatshy qatysýda.  Bul synǵa biz­diń elimizden 5 er adamnan jáne 5 qyzdan jasaqtalǵan komanda attanǵan-tyn. Olardy jattyq­ty­rý­shylar Pavel Kosýr men Serik­baı Temirǵalıev bastap bardy. Qazir Olımpıadanyń 3 tý­ry­nyń oıyndary ótti. Qazaq­stannyń erler jáne qyzdar quramasy osy match­tardyń bárin jeńispen aıaqtady. Erler komandasy birin­shi Mavrıtanııa quramasyn 4:0 esebimen utty. Qyzdar komandasy Gondýraspen kezdesip, 3:1 esebimen jeńiske jetti. Odan keıin Jansaıa Áb­dimálik bastaǵan qyzdarymyz Bolgarııa shahmatshylarynan basym tústi. Erler quramy 2-týrda Jańa Ze­lan­dııany jeńip, 3-týrda Hor­vatııamen 2:2 esebimen teń tústi. Endi Qazaqstannyń erler komandasy Estonııamen, al qyzdar Lıtvamen kezdesedi. Qazir úsh týr­dyń nátıjesi boıynsha eli­miz 176  memlekettiń arasynda 13-orynda keledi. Al Jansaıa Ábdi­málik jeke esepte Italııa jáne Brazılııa shahmatshylarymen birge 1-orynǵa shyqty. Jalpy, bıylǵy Olımpıadada erler jáne qyzdar komandasynyń júldeli oryndy jeńip alýǵa tolyq múmkindigi bar. Osy maq­satta qurama komandaǵa soń­ǵy kezderi jaqsy nátıje kór­setip júrgen shahmatshylar alyn­ǵan. Komanda sapynda qazir myna shahmatshylar sharshy taq­ta dodasyna qatysyp jatyr. Qyzdar quramynda halyq­aralyq grossmeısterler men sheberler Jansaıa Ábdimálik, Elena Ankýdınova, Gúlmıra Dáýletova, FIDE sheberleri Sholpan Jylqaıdarova jáne Aısezim Muhıt, erler komandasynda halyqaralyq grossmeıs­terler Rınat Jumabaev, Murtas Qa­jyǵalıev, Ánýar Esma­ǵam­betov jáne Petr Kostenko bar.  Sonymen birge, komandaǵa balalar arasyndaǵy Qazaqstan chempıony Azamat О́teýǵalıev te qosyldy. Dastan KENJALIN, «Egemen Qazaqstan»