Kópir ornap, kóńil ornyna tústi

Bul kúnderi jurt burynǵydaı ákimdikke óz jeke basynyń qa­myn kúıtteıtin sharýalaryn azaıtyp, el ıgiligine jaraıtyn máselelermen keletin bolǵan. «El­de bolsa eringe tıedi» degendeı, birdiń emes, myńnyń sharýa­sy qashanda joǵary. Qazy­ǵurt aýdany Turbat aýyl­dyq okrýgi aqsaqaldarynyń Turbat aýyly men Qyzyldıqan eldi mekenderi aralyǵyn qosatyn kópir salý jónindegi bastamasy Táýelsizdigimizdiń 25 jyldyǵy aıasynda júzege asyryldy. Eki aýyl arasynan Tastaqsaı taý ózeni ótedi. Jazdyń kúnderi momaqan bolǵanymen erte kóktemde jaýyn-shashyn jáne erigen qar sýynan aǵyl-tegil bolyp, doly kúıge tú­setin ózen ótkel bermeı, eki aýyl turǵyndaryn ábigerge salatyn. El aǵa­lary, kásipkerler qarjy jınap, ótkel jasaǵanymen, keı jyldary ashýyna mingen doly ózen jańqadaı aǵyzyp keter edi. Endi eki aýyl turǵyndary taý ózeniniń gúrilin tyńdap, alańsyz uıyqtaıtyn boldy. Jaqynda Turbat aýyly men Qyzyldıqan eldi mekeniniń arasyndaǵy kópir paıdalanýǵa berildi. Uzyndyǵy 66, eni 8 metr bolatyn kópirdi salýǵa qar­jy oblystyq bıýdjetten bó­lindi. Eki aýyldy qosqanda úsh my­ńnan astam halyq turady. Osy ýaqytqa deıin eki aýyldyń qoldan jasalǵan ótkel arqyly amaldap kelgenin aıttyq. Oqys oqıǵa bolmasa da Alla taǵala «saqtansań – saqtaımyn» degendeı, túbi bir opyq jegizeri haq edi. Endi Táýelsizdigimizdiń 25 jyl­dyǵy qarsańynda paıdalanýǵa berilgen kópir júrekke uıalaǵan úreıdi jeńdi, el tynyshtaldy. Bu­rynǵy «Shaıtan kópirden» Alla saqtasynyn aıtyp, amaldap óte­tin aǵaıyn alǵysyn eń aldymen Elbasyna, turǵyndardyń ótini­shin oryndaǵan oblys, aýdan ákim­di­gine aıtyp jatyr. Baqtııar TAIJAN, «Egemen Qazaqstan» Ońtústik Qazaqstan oblysy