Qazaqstan Respýblıkasy Úkimetiniń qaýlysy  №489

  2016 jylǵy 31 tamyz, Astana, Úkimet Úıi Memlekettik organdardyń tıptik fýnksııalaryn aıqyndaý jónindegi ádistemelik usynymdardy bekitý týraly «Quqyqtyq aktiler týraly» Qazaqstan Respýblıkasynyń 2016 jylǵy 6 sáýirdegi Zańy 24-babynyń 1-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan memlekettik organdardyń tıptik fýnksııalaryn aıqyndaý jónindegi ádistemelik usynymdar bekitilsin. 2. «Memlekettik organdardyń tıptik fýnksııalaryn aıqyndaý jónindegi ádistemelik usynymdardy bekitý týraly» Qazaqstan Respýblıkasy Úkimetiniń 2011 jylǵy 24 tamyzdaǵy № 951 qaýlysynyń kúshi joıyldy dep tanylsyn (Qazaqstan Respýblıkasynyń PÚAJ-y, 2013 j., № 62, 852-qujat). 3. Osy qaýly qol qoıylǵan kúninen bastap qoldanysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 31 tamyzdaǵy №489 qaýlysymen bekitilgen Memlekettik organdardyń tıptik fýnksııalaryn aıqyndaý jónindegi ádistemelik usynymdar Osy memlekettik organdardyń tıptik fýnksııalaryn aıqyndaý jónindegi ádistemelik usynymdar (budan ári – ádistemelik usynymdar) «Quqyqtyq aktiler týraly» 2016 jylǵy 6 sáýirdegi Qazaqstan Respýblıkasynyń Zańyna sáıkes ázirlengen jáne memlekettik organdardyń fýnksııalaryn zańnamalyq jáne zańǵa táýeldi deńgeılerde belgileý máselelerin sheshý kezinde norma shyǵarmashylyq qyzmetinde qoldanýǵa arnalǵan. 1. Jalpy erejeler 1. Memlekettik organnyń quzyreti retinde memlekettik organ qyzmetiniń nysanasyn aıqyndaıtyn belgilengen ókilettikteriniń jıyntyǵy túsiniledi; memlekettik organnyń ókilettikteri retinde memlekettik organnyń quqyqtary men mindetteri túsiniledi; memlekettik organnyń quqyqtary retinde belgili bir is-áreketti jasaý, basqa tulǵadan (basqa tulǵalardan) belgili bir minez-qulyqty (is-áreketti nemese is-áreket jasaýdan tartynýdy) talap etý múmkindigi túsiniledi; memlekettik organnyń mindettemeleri retinde memlekettik organ oryndaýǵa mindetti is-áreket aıasy túsiniledi; memlekettik organnyń fýnksııalary retinde memlekettik organnyń óz quzyreti sheginde qyzmetti júzege asyrýy túsiniledi. 2. Memlekettik organdardyń fýnksııalaryn zańnamalyq jáne zańǵa táýeldi deńgeılerde belgileý máselelerin sheshý kezinde Qazaqstan Respýblıkasy Konstıtýsııasynyń 61-baby 3-tarmaǵynyń erejelerin basshylyqqa alý qajet, olarǵa sáıkes zańdar: 1) jeke jáne zańdy tulǵalardyń quqyq sýbektiligine, jeke jáne zańdy tulǵalardyń azamattyq quqyqtary men bostandyqtaryna, mindettemeleri men jaýapkershiligine; 2) menshik rejımine jáne ózge de zattyq quqyqtarǵa; 3) memlekettik organdar men jergilikti ózin-ózi basqarý organdaryn uıymdastyrý men olardyń qyzmetiniń, memlekettik jáne áskerı qyzmettiń negizderine; 4) salyq salýǵa, alymdar men basqa da mindetti tólemderdi belgileýge; 5) respýblıkalyq bıýdjetke; 6) sot qurylysy men sot isin júrgizý máselelerine; 7) bilim berýge, densaýlyq saqtaýǵa jáne áleýmettik qamsyzdandyrýǵa; 8) kásiporyndar men olardyń múlkin jekeshelendirýge; 9) qorshaǵan ortany qorǵaýǵa; 10) respýblıkanyń ákimshilik-aýmaqtyq qurylysyna; 11) memlekettiń qorǵanysy men qaýipsizdigin qamtamasyz etýge qatysty negizge alynatyn qaǵıdattar men normalardy belgileıtin mańyzdy qoǵamdyq qatynastardy retteýge tıis. О́zge qatynastardyń barlyǵy zańǵa táýeldi aktilermen retteledi. 3. Memlekettik organdardyń fýnksııalaryn belgileý memlekettik organdardyń quzyreti Qazaqstan Respýblıkasynyń Konstıtýsııasymen, konstıtýsııalyq zańdarymen jáne zańdarmen ǵana emes, zańǵa táýeldi aktilermen de belgilenetindigi anyqtalǵan «Qazaqstan Respýblıkasy Konstıtýsııasynyń 54-babyn, 61-baby 3-tarmaǵynyń 1) jáne 3) tarmaqshalaryn, sondaı-aq memlekettik basqarýdy uıymdastyrý máseleleri boıynsha basqa da birqatar normalaryn resmı túsindirý týraly» Qazaqstan Respýblıkasy Konstıtýsııalyq Keńesiniń 2008 jylǵy 15 qazandaǵy № 8 normatıvtik qaýlysymen aıqyndalǵanyn da eskere otyryp júzege asyrylýy tıis. 2. Memlekettik organdardyń fýnksııalaryn belgileýdiń ádistemelik negizderi 4. Zańdarda memlekettik organdarǵa belgili bir mindetter aıasyn tıisinshe oryndaý, eń aldymen, olardyń jeke jáne zańdy tulǵalarmen jáne uıymdarmen ózara is-qımylyna qatysty tıisti fýnksııalardy júzege asyrý maqsatynda berilgen memlekettik organnyń negizgi mindetterin, fýnksııalaryn belgileıtin normalar qamtylýǵa tıis. 5. Negizgi mindetterdi iske asyrýdy qamtamasyz etetin fýnksııalar, sondaı-aq memlekettik organdar qyzmetiniń ishki rásimderimen baılanysty fýnksııalar, olardyń ózara is-qımyly, ádette, zańǵa táýeldi aktilerde aıqyndalýǵa tıis. Bul rette memlekettik organnyń zańǵa táýeldi akt deńgeıindegi fýnksııalary Prezıdent, Úkimet jáne ózinen joǵary turǵan ortalyq memlekettik organ qabyldaıtyn normatıvtik quqyqtyq aktilerde belgilenýge tıis. 6. Memlekettik organ qyzmetiniń ózge de túrlerin Qazaqstan Respýblıkasynyń Konstıtýsııasy 61-babynyń 3-tarmaǵyn basshylyqqa ala otyryp, bul rette zańdarda azamattar men zańdy tulǵalardyń quqyqtary men mindetterin, ásirese quqyqty shekteý sıpatyndaǵy sharalardy tikeleı reglamentteıtin normalar qamtylýǵa tıis ekenin kózdeı otyryp, aıqyndaý qajet. 7. Memlekettik organdardyń tıptik fýnksııalary mynadaı 3 topqa: 1) memlekettik organdardyń zań deńgeıinde belgilenýi qajet tıptik fýnksııalaryna; 2) memlekettik organdardyń zańǵa táýeldi deńgeıde belgilenýi qajet tıptik fýnksııalaryna; 3) zańnamalyq jáne zańǵa táýeldi deńgeılerde belgileýge bolatyn tıptik fýnksııalaryna bólinedi. Osy ádistemelik usynymdarda belgilengen memlekettik organdardyń tıptik fýnksııalarynyń tizbesi túpkilikti bolyp tabylmaıdy. 2.1. Memlekettik organdardyń zań deńgeıinde belgilenetin tıptik fýnksııalary 1. Adam men jáne azamattyń quqyqtary men bostandyqtarynyń shektelýin aıqyndaý. 2. Tıisti salada memlekettik saıasatty iske asyrý. 3. Eldiń ulttyq, sonyń ishinde ekonomıkalyq qaýipsizdigin jáne qorǵanys qabilettiligin qamtamasyz etý. 4. Memlekettik baqylaý men qadaǵalaýdy júzege asyrý tetikterin qalyptastyrý: jeke jáne zańdy tulǵalar qyzmetiniń zańnamada belgilengen talaptarǵa sáıkestigi turǵysynan tekserý júrgizý jáne baqylaýdyń ózge de nysandary arqyly zańnamanyń buzylý sebepteri men jaǵdaılaryn anyqtaý, olardy joıý; tekserý nátıjeleri boıynsha quqyqtyq yqpal etý sharalaryn qabyldaý. 5. Lısenzııalaý. 6. Tıisti salada saraptama júrgizý. 7. Qandaı da bir áreketterdi júzege asyrýǵa ne olardy shekteýge ruqsat etilgen aýmaqtardy, onyń ishinde rejım, qyzmettiń shegin belgileý, aýmaqty aımaqtarǵa bólý arqyly aıqyndaý. 8. Áleýmettik qoldaý sharalary júıesin aıqyndaý. 9. Tergeý fýnksııalary. 10. Azamattyq múliktik quqyqtar obektilerin berý, bólý týraly sheshimderdi qabyldaý. 11. Múlikti májbúrlep ıelikten shyǵarý máseleleri. 12. Sheteldikterdi, azamattyǵy joq adamdardy jáne bosqyndardy májbúrlep shyǵarý. 13. Oryndalýy mindetti aktiler shyǵarý, bultartpaý sharalaryn qoldaný. 14. Tıisti salada belgili bir áreketti júzege asyrý kezeńin aıqyndaý. 15. Tıisti salada tekserýdi, qaraýdy júrgizý. 16. Memlekettik resýrstardy qamtamasyz etý, qalyptastyrý jáne basqarý. 17. Adamdardy májbúrlep ustaý máseleleri. 18. Belgili bir taýarlardy, zattardy, janýarlardy kádege jaratýdy, joıýdy uıymdastyrý, olardy alyp qoıý. 19. Uıymdarda ýaqytsha basqarýdy engizý. 20. Qurmetti ataqtardy berý. 21. Qujattardy, málimetterdi merzimdi baspasóz basylymdarynda jarııalaý. 22. Tıisti saladaǵy kýálikterdiń, sertıfıkattardyń nemese kez kelgen ózge de balama qujattardyń rastyǵyn taný. 23. Memlekettik retteý sharalaryna jatatyn qyzmet túrlerin aıqyndaý. 24. Tynys-tirshilik jaǵdaıyn jáne erekshe ómir súrý rejımin reglamentteý. 25. Qazaqstan Respýblıkasynyń zańnamasyna sáıkes qylmystar men ákimshilik quqyq buzýshylyqtardy anyqtaý, eskertý, jolyn kesý, tergeý jáne qaraý. 26. Qazaqstan Respýblıkasynyń zańnamasyna sáıkes sottarǵa talaptar qoıý. 27. Qazaqstan Respýblıkasynyń zańnamasynda belgilengen tártippen jáne merzimderde memlekettik organnyń jáne (nemese) memlekettik organnyń laýazymdy adamdarynyń sheshimderine, áreketine (áreketsizdigine) shaǵymdardy qaraý. 28. Qazaqstan Respýblıkasynyń zańnamasynda belgilengen tártippen jáne merzimderde memlekettik qyzmetter kórsetý máseleleri boıynsha shaǵymdardy qaraý. 2.2. Memlekettik organdardyń zańǵa táýeldi deńgeıde belgilenetin tıptik fýnksııalary 1. О́z quzyreti sheginde normatıvtik quqyqtyq aktilerdi ázirleý. 2. Tıisti salada kadrlar daıarlaýdy, olardyń biliktiligin arttyrýdy jáne qaıta daıarlaýdy uıymdastyrý. 3. Personaldy basqarýdy uıymdastyrý jáne qujattamalyq qamtamasyz etý máseleleri. 4. Konsýltatıvtik-keńesshi jáne saraptamalyq komıssııalar qurý, olardyń qyzmetin uıymdastyrý. 5. Vedomstvolyq baǵynysty qyzmetterdiń, uıymdar qyzmetiniń uıymdastyrylýyn belgileý, olardyń qyzmetin jetildirý. 6. Investısııalyq jobalardy daıyndaý jáne iske asyrý. 7. Zańnamanyń qoldanylý praktıkasyn qorytý jáne ony jetildirý. 8. Usynymdar berý. 9. Belgili bir salada qyzmetti júzege asyratyn memlekettik organnyń nemese ózge de tulǵa­lar­dyń quzyretine kiretin máseleler boıynsha joǵary turǵan organǵa ne ózge de tulǵalarǵa usynystar engizý. 10. Túrli josparlardy bekitý. 11. Memlekettik organnyń ókildik etý fýnksııalary. 12. Sarapshylardy, konsýltanttardy tartý. 13. Halyqty habardar etý. 14. Obektilerdi salý, olardy kútip ústaý. 15. Bıýdjet qarajaty esebinen satyp alynatyn taýarlardy bólip berý. 16. Normatıvterdi (materıaldyq qamtamasyz etýdi), tútyný normalaryn, kvotalardy bekitý, olardy bólý. 17. Belgili bir salada memlekettik jáne memlekettik emes uıymdardy qamtamasyz etý, onyń ishinde qarjylandyrý (qarjylandyrý júrgiziletin salalardy aıqyndaý). 18. Jobalardy, shemalardy, kestelerdi, shyǵystardy bekitý, shyǵyndardy óteý (memlekettik organnyń kórsetilgen qujattardy bekitý, shyǵyndardy óteý jónindegi quzyreti). 19. О́z quzyreti sheginde obektilerdiń jobalaryn, qujattamalardy, tıisti saladaǵy jumystar men ózge de is-sharalardy kelisý. 2.3. Zańnamalyq jáne zańǵa táýeldi deńgeılerde belgileýge bolatyn tıptik fýnksııalar 1. О́z quzyreti sheginde normatıvtik quqyqtyq aktilerdi qabyldaý jáne bekitý. 2. Tıptik qujattardy ázirleý jáne bekitý. 3. Tıisti salada taýarlardyń, jumystardyń, kórsetiletin qyzmetterdiń, qyzmet túrleriniń jáne basqalarynyń tizbesin qalyptastyrý. 4. Ákimshilik rásimderdiń merzimderin uzartý, belgileý. 5. Tıisti salada memlekettik basqarýdy júzege asyrý. 6. Tıisti saladaǵy halyqaralyq yntymaqtastyq. 7. Tıisti saladaǵy memlekettik tapsyrys máseleleri. 8. Nasıhattaý is-sharalaryn (oqytý nysanda jáne t.b.), quqyq túsindirý jumysyn, profılaktıkalyq is-sharalardy júzege asyrý. 9. Ǵylymı baǵyttardyń damýyn qamtamasyz etý. 10. Rezervti qurý jáne qamtamasyz etý. 11. Memlekettik qupııalardyń qorǵalýyn qamtamasyz etý. 12. Memlekettik múlikti basqarý. 13. Statıstıkalyq qyzmetti júzege asyrý. 14. Qaýipsizdik rejımin qamtamasyz etý, memlekettik obektilerdi kúzetý, olardy qorǵaý. 15. Memlekettik satyp alýdy júzege asyrý. 16. Tıisti salada qoldaý sharalaryn ázirleý jáne qamtamasyz etý. 17. Tıisti salada synaq, zertteý, izdestirý júrgizý. 18. Tıisti salada (aıada) kýálikter, tirkeý kýálikterin, ruqsattar men qorytyndylar (akkredıtteý, sertıfıkattaý, attestattaý) berý jáne olardy sot tártibimen qaıtarý. 19. Tıisti salada tizilimderdi, tirkelimder men kadastrlardy esepke alýdy, baǵalaýdy, taldaýdy, monıtorıngti, bazalar men derekter bankin júrgizý. 20. Tıisti salada baǵalardy, mólsherlemelerdi memlekettik retteýdi júzege asyrý. 21. Adam quqyqtaryn iske asyrýǵa baılanysty qatynastar boıynsha belgili bir tynys-tirshilik aıasyn memlekettik retteýdiń ózge de sharalaryn bekitý. 22. Tulǵaǵa belgili bir mártebe berý, uzartý, odan aıyrý jáne toqtatý rásimderin júzege asyrý. 23. Belgili bir zattardy, tulǵalardy jikteýdi, belgileýdi, sanat, mártebe, synyp berýdi ne ózge de sáıkestendirýdi júzege asyrý. 24. Aqparattyq júıeler, baılanys júıeleri men derekter berý júıelerin, tehnıkalyq quraldardy, sondaı-aq aqparatty qorǵaý júıelerin jasaý. 25. Memlekettik organdar qyzmetin úılestirý, memlekettik jáne memlekettik emes birlestikter men ózara is-qımyl jasaý. 26. Saladaǵy jaǵdaıdy zerdeleý, taldaý. 27. Kelisimder, memorandýmdar jasasý. 28. Obektilerdi, jobalardy paıdalanýǵa qabyldaý, berý, olardy qamtamasyz etý. 29. Júzege asyrylatyn qyzmet týraly esepti qaraý. 30. Zańnamany túsindirý. 31. Kepildik mindettemeler berý (kepildik mindettemelerdiń jalpy erejesi). 32. Aqparatty suratý jáne jınaý. 33. Memlekettik qyzmetter kórsetý.