О́reli óndiristiń ónimi de ótimdi

О́tken aıda Atyraý oblysyna jumys sapary barysynda «Samuryq-Qazyna» AQ-tyń basqarma tóraǵasy О́mirzaq Shókeev «Ulttyq ındýstrııalyq munaı-hımııa parki» arnaýly ekonomıkalyq aımaǵynda ınvestısııalyq jobalardy júzege asyrý barysymen tanysqan bolatyn. Atap aıtqanda, qor basshysy «Polymer Production» JShS paıdalanýǵa bergen zaýytty aralaǵan edi. Osy oraıda ol qandaı zaýyt jáne nendeı ónimder shyǵarmaq degen saýaldyń týyndaýy da oryndy. Atalmysh joba polımer ónim­de­riniń birqatar túrlerin óndirýdi qarastyrady. Munda jylyna 14 738 tonna bıaksıaldy baǵytta­ǵy polıpropılendi (BBPP) qabyq, jylyna 4 125 tonna polıetı­len qa­byǵy jáne jylyna 48 mln dana polıpropılen qaby shyǵarylmaq. BBPP qabyǵy  Qazaqstanda alǵash ret óndirilip otyr. Qabyq aýyl shar­ýa­shylyǵynda, qurylys salasynda, azyq-túlik óndirisinde, bólshek saýdada qoldanylady. Jo­­banyń quny 90 mln AQSh dollaryna jýyq. Halyqtyń qoldanýyna ar­nal­ǵan óndiristerdiń aýqymyn ke­ńeıtýde Atyraý oblysyndaǵy biriktirilgen gaz-hımııa kesheniniń qurylysy eleýli oqıǵa bolmaq. Joba Teńiz ken ornyndaǵy shıki­zatty tereń óńdeýge baǵyttalǵan. Quny – 2,6 mlrd AQSh dollary. Nátıjesinde Qazaqstanda po­lı­propılen óndirisi jolǵa qo­ıylmaq. Bul ámbebap materıal­dy elektrtehnıka, mashına qu­­­­rastyrý, ónerkásiptik jáne kom­mersııalyq qurylys salalarynda keńinen qoldanýǵa bolady. Atalǵan óndiristerdiń aýqym­dylyǵy men kapıtal syıym­dy­lyǵyn eskere otyryp, nesıe qarajatyn tartý kózdelýde. Bul oraıda tıisti ınfraqurylym­nyń qamtamasyz etilýi sheteldik ınves­torlar men nesıe berýshiler tara­pynan basty talap bolyp tabylady. Arnaýly ekonomıkalyq aı­maq­tyń óndiristik ınfra­qu­ry­­­lymyn qalyptastyrý maq­sa­tyn­da jańa nysandar salý jos­­parlanǵan. Olar qýattylyǵy 310 MVt gaz-týr­­bınaly elektr stansasy, teh­nı­kalyq gaz­dar­­­dy óndirý kesheni, sýdy ázirleý men tazalaý kesheni. Al jalpy zaýyttyń ınfra­qurylymyn qalyptastyrý úshin kedendik tekserý aımaǵy bar ba­qylaý-ótkizý modýli, qatty tur­mys­tyq shyǵyndardyń polıgony, órt sóndirý deposy, jóndeý-qu­ry­lys sehy, saqtaý qoımasy, alań ishin­­degi sý, gaz, elektr, jylý je­li­leri bar nysandar boı kótermek. Infraqurylym nysandary­nyń ortalyqtandyrylǵan qu­rylysy jáne paıdalanylýy ese­binen kúrdeli shyǵyndardy óteýge, modýldik qurylysty is­ke asyrýǵa, munaı-hımııa joba­larynyń tıimdiligin kóterýge múmkindik týady. Qor basshysy sapar barysynda, sonymen qatar polıetılen, bý­tadıen jáne sıntetıkalyq kaý­chýk óndirýge baǵyttalǵan joba­lardyń aldaǵy damý josparlaryn talqylady. Barlyq jobalardy «Birikken hımııalyq kompanııa» JShS júzege asyrady. Atqarylǵan jumystardyń arqasynda eldiń batysynda qurylys júrgizý kezinde 9 myńnan astam jumys orny qurylady, al nysandar paı­da­laný­ǵa tapsyrylǵannan keıin 2 myńǵa jýyq adam eńbekpen qamtylmaq. Mereke TAŃATAROV