Qazaqstan Respýblıkasy Úkimetiniń qaýlysy №507 

  2016 jylǵy 31 tamyz ,Astana, Úkimet Úıi «Qazaqstan Respýblıkasy Bilim jáne ǵylym mınıstrliginiń máseleleri» týraly Qazaqstan Respýblıkasy Úkimetiniń 2004 jylǵy 28 qazandaǵy №1111 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Qazaqstan Respýblıkasy Bilim jáne ǵylym mınıstrliginiń máseleleri» týraly Qazaqstan Res­pýblıkasy Úkimetiniń 2004 jylǵy 28 qazandaǵy №1111 qaýlysyna (Qazaqstan Respýblıkasynyń PÚAJ-y, 2004 j., № 40, 522-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen Qazaqstan Respýblıkasy Bilim jáne ǵylym mınıstrligi týraly erejede: 16-tarmaqta: «ortalyq apparattyń fýnksııalary:»: mynadaı mazmundaǵy 129-1) tarmaqshamen tolyqtyrylsyn: «129-1) mektepke deıingi, orta bilim berý uıymdarynda, jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdarynda oqıtyn jáne tárbıelenetin balalardy tamaqtandyrýdy uıymdastyrý jónindegi kórsetiletin qyzmetterdi, taýarlardy josyqsyz berýshilerdiń tizbesin qalyptastyrý qaǵı­dalaryn bekitý;»; 139) tarmaqsha mynadaı redaksııada jazylsyn: «139) Qazaqstan Respýblıkasynyń azamattary bolyp tabylatyn, Qazaqstan Respýblıkasynyń aýmaǵynda turaqty turatyn, jetim balalardy, ata-anasynyń qamqorlyǵynsyz qalǵan balalardy asyrap alýǵa nıet bildirgen adamdardy esepke alý qaǵıdalaryn bekitý;»; 140) tarmaqsha alyp tastalsyn; mynadaı mazmundaǵy 143-1), 143-2), 143-3), 143-4); 143-5) jáne 143-6) tarmaqshalarmen tolyqtyrylsyn: «143-1) asyrap alynǵan balanyń ómir súrý, oqý, tárbıe jaǵdaılary týraly jáne densaý­lyǵynyń jaı-kúıi týraly esepti usyný qaǵıdalary men merzimderin, nysanyn bekitý; 143-2) jetim balalardyń, ata-anasynyń qamqorlyǵynsyz qalǵan alalardyń jáne bala­lardy óz otbasylaryna tárbıeleýge qabyldaýǵa nıet bildirgen adamdardyń respýblıkalyq derekter bankin kalyptastyrý jáne paıdalaný qaǵıdalaryn bekitý; 143-3) Balany qabyldaıtyn otbasylar týraly erejeni bekitý; 143-4) qabyldaýshy ata-analarǵa berilgen jetim balalardy, ata-anasynyń qamqorlyǵynsyz qalǵan balalardy kútip-baǵýdy qarjylandyrý qaǵıdalaryn jáne mólsherin bekitý; 143-5) Bala qonaqtaıtyn otbasylar týraly erejeni bekitý; 143-6) balanyń quqyqtaryn qorǵaý jónindegi fýnksııalardy júzege asyratyn uıymdardyń taýarlary men kórsetiletin qyzmetterin satyp alý qaǵıdalaryn bekitý;»; «vedomstvolardyń fýnksııalarynda:» 47) tarmaqsha mynadaı redaksııada jazylsyn: «47) bala asyrap alý, qorǵanshylyq, qamqorshylyq, patronat, balany qabyldaıtyn jáne bala qonaqtaıtyn otbasylardyń máseleleri boıynsha oblystyq, Astana, Almaty qalalary bilim basqarmalarynyń qyzmetin úılestirý jáne baqylaý;»; mynadaı mazmundaǵy 47-1), 47-2), 47-3) jáne 50-1) tarmaqshalarmen tolyqtyrylsyn: «47-1) bala asyrap alý jónindegi agenttikterdi akkredıtteýden ótkizý; 47-2) bala asyrap alý jónindegi agenttik ókildigin akkredıtteý nemese akkredıtteýden bas tartý týraly sheshimdi, akkredıtteý merzimin uzartý (uzartýdan bas tartý), bala asyrap alý jónindegi fılıaldyń jáne (nemese) ókildiktiń qyzmet etýin toqtata túrý, qyzmet etýin qaıtadan qoldanysqa engizý jáne toqtatý týraly dáleldi sheshimderin berý; 47-3) jetim balalardyń, ata-anasynyń qamqorlyǵynsyz qalǵan balalardyń jáne balalardy óz otbasylaryna tárbıeleýge qabyl­daýǵa nıet bildirgen adamdardyń respýblıkalyq derekter bankin qalyptastyrý men paıdalaný boıynsha aýdandardyń, oblystyq mańyzy bar qalalardyń, oblystardyń, respýblıkalyq mańyzy bar qalalardyń, astananyń jergilikti atqarýshy organdarynyń qorǵanshylyq nemese qamqorshylyq jónindegi fýnksııalardy júzege asyratyn organdarynyń qyzmetin úılestirý; 50-1) balanyń quqyqtaryn qorǵaý jónindegi fýnksııalardy júzege asyratyn uıymdardyń taýarlary men kórsetiletin qyzmetterin satyp alý boıynsha qyzmetin úılestirý;». 2. Osy qaýly 2017 jylǵy 1 qańtardan bastap qoldanysqa engiziletin 1-tarmaqtyń on ekinshi, on úshinshi, on tórtinshi jáne jıyrma úshinshi abzastaryn qospaǵanda, qol qoıylǵan kúninen bastap qol­danysqa engiziledi jáne resmı jarııalanýǵa tıis. Qazaqstan Respýblıkasynyń Premer-Mınıstri K.MÁSIMOV