Qazaqstan Respýblıkasy Mádenıet jáne sport mınıstrliginiń buıryǵy №179

  2016 jylǵy 27 maýsym №179 Astana qalasy «Fılm ındeksin anyqtaýdyń krıterıılerin bekitý týraly» Qazaqstan Respýblıkasy Mádenıet jáne aqparat mınıstriniń 2012 jylǵy 12 naýryzdaǵy № 7 buıryǵyna ózgerister engizý týraly «Mádenıet týraly» 2006 jylǵy 15 jeltoqsandaǵy Qazaqstan Respýblıkasy Zańynyń 7-babynyń 35) tarmaqshasyna sáıkes buıyramyn: 1. «Fılm ındeksin anyqtaýdyń krıterıılerin bekitý týraly» Qazaqstan Respýblıkasy Mádenıet jáne aqparat mınıstriniń 2012 jylǵy 12 naýryzdaǵy № 7 buıryǵyna (Normatıvtik quqyqtyq aktilerin memlekettik tirkeý tiziliminde № 7537 bolyp tirkelgen, «Egemen Qazaqstan» gazetinde 2012 jylǵy 18 sáýirde № 162-163 (27237) bolyp jarııalanǵan) mynadaı ózgerister engizilsin: taqyryby mynadaı redaksııada jazylsyn, orys tilindegi mátin ózgermeıdi: «Fılmniń ındeksin aıqyndaý krıterıılerin bekitý týraly»; 1-tarmaq mynadaı redaksııada jazylsyn, orys tilindegi mátin ózgermeıdi: «1. Qosa berilip otyrǵan Fılmniń ındeksin aıqyndaý krıterııleri bekitilsin.»; kórsetilgen buıryqpen bekitilgen fılm ındeksin belgileý krıterıılerinde: taqyryby mynadaı redaksııada jazylsyn, orys tilindegi mátin ózgermeıdi: «Fılmniń ındeksin aıqyndaý krıterııleri»; 1-tarmaq mynadaı redaksııada jazylsyn, orys tilindegi mátin ózgermeıdi: «1. Osy Fılmniń ındeksin aıqyndaý krıterııleri (budan ári - Krıterıı) «Mádenıet týraly» Qazaqstan Respýblıkasynyń 2006 jylǵy 15 jeltoqsandaǵy Zańynyń (budan ári - Zań) 7-baby 35) tarmaqshasyna sáıkes ázirlendi jáne Qazaqstan Respýblıkasynyń aýmaǵynda shyǵarylǵan, sondaı-aq Qazaqstan Respýblıkasynyń aýmaǵyna prokattaý jáne kópshilikke kórsetý (demonstrasııalaý) úshin ákelingen (jetkizilgen) fılmderdi kórermenderdiń jas shegine qaraı toptastyrý maqsatynda fılmderdiń mazmunyna talaptar belgileıdi.»; 5-tarmaq mynadaı redaksııada jazylsyn: «5. Osy Krıterıılerdiń 3-tarmaǵyna sáıkes Qazaqstan Respýblıkasy Mádenıet jáne sport mınıstrligimen ár fılmge kórermenderdiń jas shegine qaraı ındeks beriledi.». 2. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde tólnusqasyna tolyq sáıkes keletin onyń grafıkalyq formattaǵy kóshirmelerin «Ádilet» aqparattyq-quqyqtyq júıesinde resmı jarııalaý úshin joldaýdy; 3) osy buıryq memlekettik tirkelgennen keıin kúntizbelik on kún ishinde osy buıryqqa qol qoıýǵa ýákiletti tulǵanyń elektrondyq sıfrlyq qoltańbasymen kýálandyrylǵan elektrondy jáne qaǵaz túrindegi kóshirmelerin resmı jarııalaý úshin, Qazaqstan Respýblıkasy normatıvtik quqyqtyq aktileriniń etalondyq baqylaý bankine, Qazaqstan Respýblıkasynyń Normatıvtik quqyqtyq aktileriniń memlekettik tizilimine engizý úshin «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 4) resmı jarııalanǵannan keıin kúntizbelik on kún ishinde osy buıryqty Qazaqstan Respýblıkasy Mádenıet jáne sport mınıstrliginiń ınternet-resýrsyna ornalastyrýdy; 5) osy tarmaqpen kózdelgen is-sharalar oryndalǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin. 4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Mádenıet jáne sport mınıstri A.MUHAMEDIULY Buıryq Qazaqstan Respýblıkasynyń Ádilet mınıstrliginde 2016 jylǵy 27 shildedegi Norma­tıv­tik quqyqtyq kesimderdi memlekettik tir­keýdiń tizilimine № 14006 bolyp engizildi.