Qazaqstan Respýblıkasy Mádenıet jáne sport mınıstrliginiń buıryǵy №180

  2016 jylǵy 27 maýsym №180 Astana qalasy «Fılmdi ulttyq dep taný qaǵıdasyn bekitý týraly» Qazaqstan Respýblıkasy Mádenıet mınıstriniń mindetin atqarýshysynyń 2010 jylǵy 5 qazandaǵy № 109 buıryǵyna ózgerister engizý týraly Qazaqstan Respýblıkasynyń 2006 jylǵy 15 jeltoqsandaǵy «Mádenıet týraly» Zańynyń 28-1-babynyń 3-tarmaǵyna sáıkes buıyramyn: 1. «Fılmdi ulttyq dep taný qaǵıdasyn bekitý týraly» Qazaqstan Respýblıkasy Mádenıet mınıstriniń mindetin atqarýshysynyń 2010 jylǵy 5 qazandaǵy № 109 buıryǵyna (Normatıvtik quqyqtyq aktilerin memlekettik tirkeý tiziliminde № 6613 bolyp tirkelgen, «Egemen Qazaqstan» gazetinde 2010 jylǵy 30 qarashada № 506-512 (26355) bolyp jarııalanǵan) mynadaı ózgerister engizilsin: taqyryby mynadaı redaksııada jazylsyn, orys tilindegi mátin ózgermeıdi: «Fılmdi ulttyq dep taný qaǵıdalaryn bekitý týraly»; 1-tarmaq mynadaı redaksııada jazylsyn, orys tilindegi mátin ózgermeıdi: «1. Qosa berilip otyrǵan Fılmdi ulttyq dep taný qaǵıdalary bekitilsin.»; kórsetilgen buıryqpen bekitilgen Fılmdi ulttyq dep taný qaǵıdasynda: taqyryby mynadaı redaksııada jazylsyn, orys tilindegi mátin ózgermeıdi: «Fılmdi ulttyq dep taný qaǵıdalary»; 1-tarmaq mynadaı redaksııada jazylsyn, orys tilindegi mátin ózgermeıdi: «1. Osy fılmdi ulttyq dep taný Qaǵıdalary (budan ári – Qaǵıda) Qazaqstan Respýblıkasynyń «Mádenıet týraly» 2006 jylǵy 15 jeltoqsandaǵy Zańynyń 28-1-babynyń 3-tarmaǵyna sáıkes ázirlendi jáne Qazaqstan Respýblıkasynda fılmdi ulttyq dep taný tártibin aıqyndaıdy.»; 2-tarmaqtyń 3) tarmaqshasy mynadaı redaksııada jazylsyn: «3) Qazaqstan Respýblıkasynyń azamaty jáne (nemese) belgilengen tártippen Qazaqstan Respýb­lıkasynyń aýmaǵynda tirkelgen zańdy tulǵa (budan ári – ótinish ıesi) fılmniń prodıýserleri bolyp tabylsa;»: 4-tarmaqta: birinshi abzasy mynadaı redaksııada jazylsyn: «4. Fılmdi ulttyq dep taný úshin ótinish ıesi mádenıet salasyndaǵy ýákiletti organǵa (budan ári – ýákiletti organ) kelesi qujattardy memlekettik nemese orys tilderinde tapsyrady:»; 1) tarmaqshasynyń birinshi abzasy mynadaı redaksııada jazylsyn: «1) ýákiletti organnyń basshysynyń atyna fılmdi ulttyq dep tanýǵa erkin nysandaǵy ótinish. О́tinishte mindetti túrde mynadaı málimetter kórsetiledi:»; 1) tarmaqshasynyń on besinshisi abzasy mynadaı redaksııada jazylsyn: «ótinish bergen kún jáne ótinish berýshiniń qoly;»; 4) tarmaqshasynyń abzasy mynadaı redaksııada jazylsyn: «4) zańdy tulǵanyń – prodıýserdiń memlekettik tirkeýi (qaıta tirkeý) týraly kýáliginiń* nemese anyq­ta­masynyń jáne onyń quryltaı qujattarynyń kóshir­meleri nemese jeke tulǵa – prodıýserdiń jeke basyn kýálandyratyn qujattyń kóshirmesi;»; 5, 6 jáne 7 -tarmaqtar mynadaı redaksııada jazylsyn: «5. Osy Qaǵıdalarynyń 4-tarmaǵyna sáıkes usynylǵan qujattar, ýákiletti organǵa túsken kúnnen bastap on jumys kúni ishinde qaralýǵa jatady. Eger qujattar osy Qaǵıdalarynyń 4-tarmaǵyna sáıkes kelmegen jaǵdaıda, qujattar qaralmastan, ýákiletti organǵa kelip túsken kúnnen bastap úsh jumys kúni ishinde ótinish berýshige qaıta qaıtarylady. 6. Usynylǵan qujattardy qarastyrý úshin ýákiletti organ, ýákiletti organnyń ókilderinen jáne kınematografııa salasyndaǵy mamandardan turatyn komıssııa qurady. Komıssııa tóraǵadan, komıssııa múshelerinen jáne hatshysynan turady. Komıssııanyń sheshimi onyń otyrysyna qatysqan komıssııa músheleri men tóraǵasynyń jalpy sanynyń kópshilik daýysymen ashyq daýys berý arqyly qabyl­danady. Daýystar teń bolǵan jaǵdaıda Komıssııa tóraǵasynyń daýysy sheshýshi bolyp tabylady. Komıssııa hatshysy daýys berý quqyǵyna ıe bolmaıdy. Komıssııa hattamamen rásimdeletin fılmdi ulttyq dep taný nemese fılmdi ulttyq dep tanýdan bas tartý týraly sheshim qabyldaıdy. 7. Komıssııanyń fılmdi ulttyq dep taný týraly sheshimi komıssııa hattamasynyń negizinde ýákiletti organnyń basshysynyń nemese onyń mindetin atqarýshy tulǵanyń buıryǵymen rásimdeledi.». 2. Qazaqstan Respýblıkasy Mádenıet jáne sport mınıstrliginiń Mádenıet jáne óner isteri departamenti zańnamada belgilengen tártipte: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntizbelik on kún ishinde tólnusqasyna tolyq sáıkes keletin onyń grafıkalyq formattaǵy kóshirmelerin «Ádilet» aqparattyq-quqyqtyq júıesinde resmı jarııalaý úshin joldaýdy; 3) osy buıryq memlekettik tirkelgennen keıin kúntiz­­­belik on kún ishinde osy buıryqqa qol qoıýǵa ýákilet­ti tulǵanyń elektrondyq sıfrlyq qoltań­basymen kýálandyrylǵan elektrondy jáne qaǵaz túrin­degi kóshirmelerin resmı jarııalaý úshin, Qazaq­stan Respýblıkasy normatıvtik quqyqtyq aktile­riniń etalondyq baqylaý bankine, Qazaqstan Respýblı­kasynyń Normatıvtik quqyqtyq aktileriniń memlekettik tizilimine engizý úshin «Qazaqstan Respýb­lıkasy Ádilet mınıstrliginiń Respýblıkalyq quqyqtyq aqpa­rat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 4) resmı jarııalanǵannan keıin kúntizbelik on kún ishinde osy buıryqty Qazaqstan Respýblı­kasy Mádenıet jáne sport mınıstrliginiń ınternet-resýrsyna ornalastyrýdy; 5) osy tarmaqpen kózdelgen is-sharalar oryn­dalǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine is-sharalardyń oryndalýy týraly málimetterdi usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Mádenıet jáne sport vıse-mınıstrine júktelsin. 4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Mádenıet jáne sport mınıstri A.MUHAMEDIULY Buıryq Qazaqstan Respýblıkasynyń Ádilet mınıstrliginde 2016 jylǵy 27 shildedegi Normatıvtik quqyqtyq kesimderdi memlekettik tirkeýdiń tizilimine № 14005 bolyp engizildi.