Qazaqstan Respýblıkasy Mádenıet jáne sport mınıstrliginiń buıryǵy  №181

  2016 jylǵy 27 maýsym №181 Astana qalasy Kótermeleýdiń salalyq júıesi jónindegi nusqaýlyǵyn bekitý týraly «Mádenıet týraly» 2006 jylǵy 15 jeltoqsandaǵy Qazaqstan Respýblıkasynyń Zańynyń 7-babynyń 11) tarmaqshasyna jáne «Dene shynyqtyrý jáne sport týraly» 2014 jylǵy 3 shildedegi Qazaqstan Respýb­lıkasynyń Zańynyń 7-babynyń 5) tarmaqshasyna sáıkes buıyramyn: 1. Osy buıryqtyń 1 qosymshasyna sáıkes kóter­meleýdiń salalyq kótermeleý júıesi jónindegi nusqaýlyq bekitilsin. 2. Osy buıryqtyń 2 qosymshasyna sáıkes Qazaqstan Respýblıkasy Mádenıet jáne aqparat mınıstriniń keıbir buıryqtarynyń kúshi joıyldy dep tanylsyn. 3. Qazaqstan Respýblıkasy Mádenıet jáne sport mınıstrliginiń Personaldy basqarý qyzmeti: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq memlekettik tirkelgennen keıin kúntiz­belik on kún ishinde tólnusqasyna «Ádilet» aqparat­tyq-quqyq­tyq júıesinde resmı jarııalaý úshin jáne osy buıryq­qa qol qoıýǵa ýákiletti tulǵanyń elektrondyq sıfrlyq qoltań­basymen kýálandyrylǵan elektrondy jáne qaǵaz túrindegi kóshirmelerin resmı jarııalaý úshin, Qazaqstan Respýb­lıkasy normatıvtik quqyqtyq aktileriniń etalon­dyq baqylaý bankine, Qazaqstan Respýblıkasynyń Normatıv­tik quqyqtyq aktileriniń memlekettik tizilimine engizý úshin onyń tólnusqasyna tolyq sáıkes keletin grafı­kalyq formattaǵy kóshirmelerin «Qazaqstan Respýb­lıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna joldaýdy; 3) resmı jarııalanǵannan keıin kúntizbelik on kún ishinde osy buıryqty Qazaqstan Respýblıkasy Mádenıet jáne sport mınıstrliginiń ınternet-resýrsynda ornalastyrýdy; 4) osy tarmaqta kózdelgen is-sharalar oryndal­ǵannan keıin on jumys kúni ishinde Qazaqstan Respýblıkasy Mádenıet jáne sport mınıstrliginiń Zań qyzmeti departamentine is-sharalardyń oryndalýy týraly málimetterdi usynýdy qamtamasyz etsin. 4. Osy buıryqtyń oryndalýyn baqylaý Qazaqstan Respýblıkasy Mádenıet jáne sport mınıstrliginiń Jaýapty hatshysyna júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Mádenıet jáne sport mınıstri A.MUHAMEDIULY Qazaqstan Respýblıkasy Mádenıet jáne sport mınıstriniń 2016 jylǵy 27 maýsymdaǵy №181 buıryǵyna 1-qosymsha Kótermeleýdiń salalyq júıesi jónindegi nusqaýlyq 1. Jalpy erejeler 1. Osy kótermeleýdiń salalyq júıesi jónindegi nusqaýlyq (budan ári- Nusqaýlyq) salany damytýǵa qosqan úlesi úshin mádenıet, ádebıet jáne óner, dene shynyqtyrý jáne sport salasynyń qyzmetkerlerin kótermeleý rásimin retteıdi. 2. Kótermeleý salany damytýǵa qosqan úlesi úshin qyzmetkerlerdiń eńbegin moraldyq yntalandyrýdaǵy nysany bolyp tabylady. 3. Mádenıet, ádebıet jáne óner, dene shynyqtyrý jáne sport salasynyń qyzmetkerlerin kótermeleý maqsatynda kótermeleýdiń kelesi túrleri belgilenedi: 1) osy Nusqaýlyqtyń 1-qosymshasyna sáıkes nysan boıynsha qurmet gramotasy; 2) osy Nusqaýlyqtyń 2-qosymshasyna sáıkes nysan boıynsha alǵys hat. 2. Kótermeleýdiń salalyq júıesi 4. Mádenıet, ádebıet jáne óner, dene shynyqtyrý jáne sport salasynyń qyzmetkerlerin, sonyń ishinde Qazaqstan Respýblıkasy Mádenıet jáne sport mınıstrliginiń (budan ári-Mınıstrlik) jáne onyń vedomstvolarynyń, vedomstvolyq baǵynysty uıymdarynyń qyzmetkerleri (budan ári - qyzmetkerler) qurmet gramotasymen jáne alǵys hatymen kótermeleýge úmitker tulǵalar bolyp tabylady. 5. Qyzmetkerlerdi kótermeleý memlekettik jáne ulttyq merekelerge, kásibı merekelerge: «Mádenıet jáne óner qyzmetkerleriniń kúni», «Sport kúni» merekeleýge oraı júzege asyrylady. Mádenıet, ádebıet jáne óner, dene shynyqtyrý jáne sport salasyndaǵy úlesi, qyzmeti, jetistikteri nemese tabystary úshin bir tulǵa ekinshi ret qaıta usynylmaıdy. 6. Mınıstrliktiń Personaldy basqarý qyzmetine mınıstrliktiń qurylymdyq bólimshesiniń, onyń vedomstvolarynyń, vedomstvolyq baǵynysty uıymdarynyń basshylarynyń nemese onyń mindetin atqarýshy tulǵanyń qoly qoıylǵan usynym usynylady. Usynymda qyzmetker týraly kelesi málimetter (aty, tegi, ákesiniń aty (bolǵan jaǵdaıda), bilimi, tıisti saladaǵy jumys ótili, jetken jetistikteriniń nátıjesin kórsetilýleri qajet, qyzmetkerdiń naqty qyzmetin, jetistikterin jáne tabystaryn kórsetetin kórsetkishter sıpattalady. 7. Qyzmetkerlerdi kótermeleý úshin Qazaqstan Respýblıkasy Mádenıet jáne sport mınıstriniń (budan ári-Mınıstr) buıryǵymen komıssııa qurylady. Komıssııa músheleriniń quramy taq sannan qurylady. Komıssııa quramy komıssııa tóraǵasyn eseptemegende Qazaqstan Respýblıkasy mádenıet jáne sport vıse-mınıstrlerinen, jaýapty hatshydan, vedomstvolardyń basshylarynan nemese orynbasarlarynan, tıisti salaǵa jetekshilik etetin qurylymdyq bólimshelerdiń nemese olardyń mindetterin atqarýshy tulǵalardan taǵaıyndalady. Komıssııa tóraǵasy bolyp Mınıstr taǵaıyndalady. Hatshy Mınıstrliktiń Personaldy basqarý qyzmeti qyzmetkerleriniń ishinen anyqtalady. 8. Komıssııa qyzmetkerlerdiń minezdemesinde osy Nusqaýlyqtyń 12 jáne 13 tarmaqtarynda kórsetilgen talaptarǵa sáıkestikterin qarastyrady. 9. Komıssııanyń jumysy qajettiligine qaraı ótkiziletin otyrys ótkizý jolymen júzege asyrylady. Komıssııa otyrysy komıssııa músheleriniń jalpy sanynyń úshten ekisi qatysqan kezde zańdy bolady. Komıssııa músheleri onyń jumysynda almastyrý quqyǵysyz qatysady. 10. Komıssııa sheshimderi osy otyrysqa qatysqan jalpy komıssııa músheleriniń daýysynyń kópshiligimen qabyldanady. Talqylanyp otyrǵan másele boıynsha daýystar teń bolǵan jaǵdaıda, komıssııa tóraǵasynyń daýysy sheshýshi bolyp sanalady. Komıssııanyń sheshimi komıssııa músheleriniń, tóraǵasynyń jáne hatshysynyń qol qoıylǵan hattamasymen rásimdeledi. 11. Qurmet gramotasymen jáne alǵys hatpen marapattaý, komıssııa hattamasynyń negizinde mınıstrliktiń jaýapty hatshysynyń buıryǵymen júzege asyrylady. 12. Qurmet gramotasymen kelesi qyzmetkerler marapattalady: 1) árbir jeke saladaǵy (mádenıet, ádebıet jáne óner, dene shynyqtyrý jáne sport) eńbek ótili úsh jyldan asa; 2) saladaǵy (mádenıet, ádebıet jáne óner, dene shynyqtyrý jáne sport) qyzmeti, jetistikteri nemese tabystary úshin. 13. Alǵys hatpen kelesi qyzmetkerler marapattalady: 1) is-sharalardy ótkizgen jetistikteri (konkýrstar, olımpıadalar, baıqaýlar, kórmeler); 2) mádenıet, ádebıet jáne óner, dene shynyqtyrý jáne sport salasyn damytýǵa qosqan úlesi úshin. 14. Qurmet gramotasy men alǵys hatqa Mınıstrdiń qoly qoıylady. 15. Qurmet gramotasymen jáne alǵys hatpen marapattaý Qazaqstan Respýblıkasy Mádenıet jáne sport mınıstrimen nemese onyń mindetin atqarýshy tulǵamen saltanatty túrde júzege asyrylady. 16. Mınıstrliktiń Personaldy basqarý qyzmeti qyzmetkerdiń eńbek kitapshasyna jáne jeke is-qaǵazyna marapattaý týraly buıryqtyń shyqqan kúni men nómirin kórsete otyryp tıisti jazba engizedi. Kótermeleýdiń salalyq júıesi jónindegi Nusqaýlyǵyna № 1-qosymsha nysan QAZAQSTAN RESPÝBLIKASY MÁDENIET JÁNE SPORT MINISTRLIGI QURMET GRAMOTASY ___________________________________________________________ salasynyń damýyna qosqan úlesi úshin (mádenıet, ádebıet jáne óner, dene shynyqtyrý jáne sport) ________________________________________________________________________________ marapattalady. (qyzmetkerdiń tegi, aty, ákesiniń aty (bolǵan jaǵdaıda) Qazaqstan Respýblıkasy Mádenıet jáne sport mınıstri ___________________________ _______ (tegi, aty, ákesiniń aty (bolǵan jaǵdaıda) (qoly) «___» __________20 ____ jyl Kótermeleýdiń salalyq júıesi jónindegi Nusqaýlyǵyna № 2-qosymsha nysan QAZAQSTAN RESPÝBLIKASY MÁDENIET JÁNE SPORT MINISTRLIGI ALǴYS HAT __________________________________________________________salasynyń damýyna qosqan úlesi úshin (mádenıet, ádebıet jáne óner, dene shynyqtyrý jáne sport) ____________________________________________________________________alǵys hatpen marapattalady. (qyzmetkerdiń tegi, aty, ákesiniń aty (bolǵan jaǵdaıda) Qazaqstan Respýblıkasy Mádenıet jáne sport mınıstri ___________________________ _______ (tegi, aty, ákesiniń aty (bolǵan jaǵdaıda) (qoly) «___» __________20 ____ jyl Qazaqstan Respýblıkasy Mádenıet jáne sport mınıstriniń 2016 jylǵy 27 maýsymdaǵy №181 buıryǵyna № 2-qosymsha Qazaqstan Respýblıkasy Mádenıet jáne aqparat mınıstriniń kúshi joıyldy dep tanýǵa jatatyn keıbir buıryqtarynyń tizbesi 1. Qazaqstan Respýblıkasy Mádenıet jáne aqparat mınıstriniń «Kótermeleýdiń salalyq júıesi týraly» 2007 jylǵy 12 sáýirdegi № 111 buıryǵy (Qazaqstan Respýb­­­­lıkasy Normatıvtik quqyqtyq aktileriniń memleket­tik tirkeý tiziliminde № 4651 tirkelgen, Qazaqstan Respýb­lıkasynyń ortalyq atqarýshy jáne ózge de ortalyq memlekettik organdarynyń aktiler jınaǵy, 2007 jyl, naýryz-sáýir). 2. Qazaqstan Respýblıkasy Mádenıet jáne aqparat mınıstriniń «Kótermeleýdiń salalyq júıesi týraly» 2007 jylǵy 12 sáýirdegi № 111 buıryǵyna ózgerister engizý týraly» Qazaqstan Respýblıkasy mádenıet jáne aqparat mınıstriniń 2012 jylǵy 9 sáýirdegi buıryǵy (Qazaqstan Respýblıkasy Normatıvtik quqyqtyq aktileriniń memlekettik tirkeý tiziliminde № 7617 tirkelgen, «Egemen Qazaqstan» 2012 jylǵy 19 mamyrdaǵy № 247-252 (27326)). 3. Qazaqstan Respýblıkasy Mádenıet jáne aqparat mınıstriniń «Kótermeleýdiń salalyq júıesi týraly» 2007 jylǵy 12 sáýirdegi № 111 buıryǵyna ózgerister engizý týraly» Qazaqstan Respýblıkasy mádenıet jáne aqparat mınıstriniń 2013 jylǵy 27 qyrkúıektegi № 229 buıryǵy (Qazaqstan Respýblıkasy Normatıvtik quqyqtyq aktileriniń memlekettik tirkeý tiziliminde № 8858 tirkelgen, «Egemen Qazaqstan» 2013 jylǵy 28 qarashadaǵy № 325(27599)). Buıryq Qazaqstan Respýblıkasynyń Ádilet mınıstrliginde 2016 jylǵy 26 shildedegi Normatıvtik quqyqtyq kesimderdi memlekettik tirkeýdiń tizilimine №13986 bolyp engizildi.