О́tken jyly júzege asyrylǵan ındýstrııalyq-ınnovasııalyq damý baǵdarlamasynyń nátıjesinde 152 kásiporyn iske qosylyp, 24 myńǵa jýyq qazaqstandyq turaqty jumyspen qamtylǵan. Osy oraıda Jetisý jerinde de naqty jumystardyń tııanaǵy keltirilgenin aıtýǵa bolady. Máselen, buǵan deıin habarlaǵanymyzdaı, Talǵar aýdany Kolhozshy aýylynda júk avtomobılin shyǵaratyn jańa kásiporyn jumysyn bastaǵan bolatyn. Zaýytta Koreıadan jetkiziletin mashına bólshekterinen 1,5-ten 15 tonnaǵa deıin júk kóteretin tehnıkalar, fýrgondar, refrıjeratorlar, taǵy basqa sapasy joǵary avtokólikter shyǵarylyp, tutynýshyǵa jol tartýda. Al zaýytqa tartylǵan ınvestısııa kólemi 300 000 000 AQSh dollaryn quraıdy.
Kúmisjan BAIJAN, Almaty oblysy.
25 000 Qoıannyń qysy bastalǵaly Aqtóbe qalasynan syrtqa osynshama tonna qar shyǵaryldy. Bul jumys, ásirese, kóktemde sýǵa ketý qaýpi bar Máskeý aýdanynda qyzý júrgizilýde. Bıylǵy qys onyń aldyndaǵy jyldarǵa qaraǵanda qarly bolyp tur. Sondyqtan da qala kóshelerin qardan tazartý jumystarymen bes mekeme shuǵyldanýda. Qar sýy kóp jınalatyn Máskeý aýdanynda «KTP», «ASSANA», «Aqtóbe qurylys» jáne «Aqjol LTP» jaýapkershiligi shekteýli seriktestikteri qar shyǵarýmen aınalysyp jatsa, «Malyshka» shaǵyn aýdanynda bul jumysty «Taza qala» mekemesi atqarýda. Bul kásiporyndar budan keıin qardy syrtqa shyǵarý jumystaryn «Sút zaýyty» jáne «Qurmysh» shaǵyn aýdandarynda jalǵastyrady.
Satybaldy SÁÝIRBAI, Aqtóbe oblysy.
21 755 Oblystyq statıstıka basqarmasynyń habaryna qaraǵanda, osynshama stýdent joǵary oqý oryndarynda bilim alýda. Iаǵnı, oblys ortalyǵynda bul kúnderi 4 joǵary oqý orny bolsa, munyń ekeýi memlekettik, onda 14 375 stýdent oqyp júr. Stýdentter kúndizgi, syrttaı jáne keshki bólimderde bilim alýda. Olardyń 92 paıyzy oblys ortalyǵynda, al 7,9 paıyzy Ekibastuz qalasynda oqıdy. Al, aqyly negizde 15 858 stýdent bilim alyp júrse, memlekettik bilim berý grantymen 5 789 jas qamtylyp, memlekettik bilim berý tapsyrysyn 108 stýdent alypty. Stýdentterdiń 64,8 paıyzyn qazaqtar, 27,6 paıyzyn orystar, qalǵandaryn ózge etnos ókilderi quraıdy. Jeńildikpen 1712 aýyl jastary, ata-ana qamqorlyǵynsyz qalǵan 38 stýdent oqıdy.
Farıda BYQAI, Pavlodar oblysy.
