Chempıonǵa Astanadan – úsh bólmeli páter

Rıo Olımpıadasynyń chempıony, aýyr atlet Nıdjat Rahımovty aty­raýlyqtar taǵatsyzdana kútti. О́ıtkeni, baýyrlas túrki eliniń oǵlan uly Qazaqstan azamattyǵyn alǵan tusta aldymen osy óńirge keldi. Osynda ha­lyqaralyq dárejedegi sport sheberi Tahır Hal­matovtaı bilikti bapkerden tálim aldy. Oǵan óńir basshylyǵy «Nursaıa» shaǵyn aýdanynan bir bólmeli páter bergen edi. Sóıtip, bul óńir turǵyn­dary Nıdjatty bir týǵan baýyryndaı ystyq qush­a­ǵyna basty. Sport kesheninde álem rekordyn jańartyp, Olım­pıada chempıony atan­ǵan Nıdjat Rahı­movke, onyń ákesi men sheshesine qur­met kór­setildi. Atyraý obly­synyń ákimi Nurlan Noǵaev qazaqtyń dástú­ri­men Nıdjattyń áke­sine – shapan, al anasyna kamzol kıgizdi. Nıdjat Rahımovtiń ózi­ne Astana qalasynan úsh bólmeli páterdi syı­ǵa tartty. «Bıylǵy jyl Qazaq­stannyń bolasha­ǵynyń jarqyn ekenin, densaýlyǵy myqty, elin súıetin ul-qyzdary­myzdyń baryn anyq kór­setti. Mem­leket mundaı jastardy árqashan qoldaı beredi», – dedi oblys ákimi N.Noǵaev. Sonymen birge, Rıo Olımpıadasyna qatysqan taekvondoshy Jansel De­nızge 2 mıllıon teńgeniń ser­tıfıkaty tapsyryldy. Joldasbek ShО́PEǴUL, «Egemen Qazaqstan» ATYRAÝ Sýretti túsirgen Rahym QOILYBAEV