Ońtústik Koreıa ókimeti Soltústik Koreıa astanasyn joıyp jiberýge daıyn otyr

  Ońtústik Koreıa bıligi Soltústik Koreıanyń ıadrolyq qarý qoldanýǵa daıyndyǵyn baıqaǵan sátte onyń astanasy Phenıandy jermen-jeksen etip joq qylý josparyn ázirlep qoıdy. Bul týraly birneshe sheteldik basylym Ionhap agenttigine silteme jasaı otyryp habarlady. Aqparatta Ionhaptyń Ońtústik Koreıa ókimetimen baılanysy myqty ekeni aıtylady. Ońtústik Koreıa parlamenti jýrnalısterdi «Koreıanyń jaýap sharasy jáne jappaı jazalaý» dep atalatyn josparmen tanystyrǵan. «Soltústik tarapynan ıadrolyq qarý qoldaný belgisi baıqaldy, bitti –  Phenıannyń árbir aýdany, onyń ishinde Soltústik Koreıa bıligi jasyrynǵan aımaǵy ballıstıkalyq zymyrandar jáne qýaty asa zor jarylǵysh zattardyń kómegimen tolyq joıylady» degen Ionhapqa úkimettiń bir múshesi. Osy jumada Soltústik Koreıa óz tarıhyndaǵy er iri jerasty ıadrolyq synaǵyn jasaǵan bolatyn. «Egemen-aqparat»