Dárigerler Hılları Klıntonǵa «pnevmonııa» degen dıagnoz qoıdy

  AQSh prezıdenttigine Demokratııalyq partııadan kandıdat Hılları Klınton ókpesi qabynyp aýyryp qaldy. Muny onyń jeke dárigeri rastap, saıasatkerge antıbıotıkter jazyp bergenin habarlady. Aýrýdyń saldarynan Klınton Kalıfornııaǵa josparlaǵan saparynan bas tartýǵa májbúr boldy. Jeksenbi kúni Nıý-Iorktegi 2001 jylǵy 11 qyrkúıekte bolǵan teraktiniń 15 jyldyǵyna arnalǵan shara kezinde Hılları Klınton aýyryp qalǵan-dy. Áleýmettik jelilerde jarııalanǵan kadrlarda Klıntonnyń aıaǵynda tik tura almaı, kómekshileri súıep aparyp mıkroavtobýsqa mingizgeni kórinedi. Alǵashynda jeke dárigeri saıasatkerdiń ózin nashar sezinýine qatty shóldeýi sebep boldy dedi. Aqparat agenttikteriniń habarlaýyna qaraǵanda sol kúni Nıý-Iorkte aýa raıy tym qapyryq bolǵan. Úıine oralǵan Hılları Klınton óz-ózin tamasha sezinip otyrǵanyn jetkizdi. 2012 jyly Hılları Klıntonǵa tromb alyp tastaý operasııasy jasalyp, dárigerleri onyń operasııadan keıin tolyq jazylǵanyn aıtqan-dy. Alaıda, osydan biraz ýaqyt buryn Donald Tramp saılaýdaǵy qarsylasy Klıntonnyń densaýlyǵy myqty ekenine kúmán keltirgen edi. BBC News-tiń joramaly boıynsha, buryn jurt ol áńgimelerge onsha mán bermese, endi myna jaǵdaıdan keıin Klıntonnyń densaýlyǵy degen máseleni jiti qadaǵalaıtyn bolady.   Egemen-aqparat