О́zin ózi basqarýdyń ońtaıly joly qandaı?

Keshe Májiliste ózin ózi basqarýdy damytýǵa arnalǵan zań jobasy tanystyryldy. Zań jobasy «Qazaqstan Respýblıkasynyń keıbir zańnamalyq aktilerine jergilikti ózin ózi basqarýdy damytý máseleleri boıynsha ózgerister men tolyqtyrýlar engizý týraly» dep atalady.  Otyrysty ashqan Májilistiń Ekonomı­ka­lyq reforma jáne óńirlik damý komı­teti­niń tóraǵasy Nurtaı Sabılıanov Prezı­dent Nursultan Nazarbaevtyń tapsyrmasy­na sáıkes zań jobasyn talqylaýǵa qoǵamdyq sarap­shylar, parlamenttik emes partııa­lar men úkimettik emes uıymdar jáne BAQ ókilderi kelip otyrǵanyn aıtty. So­nyń ishinde talqylaýǵa Bas pro­kýra­týra­­­nyń, Ulttyq banktiń,  Parla­ment­ke en­­­be­gen «Jalpyulttyq sosıal-demo­kra­tııa­­l­yq partııasy» (JSDP) men «Birlik»,  «Aýyl» par­tııa­larynyń, Azamat­tyq alıans, Qazaq­stan­daǵy parlamen­tarızm­di jetildirý qory­nyń jáne t.b. qoǵam­dyq uıymdardyń ókilderi qa­tys­ty. Je­r­gi­likti jerlerden Qaraǵandy, Pav­­lo­dar, Aqmola  oblystyq, Abaı, Buqar jy­raý, Nura, Osakarov, Aqkól, Shortandy aýdan­­­dyq máslıhattarynyń  depýtattary keldi. Tanystyrylymdy júrgizgen Ekonomı­kal­yq reforma jáne óńirlik damý komı­teti­niń tóraǵasy Nurtaı Sabılıanov: «Zań jobasymen 4 kodekske (Bıýdjettik, Aza­mat­tyq, Salyq, Ákimshilik) jáne 4 zańǵa (Qazaqstan Respýblıkasyndaǵy jergilikti memlekettik basqarý jáne ózin ózi basqarý týraly, Jarnama týraly, Memlekettik múlik týraly, Kásipodaqtar týraly) óz­geris­ter men tolyqtyrýlar engiziletinin aıt­ty. Zań jobasyna sáıkes jergilikti ózin ózi basqarý organdary jergilikti mańyzy bar máselelerdi turǵyndardyń ózderi sheshýi úshin qarjylyq jáne materıaldyq resýrstarmen qamtamasyz etetin bolady», – dedi. Bul ómir súrý deńgeıin kóterýge jáne turǵylyqty jerde halyqty jumyspen qamtýǵa múmkindik beredi eken. Sondaı-aq, aýyldarda, kentterde, shaǵyn qalalarda abattandyrý, kóshelerdi jaryqtandyrý, jergilikti joldardy salý men jóndeý, sýmen qamtamasyz etýdi uıymdastyrý, mektepke deıingi tárbıe men oqytý, jaqyn jerdegi mektepke deıin oqýshylardy tegin jetkizý jáne basqa da máselelerdi jergilikti jer ózi sheshe alatyn kórinedi. Talqylaýǵa qatysqan Ulttyq ekonomıka mınıstri Qýandyq Bıshimbaev negizgi zańnamalyq jańalyqtardy baıandap, suraqtarǵa jaýap berdi. Zań jobasynda jergilikti ózin ózi basqarýdyń derbes bıýdjeti men JО́B kommýnaldyq menshigin engizý, JО́B organdarynyń bıýdjettik prosesti jáne JО́B kommýnaldyq menshigin basqarýdaǵy ókilettikterin keńeıtý kezindegi týyndaıtyn qoǵamdyq qatynastardy retteý kózdeledi. JО́B bıýdjetiniń salyq túsimderinen jáne salyqtyq emes túsimderden (aıyppuldar, kommýnaldyq menshik kiris­teri men basqalary), kommýnaldyq menshikti satýdan túsken kiristerden, aýdandyq bıýdjettiń transfertterinen turatyn kiris kózderinen jınaqtalady. Ulttyq komıssııanyń usynymdaryna sáıkes JО́B bıýdjetin jergilikti qoǵam­dastyq jınalysynda talqylaǵannan keıin aýdandyq máslıhat bekitetin bolady, al ony atqarý aýyl ákimi apparatyna júkteletin bolady, dedi mınıstr. Jaqsybaı SAMRAT, «Egemen Qazaqstan»