Medıa keńistiktegi jumysty jetildirýge arnalǵan semınar

Aqparat jáne kommýnıkasııalar mınıstrligi Memleket basshysynyń memlekettik organdardyń ashyqtyǵyn qamtamasyz etý jónindegi tapsyrmasyn iske asyrý aıasynda memlekettik organdardyń, baspasóz qyzmetteriniń basshylyǵy, sonymen qatar, buqaralyq aqparat quraldarynyń shef redaktorlary men shyǵarýshy redaktorlary úshin semınar uıymdastyrdy. «Kommýnıkasııalyq medıa-menedjment jáne qarjylyq saýattylyq» taqy­rybyndaǵy semınardy mınıstr Dáýren Abaev ashty. Mınıstr óz sózinde zamanaýı teh­nologııalardyń damýy nátıjesinde álem­degi jaǵdaı jedel ózgerip jatqanyna toqtaldy. «Nıýsmeıkerlerdiń sany edáýir ósti. Áleýmettik jeliler men qoljetimdi gad­jet­terdiń arqa­syn­da ınternettiń kez kelgen qol­da­­nýshysy eldi eleń etkize alatyn boldy. Mem­leketter men iri transulttyq kompa­nııa­lardyń aqparatty bir qolda shoǵyrlan­dyrý boıynsha yq­paly azaıýda», – dedi D.Abaev. Osyǵan oraı ol áriptesterin árdaıym halyqpen tıimdi kommýnıkasııa ornatýdyń tetikterin jetildirýge shaqyrdy. Atalǵan semınarǵa kommý­nı­kasııalyq mened­jment salasyndaǵy sheteldik jáne qa­zaq­standyq maman­dar men PR-mamandar keldi. Semınar Astana qalasynda  qyrkúıektiń 13 men 17 aralyǵynda ótedi. Semınar já­ne sheberlik sabaǵy baǵdarlamasyna kelesi ba­ǵyttar kiredi: sheshendik óner, ekonomı­ka jáne qarjy jýrnalıstıkasynyń erek­shelikteri, kommýnıkasııalyq tehnologııa­lar, qazirgi saıası jaǵdaıdaǵy BAQ-tyń róli, ın­ternet jáne áleýmettik jeliler, kom­mý­nı­kasııalyq menedjment, qoǵammen baılanys. «Egemen-aqparat»