Elbasy Aqmola oblysyna jumys saparymen bardy

Memleket basshysy Aqmola oblysyna jumys saparymen bardy. Bul týraly Aqordanyń baspasóz qyzmetine silteme jasaǵan Egemen-aqparat habarlady. Sapar aıasynda Elbasy Shortandy aýdanynyń aýyl sharýashylyǵy alqabynda bolyp, onda «Jáken-1» JShS mehanızatorlarymen kezdesti jáne jıyn-terin naýqanynyń barysymen tanysty. Qazaqstan Prezıdentine kásiporynnyń negizgi jumys baǵyttary men óńirdegi agrarlyq sektordy qoldaý sharalary týraly baıandaldy. Nursultan Nazarbaev óńirde ósetin aýyl sharýashylyǵy ónimderi kórmesin aralady, onda jergilikti jaǵdaıǵa beıimdelgen bıdaıdyń jańa túri tanystyryldy. Memleket basshysy jınalǵandarǵa arnaǵan sózinde respýblıkanyń agroónerkásip kesheniniń ónimdiligin arttyrý úshin aýyl sharýashylyǵy ýnıversıtetteri bazasynda ǵylymı-zertteý ınstıtýttaryn qurý qajettigin atap ótti. Budan bólek, Qazaqstan Prezıdenti oblystyń aýyl sharýashylyǵy taýaryn óndirýshilerimen kezdesti, olar astyq jınaý barysy, mal sharýashylyǵy salasynyń damý qarqyny týraly aıtyp berdi. Áńgimelesý kezinde astyq jınaý naýqanyn tabysty ótkizý oblys sharýalarynyń aldynda turǵan eń aldyńǵy kezektegi mindettiń biri bolyp sanalatyny atap ótildi. Nursultan Nazarbaev Qytaıǵa jáne О́zbekstanǵa taıaýdaǵy saparlary aıasynda Qazaqstan astyǵyn, maıly daqyldar men et ónimin eksporttaýǵa qatysty birqatar mańyzdy kelisimderge qol jetkizilgenine aıryqsha nazar aýdardy. Memleket basshysyna sharýalar eldiń aýyl sharýashylyǵy salasyna udaıy kóńil bólip, qoldaý kórsetip otyrǵany úshin alǵys aıtty. Egemen-aqparat