Qazaqstan Respýblıkasy Investısııalar jáne damý mınıstrliginiń buıryǵy №49

  2016 jylǵy 22 qańtar , Astana qalasy «Memlekettik kórsetiletin qyzmetterdi ońtaılandyrý jáne avtomattandyrý qaǵıdalaryn bekitý týraly» Qazaqstan Respýblıkasy Investısııalar jáne damý mınıstriniń mindetin atqarýshynyń 2015 jylǵy 18 aqpandaǵy № 133 buıryǵyna ózgerister engizý týraly «Memlekettik kórsetiletin qyzmetter týraly» 2013 jylǵy 15 sáýirdegi Qazaqstan Respýblıkasy Zańynyń 9-babynyń 13) tarmaqshasyna sáıkes buıyramyn: 1. «Memlekettik kórsetiletin qyzmetterdi ońtaılandyrý jáne avtomattandyrý qaǵıdalaryn bekitý týraly» Qazaqstan Respýblıkasy Investısııalar jáne damý Mınıstriniń mindetin atqarýshynyń 2015 jylǵy 18 aqpandaǵy № 133 buıryǵyna (Normatıvtik quqyqtyq aktilerdi memlekettik tirkeý tiziliminde № 10501 bolyp tirkelgen, «Egemen Qazaqstan» gazetinde 2015 jyly 9 shildede № 129 (28607), «Ádilet» aqparattyq-quqyqtyq júıesinde 2015 jyly 9 shildede jarııalanǵan) mynadaı ózgerister engizilsin: kórsetilgen buıryqpen bekitilgen Memlekettik kórsetiletin qyzmetterdi ońtaılandyrý jáne avtomattandyrý qaǵıdalarynda: 15-tarmaqtyń 9) tarmaqshasy mynadaı redaksııada jazylsyn: «9) memlekettik qyzmetterdi «Azamattarǵa arnalǵan úkimet» memlekettik korporasııasy arqyly kórsetý.»; 1-qosymshada: 3-tarmaqtyń 6) tarmaqshasy mynadaı redaksııada jazylsyn: «6) «qalaı bolady» qyzmetin kórsetý prosesiniń sıpattamasy. Kishi bólimde ońtaılandyrýdy jáne avtomattandyrýdy eskere otyryp, qyzmet kórsetýdiń nusqalary «qalaı bolady» qyzmetin kórsetý prosesteriniń shemalary jáne olardyń mátindik túsindirmeleri túrinde sıpattalady. Qyzmetti kórsetýdiń birneshe balamaly nusqalary («Azamattarǵa arnalǵan úkimet» memlekettik korporasııasy arqyly, memlekettik organnyń keńsesi, ELP nemese EÚP arqyly) bolǵan jaǵdaıda, shemalar men olardyń sıpattamasy ár nusqa úshin jeke qurylady. «Qalaı bolady» qyzmetin kórsetý prosesiniń shemasyn sıpattaý jáne qurý qaǵıdattary «qazirgi tańda» prosesin sıpattaýǵa uqsas. «Qalaı bolady» prosesin sıpattaýda mynalar kórinis tabady: ishki jáne syrtqy portaldarǵa bóle otyryp, EÚP pen ELP-tiń qatysýy; basqa aqparattyq júıelermen nemese derekter qorlarymen ózara is-qımyl; proseske barlyq qatysýshylardyń EÚP-pen nemese ELP-pen ózara is-qımyly; barlyq múmkin bolatyn kirý men shyǵýlar (ótinishti qabyldaý, nátıjesin berý). 2-qosymshada: 2-tarmaqtyń 2) tarmaqshasy mynadaı redaksııada jazylsyn: «2) memlekettik qyzmetti kórsetý prosesine qatysatyn aqparattyq júıelerdi (memlekettik qyzmetti kórsetý prosesin avtomattandyrǵan jaǵdaıda) ózara jáne «elektrondyq úkimettiń» veb-portalymen nemese «elektrondyq lısenzııalaý» veb-portalymen jáne (nemese) memlekettik qyzmetterdi kórsetý monıtorınginiń aqparattyq júıesimen ıntegrasııalaýdy qosa alǵandaǵy merzimderi men oryndalý tártibi.». 2. Qazaqstan Respýblıkasy Investısııalar jáne damý mınıstrliginiń Baılanys, aqparattandyrý jáne aqparat komıteti (T.B.Qazanǵap): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin onyń kóshirmelerin baspa jáne elektrondyq túrde merzimdi kúntizbelik on kún ishinde baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa, sondaı-aq tirkelgen buıryqty alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń elektrondyq baqylaý bankine engizý úshin Respýblıkalyq quqyqtyq aqparat ortalyǵyna jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq resmı jarııalanǵan kúninen keıin kúntizbelik on kún ótken soń, biraq 2016 jylǵy 1 naýryzdan buryn emes qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV Buıryq Qazaqstan Respýblıkasynyń Ádilet mınıstrliginde 2016 jylǵy 24 aqpanda Normatıvtik quqyqtyq kesimderdi memlekettik tirkeýdiń tizilimine №13203 bolyp engizildi.