Aldaǵy maqsat – Aq Olımpıada

Almatyda 2017 jyly ótetin 28-shi Qysqy Ýnıversıadaǵa daıyndyq aıaqtalyp keledi. Osyǵan oraı gazet  tilshisi Ýnıversıadaǵa daıyndyq jáne ony ótkizý jónindegi dıreksııanyń jetekshisi Naıl NUROVPEN áńgimelesken edi. – Naıl Farıduly, uıym­das­tyrý komıtetinde Ýnıver­sıada­nyń tumary men medaldar logotıpin bekittirip aldy­ńyz­dar. Qandaı ýaıymy­ńyz bar? – Men áńgimeni ýaıymdamaıtyn máselelerden bastaıyn: eń aldymen, qurylysshylarymyzdyń Ýnıversıadaǵa arnap ǵajaıyp sport ǵımarattar turǵyzǵanyn atap ótkim keledi. Asa mańyzdy sport­tyq úsh nysan 95 paıyz da­ıyn. Olardyń ishinde 12 myń oryn­dyq ámbebap «Almaty-Arena», 3 myń oryndyq «Halyq-Are­na» jáne Almatyda tuńǵysh ret boı kótergen Olımpıada qala­shy­ǵy bar. Al endi men ne úshin ýaıym jeıdi deńiz? Ýnı­versıa­daǵa qyzmet kórsetý sharttary boıynsha sport oıyndary múm­kin­diginshe aıqyn ári taza ótýi tıis, satyp alynǵan qurylǵylar men buıymdardyń, – olardyń sha­masy 1000 lottan asady, – bar­ly­ǵy da Ýnıversıadanyń por­talynda júkteýli tur. Búgin biz­diń aldymyzǵa paıdalanatyn ónimderdiń 60 paıyzdan as­tamy otan­dyq bolýy kerektigi min­det­telgen. Olardyń barlyǵy baı­qaý qorytyndysy boıynsha anyq­talady. Sol baıqaýda eń úzdik­ter jeńimpaz atansa eken, bul básekede elimizde sporttyq qural-saı­mandar jasaıtyn jáne qyzmet kór­setetin ozyq kompanııalardyń joly bolsa eken deımin. Bul – bir. Ekin­shiden, Alataýdyń etegine qar jyl­daǵydan qalyń tússe eken dep te armandap otyrmyn. – Buqaralyq aqparat qural­daryna bergen bir suhbatyńyzda Ýnıversıada-2017 álemdik sport jarystarynyń ishindegi eń tıimdi jolyn, baǵytyn, baǵ­darlamasyn oılastyrǵan sport oıyndary bolyp otyr dedińiz... – Qala ákimi Baýyrjan Baıbek bizben ár kezdesýinde stý­dent­tik sport oıyndarynyń múm­kin­diginshe tıimdiligi jaǵyna basym­dyq berý kerektigin únemi esker­tedi. Biz bul Oıyndar neǵur­lym qymbatqa tússe, soǵurlym úz­dik ótedi degen oıdan aýlaqpyz. Alys-jaqynnan kelgen sportshylar men týrıst qonaqtardy Shyǵystyń ertegisine tán asta-tók toımen dýmandatyp qarsy alý­dy nemese shashylyp-tógilip, bary­myzdy kórsetýdi maqsat et­peımiz. Qalany túrli-tústi jar­na­maǵa boıap, qymbat qatynas kólik­­terin zaýlatyp júrgizip qoıý da oıymyzda joq. Biz qonaq­tary­­myzdy múmkindiginshe qysqy sport oıyndarynyń uıymdastyrý sharalarynyń kóńil kónshitetindeı ǵuryptarymen tańdandyrýǵa um­ty­­lamyz. О́tken Azııa oıyn­daryn­daǵydaı emes, bul joly qaty­nas kólikteri jalǵa alynady. Bıýdjet únemdeımiz. Tek qana testilik jarystan jarty mıllıard teńge únemdeı alatynymyz týraly da aıtqym keledi. Konkımen júgirý men tramplınnen sekirýde, hokkeı oıyny men saltanatty qabyldaýlar sanyn shekteýde, shetelderge jarnama shyǵarýda ilkimdilik tanyttyq. Máselen, Azııa oıyndarynda mádenı sharalarǵa meılinshe qomaq­ty qarajat bólingen, biz bul joba­lardan da únem jasadyq. Ýnıver­sıada alaýy estafetasyn alyp júrý is-sharalaryn da qaı­ta qaradyq. Munyń bári jap­paı qys­qartý jasaldy degen sóz emes, keri­sinshe, qarjynyń bári de óz orny­men, mazmunymen jum­­sa­laty­­nyn kórsetedi. Biraq, shara­lar­­dyń tıimdilik jaǵyna erekshe kóńil bólin­di. Kóptegen dekora­sııa­lyq qoıy­lymdar men aıryqsha pafos­tyq shekpen-sherýler de jobadan syzylyp tastaldy. – Ýnıversıadanyń dırektoryna, sportshyǵa jáne Qazaqstannyń qatardaǵy azamatyna saýal: «Ýnıversıada-2017» bizge – Qazaqstanǵa ne beredi? – Aldymen azamat retinde aıtarym: Ýnıversıada sport áleminde jańa esimderdi shyǵarýy tıis. Barshaǵa málim bir jaıt bar: jas jetkinshek Serik Sápıevke uqsaǵysy keledi, Messıdi pir sanaıdy. Solaı emes pe?! Sport – jas urpaq úshin birden-bir tárbıe mektebi. Ekinshiden, elimiz Ýnı­versıada arqyly ǵajaıyp sport­tyq qurylys nysandaryn ıelendi. О́zimizdiń tanymal sport keshenderimizdi de kúrd­eli jóndeýden ótkizip alamyz. Máselen, bıik taýdaǵy «Medeý sport kesheniniń» turǵyzyl­ǵanyna qansha jyl ótti? Shym­bulaq sport kýrorty men «Ala­taý» bıatlon kesheni jedel jóndeý jumystaryna zárý edi. «Tabaǵan» umytyla bastaǵan. Ýnıversıadanyń arqasynda olardyń barlyǵynyń qaıtadan óńi kirip, árlene bastady. Úshinshiden, biz arman qanatyndaǵy jas mem­leketpiz. Ýnıversıadanyń bul satysy Olımpıadalyq oıyndarǵa bastap alyp kele jatyr. Birinshi baspaldaqta biz Azıada ótkizdik, ekinshide Ýnıversıada ótkeli tur, úshin­shide... Múmkin taǵy bir qys­qy Azııa oıyndary nemese jabyq ǵı­marattar talaby boıynsha sport túrinen jarys shyǵyp qalar... Qalaı degende de, túptiń túbin­de Qazaqstanǵa Olımpıadaǵa jol ashylady. Mine, men soǵan senemin. Áńgimelesken Talǵat SÚIINBAI, «Egemen Qazaqstan»  ALMATY Sýretti túsirgen Nurmanbet QIZATOV