Boıjetken bolyp boı túzeýge tyıym salǵan kolledj
Úndistandaǵy Mangalýrdegi kolledji stýdent qyzdarǵa óz jaratylysyna saı júrip-turýǵa tyıym saldy.
Arnaıy ereje boıynsha jumys jasaıtyn bul oqý ornynda qyzdarǵa kosmetıkadan bastap jigittermen qarym-qatynas jasasýǵa deıingi tirlikterge is júzinde ruqsat etilmeıtin bolyp shyqty. Sonyń ishinde munda stýdent qyzdar shashtaryn bıik ne tómen qalypta túıip nemese jaıyp tastap júre almaıdy. Sondaı-aq, tyrnaqty ashyq boıaýǵa, tatýırovka salýǵa, tipti qol sómkede makııajǵa kerekti quraldardy alyp júrýge de bolmaıdy.
Zımbabve prezıdenti ózine eskertkish ornatty
Zımbabveniń 35 jyldan beri basqaryp kele jatqan 92 jastaǵy prezıdenti Robert Mýgabe ózine ózi eskertkish ornatyp qoıdy.
Belgili músinshi Domınık Benhýra jarty jylda bitirgen monýmenttiń bıiktigi 3,8 metrdi quraıdy. Ol prezıdenttiń mýltıplıkasııalyq kóshirmesi bolyp shyqqan. Degenmen, bul tas músin memleket basshysynyń ózine qatty unaǵan. Biraq eldiń halqyna onshalyqty unaı qoımaǵan sııaqty. Qazir osy úshin Mýgabeni ájýalaýshylar kóbeıip kele jatqanǵa uqsaıdy.
«Bastan – qulaq sadaǵanyń» keri keldi
Bashqurtstan astanasy Ýfanyń Amantaı kóshesinde ornalasqan shashtarazdardyń birinde klıent qulaǵynyń bir bóligin kesip alý oqıǵasy oryn aldy.
Zeınetker áıel bul sulýlyq salonyna 1,5 jyldan beri kelip turady eken. Buǵan deıin ony munda bári qanaǵattandyrǵan. Biraq sońǵy kelgeninde burynǵy sheberiniń joq ekenin biledi. Al onyń ornyna alynǵan shashtaraz birazdan keıin áıeldiń qulaǵyn ońdyrmaı kesip alady. Maýjyrap otyrǵan zeınetker ornynan shorshyp tursa kerek. Biraq basy aman ekenin bilgen soń, alǵashqy em-domdy jasatyp alyp, shashtarazdy keshire salypty.
«Sen bar jerde úńgir de jaıly turǵyn jaı sııaqty...»
Qytaıdyń ońtústik-batysyndaǵy Sychýan provınsııasynda bir erli-zaıypty jup qosylǵaly bergi 54 jyl boıy el kózinen tys jerdegi úńgirde ońasha turyp kelipti.
Qazir jasy 81-ge kelip otyrǵan Lıan Szyfý men onyń 77 jastaǵy zaıyby Lı Sýın budan jarty ǵasyrdan astam ýaqyt buryn Nanchýn qalasynda zańdy nekege turǵan boıda úılerinen ketip qalyp, bir úńgirdi panalaǵan eken. Olar osynda tórt bala tárbıelep ósirgen. Jergilikti bılik birneshe ret olarǵa budan góri qolaıly turǵyn jaılar usynyp ta kóripti. Biraq óz «úılerine» úırenip ketkenderi sondaı, odan esh ketkileri kelmegen. Bir-birin qatty súıgen eki qarııa úshin birge turǵan qapastyń ózi sán-saltanat saraıynan kem emes sııaqty.
О́kpelegish otaǵasy óz áıelin aýksıonǵa qoıdy
Ulybrıtanııa turǵyny óziniń 27 jastaǵy áıelin satatyny týraly habarlandyrýdy eBay betinde jarııalady.
«Baqsam, baqa eken» degendeı, Iorkshırdegi Ýeıkfıld qalasynda turatyn 33 jastaǵy pranker Djoker Saımon O’Keın ózine durys kóńil bóle qoımaǵany úshin qudaı qosqan qosaǵy Leandrany ınternet-aýksıonǵa salyp jibergen. О́ziniń aıtýynsha, otaǵasy aýyryp jatqanda kelinshegi oǵan kóziniń qyryn azdaý salyp, qamqorlyq jasaýǵa asa qatty mán bere qoımapty. Sonda da bolsa, ol qansha renjip turǵanymen, jarnamada áıeliniń jaqsy jaqtaryn barynsha tizip kórsetipti. Ol «ózi qutty, ózi sútti» zaıybynyń denesi tartymdy ekenin, tamaqty jaqsy daıyndaıtynyn da jazypty.
Selfı úshin kólikter de qurbandyqqa shalynady
Reseıdiń Kastroma oblysyndaǵy Nıkolskoe kentiniń 19 jasar turǵyny óziniń kámeletke tolmaǵan qurbysymen birge erigip júrip, laýlaǵan alaý janynda selfı jasaý úshin birneshe ret ot jaqqan.
Jastar eldi mekendegi úsh mashınany órtep, taǵy ekeýin jandyrýǵa áreket etken. Sol túnde olar derevnıadan bir avtomobıldi aıdap ketpekshi bolady. Biraq onyń salonyna kirgenderimen, otaldyra almaıdy. Sosyn ony órteýge sheshim qabyldaıdy. Osydan keıin bir velosıpedti urlap minip ketip, selonyń syrtynan taksı ustaıdy. Onymen Kostromaǵa deıin barady. Arada táýlik ótkennen keıin ekeýi de qolǵa tústi. Teksere kelgende, ot qoıýshy oırandardyń uıaly telefondarynan alaýdyń janynda turyp túsken selfıleri tabylǵan. Quqyq qorǵaý organdary qylmystyq is qozǵady.
Aqparat agenttikteriniń materıaldary negizinde daıyndaldy
