Qazaqstan Respýblıkasy Úkimetiniń qaýlysy  №529

  2016 jylǵy 8 qyrkúıek, Astana, Úkimet Úıi Aqparattyq-kommýnıkasııalyq ınfraqurylym obektilerin aqparattyq-kommýnıkasııalyq ınfraqurylymnyń asa mańyzdy obektilerine jatqyzý qaǵıdalary men ólshemsharttaryn bekitý týraly «Aqparattandyrý týraly» 2015 jylǵy 24 qarashadaǵy Qazaqstan Respýblıkasynyń Zańy 6-babynyń 4) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan: 1) Aqparattyq-kommýnıkasııalyq ınfraqurylym obektilerin aqparattyq-kommýnıkasııalyq ınfraqurylymnyń asa mańyzdy obektilerine jatqyzý qaǵıdalary; 2) aqparattyq-kommýnıkasııalyq ınfraqurylym obektilerin aqparattyq-kommýnıkasııalyq ınfraqurylymnyń asa mańyzdy obektilerine jatqyzý ólshemsharttary bekitilsin. 2. Osy qaýly alǵashqy resmı jarııalanǵan kúninen keıin kúntizbelik on ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV Qazaqstan Respýblıkasy Úkimetiniń 2016 jylǵy 8 qyrkúıektegi №529 qaýlysymen bekitilgen Aqparattyq-kommýnıkasııalyq ınfraqurylym obektilerin aqparattyq-kommýnıkasııalyq ınfraqurylymnyń asa mańyzdy obektilerine jatqyzý qaǵıdalary 1. Jalpy erejeler 1. Osy Aqparattyq-kommýnıkasııalyq ınfraqurylym obektilerin aqparattyq-kommýnıka­sııalyq ınfraqurylymnyń asa mańyzdy obektilerine atqyzý qaǵıdalary (budan ári - Qaǵıdalar) «Aqparattandyrý týraly» 15 jylǵy 24 qarashadaǵy Qazaqstan Respýblıkasynyń Zańy 6-babynyń tarmaqshasyna sáıkes ázirlendi jáne aqparattyq-kommýnıkasııalyq ınfraqurylym obektilerin aqparattyq-kommýnıkasııalyq ınfraqurylymnyń asa mańyzdy obektilerine jatqyzý tártibin aıqyndaıdy. 2. Osy Qaǵıdalarda mynadaı negizgi uǵymdar paıdalanylady: 1) aqparattandyrý salasyndaǵy ýákiletti organ (budan ári - ýákiletti organ) – aqparattandyrý jáne «elektrondyq úkimet» salasynda basshylyqty jáne salaaralyq úılestirýdi júzege asyratyn ortalyq atqarýshy organ; 2) aqparattyq-kommýnıkasııalyq ınfraqurylym obektileri – aqparattyq júıeler, tehno­logııalyq platformalar, apparattyq-baǵdarlamalyq shender, telekommýnıkasııalar jelileri, sondaı-aq tehnıkalyq quraldardyń úzdiksiz jumys isteýin jáne aqparattyq qaýipsizdikti qamta­masyz etý júıeleri; 3) aqparattyq-kommýnıkasııalyq ınfraqurylym – elektrondyq aqparattyq resýrstardy qalyp­tastyrý jáne olarǵa qoljetimdilikti usyný maqsatynda tehnologııalyq ortanyń jumys isteýin qamtamasyz etýge arnalǵan aqparattyq-kommýnıkasııalyq ınfraqurylym obektileriniń jıyntyǵy; 4) aqparattyq-kommýnıkasııalyq ınfraqurylymnyń asa mańyzdy obektileri – jumys isteýiniń buzylýy nemese toqtaýy áleýmettik jáne (nemese) tehnogendik sıpattaǵy tótenshe jaǵdaıǵa nemese Qazaqstan Respýblıkasynyń qorǵanysy, qaýipsizdigi, halyqaralyq qatynastary, ekonomıkasy, jekelegen sharýashylyq salalary, ınfraqurylymy úshin nemese tıisti aýmaqta turatyn halyqtyń tynys-tirshiligi úshin aıtarlyqtaı teris saldarlarǵa ákep soǵatyn aqparattyq-kommýnıkasııalyq ınfraqurylymnyń, onyń ishinde «elektrondyq úkimettiń» aqparattyq-kommýnıkasııalyq ınfraqurylymynyń obektileri. 2. Aqparattyq-kommýnıkasııalyq ınfraqurylym obektilerin aqparattyq-kommýnıkasııalyq ınfraqurylymnyń asa mańyzdy obektilerine jatqyzý tártibi 3. Aqparattyq-kommýnıkasııalyq ınfraqurylymnyń asa mańyzdy obektilerine jatqyzý ólshemsharttarynyń (budan ári – ólshemsharttar) keminde bireýine sáıkes kelgen kezde aqparattyq-kommýnıkasııalyq ınfraqurylym obektileri asa mańyzdylarǵa jatqyzylady jáne Qazaqstan Respýblıkasynyń Úkimeti bekitetin aqparattyq-kommýnıkasııalyq ınfraqurylymnyń asa mańyzdy obektileriniń tizbesine (budan ári – tizbe) engizilýi tıis. 4. Ýákiletti organ ortalyq memlekettik jáne jergilikti atqarýshy organdarǵa, strategııalyq obektilerdiń, asa mańyzdy memlekettik obektilerdiń, strategııalyq mańyzy bar ekonomıka salalary obektileriniń ıelerine (ıelenýshilerine) jyl saıyn 1 aqpannan keshiktirmeı ólshemsharttardyń keminde bireýine sáıkes keletin bar aqparattyq-kommýnıkasııalyq ınfraqurylym obektileri boıynsha suratý (budan ári – suratý) joldaıdy. 5. Ortalyq memlekettik jáne jergilikti atqarýshy organdar, strategııalyq obektilerdiń, asa mańyzdy memlekettik obektilerdiń, strategııalyq mańyzy bar ekonomıka salalary obektileriniń ıeleri (ıelenýshileri) suratý negizinde aqparattyq-kommýnıkasııalyq ınfraqurylym obektilerin tizbege engizý úshin usynystardy osyndaı sáıkestikti negizdeıtin málimetter men qujattardy qosa bere otyryp, jyl saıyn 1 naýryzdan keshiktirmeı ýákiletti organnyń qaraýyna engizedi. 6. Ýákiletti organ ortalyq memlekettik jáne jergilikti atqarýshy organdar, strategııalyq obektiler, asa mańyzdy memlekettik obektiler, strategııalyq mańyzy bar ekonomıka salalary obektileri ıeleriniń (ıelenýshileriniń) usynystaryn qaraý jáne taldaý úshin aqparattandyrý salasyndaǵy mamandardan jáne qoǵamdyq birlestikter ókilderinen komıssııa (budan ári – komıssııa) qurady. 7. Komıssııa usynylǵan usynystardy, qujattar men málimetterdi qarap, myna sheshimderdiń birin qabyldaıdy: 1) aqparattyq-kommýnıkasııalyq ınfraqurylym obektisin tizbege engizý týraly; 2) aqparattyq-kommýnıkasııalyq ınfraqurylym obektisin tizbege engizý týraly ótinimdi qabyldamaý týraly. 8. Komıssııanyń sheshimi mynadaı málimetterdi qamtýǵa tıis hattamamen resimdeledi: 1) otyrystyń ótkiziletin kúni men orny; 2) komıssııanyń quramy; 3) qaralǵan ótinimderdiń sany; 4) belgilengen ólshemsharttarǵa sáıkestigin ne sáıkessizdigin negizdeýmen árbir aqparattyq-kommýnıkasııalyq ınfraqurylym obektisi boıynsha komıssııanyń sheshimi. 9. Aqparattyq-kommýnıkasııalyq ınfraqurylym obektisin tizbege engizý týraly ótinish keri qaıtarylǵan jaǵdaıda ýákiletti organ sheshim qabyldanǵan kezden bastap on jumys kúninen keshiktirmeı tıisti ortalyq memlekettik jáne jergilikti atqarýshy organǵa, strategııalyq obektilerdiń, asa mańyzdy memlekettik obektilerdiń, strategııalyq mańyzy bar ekonomıka salalary obektileriniń ıesine (ıelenýshisine) bas tartý sebebin kórsetip, habarlama joldaıdy. 10. Ýákiletti organ komıssııa hattamasynyń negizinde tizbeni ázirleıdi jáne jyl saıyn, 1 shildeden keshiktirmeı zańnamada belgilengen tártippen Qazaqstan Respýblıkasynyń Úkimetine bekitýge engizedi. Tizbege komıssııanyń hattamasy jáne ortalyq memlekettik jáne jergilikti atqarýshy organdardyń, strategııalyq obektiler, asa mańyzdy memlekettik obektiler, strategııalyq mańyzy bar ekonomıka salalarynyń obektileri ıeleriniń (ıelenýshileriniń) ónimderi qosa beriledi. 11. Tizbeni ózektilendirýdi aqparattyq-kommýnıkasııalyq ınfraqurylymnyń asa mańyzdy obektisin óndiristik paıdalanýdyń toqtatylýyna nemese ólshemsharttarǵa sáıkessizdiktiń nemese ólshemsharttardyń keminde bireýine sáıkes keletin aqparattyq- kommýnıkasııalyq ınfraqurylymnyń jańa obektisiniń anyqtalýyna alyp kelgen aqparattyq-kommýnıkasııalyq ınfraqurylymnyń asa mańyzdy obektisiniń fýnksıonaldyq maqsatynyń ózgerýine baılanysty ortalyq memlekettik jáne jergilikti atqarýshy organdardyń, strategııalyq obektiler, asa mańyzdy memlekettik obektiler, strategııalyq mańyzy bar ekonomıka salalary obektileri ıeleriniń (ıelenýshileriniń) usynystary negizinde jyl saıyn ýákiletti organ júzege asyrady. Ýákiletti organ ortalyq memlekettik jáne jergilikti atqarýshy organnyń, strategııalyq obektiler, asa mańyzdy memlekettik obektiler, strategııalyq mańyzy bar ekonomıka salalarynyń obektileri ıeleriniń (ıelenýshileriniń) usynystaryn osy Qaǵıdalardyń 6-10-tarmaqtarynda kózdelgen tártippen qaraıdy. 12. Tizbege ózgerister jáne (nemese) tolyqtyrýlar qajet bolǵan jaǵdaıda osy Qaǵıdalarda jáne zańnamada belgilengen tártippen engiziledi. Qazaqstan Respýblıkasy Úkimetiniń 2016 jylǵy 8 qyrkúıektegi №529 qaýlysymen bekitilgen Aqparattyq-kommýnıkasııalyq ınfraqurylym obektilerin aqparattyq-kommýnıkasııalyq ınfraqurylymnyń asa mańyzdy obektilerine jatqyzý ólshemsharttary 1. Aqparattyq-kommýnıkasııalyq ınfraqurylym obektisiniń asa mańyzdy memlekettik obektiniń úzdiksiz paıdalanylýyna yqpaly, onyń jumys isteýi buzylǵan kezde asa mańyzdy memlekettik obektiniń qyzmeti toqtatylatyn bolady. 2. Aqparattyq-kommýnıkasııalyq ınfraqurylym obektisiniń strategııalyq obektilerdiń úzdiksiz jáne qaýipsiz paıdalanylýyna yqpaly, onyń jumys isteýi buzylǵan kezde strategııalyq obektiniń qyzmeti toqtatylatyn bolady ne tehnogendik sıpattaǵy tótenshe jaǵdaı qaýpi týyndaıdy. 3. Aqparattyq-kommýnıkasııalyq ınfraqurylym obektisiniń strategııalyq mańyzy bar ekonomıka salalary obektileriniń úzdiksiz jáne qaýipsiz paıdalanylýyna yqpaly, onyń jumys isteýi buzylǵan kezde strategııalyq mańyzy bar ekonomıka salalary obektisiniń qyzmeti toqtatylatyn bolady ne tehnogendik sıpattaǵy tótenshe jaǵdaı qaýpi týyndaıdy.