Qazaqstan Respýblıkasy Ulttyq ekonomıka mınıstrliginiń buıryǵy  №739

  2015 jylǵy 28 qarasha, Astana qalasy Sý obektisin aýyz sýmen jabdyqtaý kózderine jatqyzý qaǵıdalaryn bekitý týraly Qazaqstan Respýblıkasynyń 2003 jylǵy 9 shildedegi Sý kodeksiniń 90-baby 4-tarmaǵyna sáıkes buıyramyn: 1. Qosa berilip otyrǵan Sý obektisin aýyz sýmen jabdyqtaý kózderine jatqyzý qaǵıdalary bekitilsin. 2. Qazaqstan Respýblıkasy Ulttyq ekonomıka mınıstrliginiń Tutynýshylardyń quqyqtaryn qorǵaý komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberilýin; 3) osy buıryqtyń Qazaqstan Respýblıkasy Ulttyq ekonomıka mınıstrliginiń ınternet-resýrsynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Ulttyq ekonomıka mınıstrliginiń vıse-mınıstrine júktelsin. 4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Ulttyq ekonomıka mınıstri E.DOSAEV «KELISILGEN» Qazaqstan Respýblıkasynyń Aýyl sharýashylyǵy mınıstri ______________A.MAMYTBEKOV 2015 jylǵy 7 jeltoqsan Qazaqstan Respýblıkasy Ulttyq ekonomıka mınıstriniń 2015 jylǵy 28 qarashadaǵy №739 buıryǵymen bekitilgen Sý obektisin aýyz sýmen jabdyqtaý kózderine jatqyzý qaǵıdalary 1. Jalpy erejeler 1. Osy Sý obektisin aýyz sýmen jabdyqtaý kózderine jatqyzý qaǵıdalary 2003 jylǵy 9 shildedegi Qazaqstan Respýblıkasynyń Sý kodeksiniń 90-baby 4-tarmaǵyna sáıkes ázirlendi jáne sý obektisin aýyz sýmen jabdyqtaý kózderine jatqyzý tártibin aıqyndaıdy. 2. Osy qaǵıdalarda mynadaı anyqtamalar paıdalanyldy: 1) sanıtarlyq qorǵaý aımaǵy – sý sapasy nasharlaýynyń aldyn alý úshin sýmen jabdyqtaý kózin (ashyq jáne jer asty), sý qubyry qurylystaryn jáne olardy qorshaǵan aýmaqty qorǵaý maqsatynda belgilengen rejım saqtalýǵa tıis sýmen jabdyqtaý kózi men sý qubyry qurylystarynyń tóńireginde arnaıy bólinetin aýmaq (budan ári – SQA); 2) gıgıenalyq normatıv – kórsetkishterdiń zertteýlermen taǵaıyndalǵan tirshilik etý ortasynyń sol nemese ózge de faktorlaryn adam úshin qaýipti jáne (nemese) qaýipsiz turǵydan sıpattaıtyn ruqsat etilgen eń joǵary jáne eń tómen sandyq jáne (nemese) sapalyq maǵynasy; 3) sý paıdalanýshy – óz muqtajdaryn jáne (nemese) kommersııalyq múddelerin qanaǵattandyrý úshin Qazaqstan Respýblıkasynyń zańnamasynda belgilengen tártippen sý resýrstaryn paıdalaný quqyǵy berilgen jeke nemese zańdy tulǵa. 2. Sý obektisin aýyz sýmen jabdyqtaý kózderine jatqyzýǵa qoıylatyn tártibi 3. Sý obektisin aýyz sýmen jabdyqtaý kózderine jatqyzý «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasy Kodeksiniń 144-babyna sáıkes ázirlengen sanıtarııalyq qaǵıdalar men gıgıenalyq normatıvterge sáıkes keletin onyń senimdiligi jáne aýyz sýdy alý múmkindigi eskerile otyryp júzege asyrylady. 4. Sý paıdalanýshy sý nysanyn aýyz sý kózine jatqyzý úshin, memlekettik baqylaýdy halyqtyń sanıtarııalyq-epıdemıologııalyq salamattylyǵy salasyndaǵy ýákiletti organ vedomstvosynyń aýmaqtyq bólimshelerimen SQA ornatý jobasyn, sý nysanynyń sanıtarlyq-epıdemıologııalyq jaǵdaıyn kelisedi, aýyz sý kóziniń úzdiksiz jumysyn jáne sý sapasynyń gıgıenalyq normatıvterin qamtamasyz etý úshin tehnologııalyq, sanıtarlyq-tehnıkalyq, sharýashylyq-uıymdastyrý sharalaryn júrgizedi. 5. Osy erejeniń 1 qosymshasyna sáıkes úlgide sý paıdalanýshy memlekettik baqylaýdy halyqtyń sanıtarııalyq-epıde­mıologııalyq salamattylyǵy salasyndaǵy ýákiletti organ vedomstvosynyń aýmaqtyq bólimshesine ótinish berýi tıis. 6. Halyqtyń sanıtarııalyq-epıdemıologııalyq salamattylyǵy salasyndaǵy memlekettik organ vedomstvosynyń aýmaqtyq bólimshesi sanıtarııalyq-epıdemıologııalyq zerthanalyq zertteýlerdiń nátıjelerin taldaıdy jáne sý obektisiniń sanıtarııalyq jaǵdaıyn, SQA-ny negizdeý jobasyn esepke ala otyryp, 15 (on bes) jumys kúni ishinde sý paıdalanýshyǵa Normatıvtik quqyqtyq aktilerdi memlekettik tirkeý tiziliminde № 10774 bolyp tirkelgen, Qazaqstan Respýblıkasy Ulttyq ekonomıka mınıstriniń 2015 jylǵy 16 naýryzdaǵy № 209 buıryǵymen bekitilgen «Sý kózderine, sharýashylyq-aýyz sý maqsaty úshin sý jınaý oryndaryna, sharýashylyq-aýyz sýmen jabdyqtaýǵa, sýdy mádenı-turmystyq paıdalaný oryndaryna jáne sý obektileriniń qaýipsizdigine qoıylatyn sanıtarııalyq-epıdemıologııalyq talaptar» sanıtarııalyq qaǵıdalarynyń talaptaryna sáıkestigi nemese sáıkes emestigi týraly sanıtarııalyq-epıdemıologııalyq qorytyndy beredi. 7. Tabıǵı jáne tehnogendik sıpattaǵy tótenshe jaǵdaılar týyndaǵan jaǵdaıda halyqty aýyz sýmen jabdyqtaýǵa jaramdy sýmen qamtamasyz etý úshin lastaný men qoqystanýdan qorǵalǵan jer asty sý obektileriniń negizinde aýyz sýmen jabdyqtaý kózderin rezervileý júzege asyrylady. Rezervilengen sýmen jabdyqtaý kózderinde Qazaqstan Respýblıkasynyń sý zańdary men ózge de zańdaryna sáıkes olardy qorǵaýdyń jáne jaı-kúıin baqylaýdyń arnaıy rejımi belgilenedi. 8. Qalalyq jáne aýyldyq eldi mekenderdegi aýyz sýdyń sapasyna memlekettik baqylaýdy halyqtyń sanıtarııa­lyq-epıdemıologııalyq salamattylyǵy salasyndaǵy ýákiletti organ vedomstvosynyń aýmaqtyq bólimshesi Qazaqstan Respýblıkasynyń 2015 jylǵy 29 qarashasyndaǵy Kásipkerlik kodeksimen belgilengen tártip boıynsha júzege asyrady. Sý obektisin aýyz sýmen jabdyqtaý kózderine jatqyzý qaǵıdalaryna 1-qosymsha Nysan ______________________________________ basshysynyń T.A.Á. ______________________________________ memlekettik organnyń ataýy ______________________________________ ótinish berýshiniń T.A.Á. (bar bolǵan jaǵdaıda) ______________________________________ JSN/BSN ______________________________________ ótinish berýshiniń mekenjaıy ______________________________________ ótinish berýshiniń baılanys telefony О́tinish Sizden _______________________________________________________________________________________ (meken-jaıy/obektiniń ornalasqan orny) boıynsha ornalasqan aýyz sýmen jabdyqtaý kózderin (jerústi sý/jerasty sý) tekserýdi jáne sanıtarııalyq-epıdemıologııalyq qorytyndy berýdi suraımyn. (qoly, kúni, aıy, jyly) Qosymsha (qujattardyń kóshirmeleri): 1. 2. 3. Buıryq Qazaqstan Respýblıkasynyń Ádilet mınıstrliginde 2015 jylǵy 30 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12686 bolyp engizildi.