Egizderge esik ashyq

Qaraǵandy qalasyndaǵy gım­nazııa­lardyń birinde mektep tabal­dyryǵyn úsh birdeı jup egizder attaǵan edi. Bir qyzyǵy, bular­dyń boıyna bilim nárin quıa­tyn ustazdardyń ózderi de egizder eken. «Syrt qaraǵanda, egizder óte uqsas bolyp kórinedi. Al shyn máninde, olar múlde bólek», deıdi egizderdiń analarynyń biri. Degenmen, ázirge egizderdi tústeý muǵalimder úshin ońaıǵa túsip jatqan joq. Birinshi synypqa kelgen egiz balaqaı­lardy egiz ustazdar – Saltanat jáne Mahabbat Aıt­paılar ózara bólisip aldy. Dil­naz ben Gúlnazdy Saltanat alsa, Ábdirahym men Ábdirahman Mahabbattyń synybyna qa­byl­danǵan. Al egiz qyz ben uldy eki muǵalimge bólip berýge týra kelipti. Jalpy, psıhologtar egizderdi bólek synyptarda oqytqandy qup kóredi eken. Al ata-analar bolsa, kóbine mundaı tujyrymmen kelise bermeıtin kórinedi. Mysaly, ózi de egizdiń syńary, egiz qyzdardyń ákesi Murat Jumadildın degen qala turǵyny bylaı deıdi: «Biz birinshi synypqa barar aldynda syńarym ekeýmiz synaq tapsyrdyq. Ápkem ótip ketti de, men synaqty tapsyra almaı qaldym. Biraq, muǵalimder bizdi ajyratpaı, bir synypqa qa­byldady. Sóıtip, syńaryma meni oqý jaǵynan «súırep» júrýge týra keldi...». Pedagog mamandardyń aıtýynsha, biri­nen-biri aýmaıtyn oqýshylardyń túr-túsin ajyratý ýaqytsha ǵana qıyndyq týdyrady eken. Birer sabaqtan keıin ár balanyń ózindik minez-qulqy aıqyndala bastaıtyn kórinedi. Degenmen, ustazdar egizderdi oqytý men tárbıeleý barysynda olarǵa degen kózqarastyń erekshe bolýy kerektigin aıtady. Qaırat ÁBILDINOV, «Egemen Qazaqstan» QARAǴANDY