Birlik pen biliktilik jarastyǵy

«KEGOC» uıymdastyrǵan halyqaralyq jarysta aıshyqtaldy Makınsk qalasynda TMD-ǵa qatysýshy memleketterdiń elektr energetıkasy salasyndaǵy personaldyń kásibı sheberligi HIII halyqaralyq jarysynyń týy kóterildi. Munda alǵashqy irikteý synaqtarynan ótken komandalar «110 kV jáne odan joǵary kerneýli qosalqy stansalardyń jabdyqtaryn jóndeý men olarǵa qyzmet kórsetý» jóninde tórt kún boıy ózara báseke kórigin qyzdyratyn bolady. Saltanatty sharany TMD Elektr ener­getıkalyq keńesi atqarý komı­tetiniń tór­aǵasy, uıymdastyrý komı­tetiniń tór­aǵasy Evgenıı Mıshýk ashyp, Reseı Fede­rasııasy Energetıka mınıstri Aleksandr Novaktyń qut­tyq­taýyn oqyp berdi. «KEGOC» aksıonerlik qoǵamynyń basqarma tóraǵasy Baqytjan Qajıev óz sózinde energetıkanyń erekshe sala ekendigin, elektr qýatynsyz ómir men tirshilikti elestetý múmkin emestigin atap ótti. Búgingi kúni jer júzi memleketteri ın­no­vasııalyq jáne ozyq tehnologııa­lardy engizýde. Olardyń qatarynda TMD elderi de bar. Qazaqstanda, dál osy oqý-jattyǵý polıgonynda ekinshi ret ót­kizilip otyrǵan halyqaralyq jarys­tyń mańyzdylyǵy da osydan kóri­nedi. Bul birlik pen biliktiliktiń ynty­maqty ári tálimdik baılanysyn nyǵaı­ta túsetini aıqyn. «Sizder jarysta shyń­dalyp, tájirıbe almasýmen qatar Qazaqstan Táýelsizdiginiń 25 jyldyq tabysty belesinen maǵlumat alasyzdar, halqymyzdyń ónegeli salt-dástúrlerine qanyǵasyzdar», – dedi ol. Dástúrli jarysqa qatysýshy Bela­rýs, Grýzııa, Reseı, О́zbekstan, Qazaq­stan komandalary men baqylaýshy re­tin­­de kelip otyrǵan Qyrǵyzstan, Tájik­­stan, Ýkraına memleketteri ókil­­deri­­niń sherýinen keıin Qazaqstan Respýb­lı­kasynyń jáne TMD elektr-ener­ge­­tı­kalyq keńesiniń tý­lary kóteril­­di. Uıymdastyrý komıteti­niń tór­aǵa­sy E.Mıshýkke polıgon bas­shysy Erjan Ǵosmanovtyń koman­da­lardyń tolyq da­ıyn­dyǵy týra­ly baıandaýynan keıin alty kezeń­nen turatyn jarys bastalyp ketti. Quramyn­da 17 tóreshi bar arnaıy topqa qoldanystaǵy erejeler men nus­qaý­lyqty bilý, qýat ótkizý jab­dyq­tarǵa baqylaý júrgizý daǵdysy, 110 kV joǵary volttyq germetıkalyq endi­rimge tehnıkalyq qyzmet kórsetý, «KRÝN-10 kV» syrtqy qondyrǵynyń ke­shen­di taratý qurylǵylarynda órt­ti sóndirý daǵdylary, elektr toǵy­nan zar­dap shegýshini bosatý jáne oǵan kómek kórsetý (maneken men rea­nı­ma­­sııa­­lyq jattyqtyrǵysh arqyly) sheber­­ligi boıynsha 1000 baldyq esep­pen baǵa­laý mindeti júktelgen. Tóre­shiler qura­mynyń moldyǵy jáne olardyń tıisti ant qabyldaýy jarys­qa asa zor mán beriletinin ańǵartady. Jarystyń birinshi kúni 5 komanda jerebelik keste boıynsha 6 kezeń­dik saıysty óz kezegimen atqardy. Biz­diń baıqaýymyzsha, jarys jolyna shyqqan energetıka salasynyń mamandary kásibı daıyndyǵy jóninen joǵary kórsetkishke qol jetkizdi. Bas tóreshiniń orynbasary Nurbol Appaqovpen tildeskenimizde tómen­degi­deı pikirlerimen bólisti. – Búgin Belarýs komandasy kom­pıý­ter­lik klasta teorııalyq bilim, Qazaq­stan teplovızorlyq (jab­dyqtardyń jumys barysynda qyzýy) dıagnostıka, Grý­zııa joǵary kerneýli aıyrǵyshtar, Reseı joǵa­ry kerneýli kiris jáne О́zbek­stan ón­di­ri­stik jaǵdaıda órt sóndirý ma­shyq­­taryn kórsetti. Qazirshe tolyq qory­tyn­dy jasaý erterek. Áıtkenmen, qazaq­­stan­­dyq jetekshi ınjener Qaırat Qulmaǵam­betovtiń, «О́zbekenergo» AQ elektr slesari Askadhon Mýmınovtiń, «Mıns­kenergo» qosalqy stansa qyz­metiniń sheberi Aleksandr Jıbýldiń, grýzııalyq «Telası» AQ monteri Aleksı Shýrganıanyń kásibı biliktiliginiń jo­ǵary ekendigi kórinip turdy, – dedi ol. Qyrǵyz elinen kelgen baqylaýshy Alek­­seı Borodın de jarystyń talapqa saı ótip jatqandyǵyn, halyqaralyq deń­­­geı­­degi biliktilik saıysynyń joǵa­ry deń­­­geıde uıymdastyrylǵanyn atap ótti. Shara barysynda halyqaralyq holdıng quramyndaǵy Rýdnyı qalasynda or­na­lasqan «Qazaq elektr-armatýra zaýy­ty» JShS, álemge aty tanymal «Karabellı» jáne «Sımens», KEGOC kom­­panııa­larynyń ınnovasııa­lyq jab­dyq­tarynyń tanystyrylym kórm­esi uıym­dastyryldy. Sondaı-aq mere­ke­lik sı­pat­taǵy jarys araly­ǵyn­da oǵan qa­tysý­­shylar Aqmola oblys­tyq fı­­lar­­­mo­nııa­sy men Kenjebek Kúmis­bekov atyn­­daǵy qazaq halyq aspaptary or­kestri­­niń konsertine kýá bolyp, etno aýyl­dyń ulttyq jabdyqtaryn tamashalady jáne qonaqjaı dastarqannan dám tatty. Atshaptyrym alqapta sáıgúlik­ter jarysy uıymdastyrylyp, qyz qýý, teńge alý sııaqty ulttyq ónerimiz kórsetildi. Baqbergen AMALBEK, «Egemen Qazaqstan» Aqmola oblysy