О́mirdiń ózinen alynǵan serıal

Ortalyq kommýnıkasııalar qyzmetiniń brıfıngi «Qazaqstan» ulttyq arnasy jýyrda ǵana efırge shyǵarǵan «Aıman-Sholpan» 100 serııaly telehıkaıasyna arnaldy. Ulttyq arna otandyq tele­hıkaıa­lardy túsi­rýdi jyldan jylǵa kóbeıtip keledi. My­sa­l­men sóıleıik, 2009 jyly bir serıal túsi­ril­gen bolsa, qazirgi kúnge deıin túsi­ril­gen telehıkaıanyń sany 62-ge jet­ken. Se­rııa­men shaǵyp esepteıtin bolsaq – 1332 serııa. Bul ulttyq arnanyń ady­myn keńge sala bas­taǵanynan habar bere­di. Tip­ti qara­paıym kórermenniń ózi soń­ǵy jyl­dary «Qazaqstan» arnasynan kesh­ki ýa­qyt­ta tek qana qazaq serıaldary beri­le­ti­nin ańǵaryp júr. Televızııa tilinde «praım-taım» dep atalatyn kórermeni kóp keshki ýaqytta, ıaǵ­nı keshki toǵyzdyń kezinde aptasyna bes kún otandyq telehıkaıalardyń kórsetilýi, tańerteń onyń qaıtalanyp berilýi –  jaq­­sy­­lyqtyń nyshany. Bul jyldan jylǵa otan­­dyq serıaldardyń da qýat alyp kele jat­­qa­­nyn kórsetedi. Kúni keshe ǵana efırge jol­­da­­ma alǵan «Aıman-Sholpan» – sonyń aıǵaǵy. Brıfıng barysynda sóz alǵan «Qazaq­stan» RTRK» AQ basqarma tóraǵasy Nur­jan Muhamedjanova «Aıman-Shol­pan­nan» bólek, osy jyldyń sońyna deıin túsirilip bitýi tıis taǵy da jeti joba bar eke­nin aıtty. Aldaǵy ýaqyttarda «Súıe bilseń», «Qyzyl alma», «Ińkár júrek» (ekinshi maýsymy), «Shekara shebinde» sekil­di telehıkaıalar kórermenderge jol tar­tatyn bolady. Sondaı-aq ult­tyq arnanyń jańa baǵdarlama­lary «Oıtolǵaý», «Qoǵamdyq keńes», «Suhbat» týraly da basqarma tór­aǵasy aıtyp ótti. «Mysaly, «Suhbat» baǵdar­lamasyna toqtalatyn bolsaq, bul qoǵamda úlken qyzyǵýshylyq týǵyzǵan baǵdarlamanyń biri boldy dep aıta alamyz. Ol ózi aptasyna bir ret shyǵady. Osy ýaqytqa deıin eki adammen suhbat ótkizildi. Suhbat berýshiniń biri – Densaýlyq saqtaý jáne áleýmettik damý mınıstri de, ekinshisi – Bilim jáne ǵylym mınıstriniń orynbasary boldy», dedi Nurjan Jalaýqyzy. Al endi «Aıman-Sholpanǵa» oralatyn bolsaq, bul fılm – dúnıe esigin ashqan sátten bastap ómir jol­dary eki aıyrylǵan egiz qyzdar týraly. Sıýjet jelisine qyz­dar­dyń qoǵamdaǵy eki túrli orny, sodan týyn­daıtyn qarama-qaıshylyqty kóz­qaras­tary, túrli toptar arasyndaǵy kelis­peý­shilikter arqaý bolǵan. Eki otbasy ar­qyly týyndap jatatyn oqıǵalardyń shıe­lenisi kórermenderdi ózine eriksiz baýraı­dy dep oılaımyz. Onyń ústine bas­ty keıipkerdiń bir mezette eki róldi qatar somdaýy otan­dyq teleserıal tarı­hynda alǵash ret oryn alyp otyr. Bul týraly brıfıng barysynda bas­ty róldi somdaǵan Saltanat Baqaeva bylaı deıdi: «Men úshin bul úlken joba boldy. Onyń aldynda túsi­rilimderge qatysqanmyn. Basty róldi som­daýym birinshi ret. О́zin túrli-túrli qyry­nan kórsetý – ár aktrısanyń armany. Jıynda telehıkaıanyń qoıýshy-rejısserleriniń biri Arman Sandy­baev «Aıman-Sholpanda» otbasy­lyq qundylyq nasıhattalǵanymen, mahab­bat, satqyndyq, detektıv qatar óriletinin baıandady. Sondaı-aq tele­hıkaıada eki túsirý tobynyń qatar jumys istegenin aıtty. «Bul fılm men úshin kásibı debıýt boldy. Biz bir-birimizben tájirıbe almastyq. Ár adamnyń alǵa jasaǵan qadamy teleındýstrııa úshin mańyzdy», dedi ol. Jıyn sońynda «Qazaqstan» ulttyq arnasynyń basqarma tóraǵasy eger «Aıman-Sholpannyń» kórermender tarapynan joǵary reıtıngke qol jetkizse, keler jyly ekinshi maýsymy túsiriletinin habar­lady. О́ıtkeni bul úrdis telearnada qa­lyp­­tas­qan. Mysaly, «Ińkár júrektiń» bıyl ekinshi maýsymy túsirilýde. «Syr­ǵalym» telehıkaıasy úshinshi ret túsi­ril­gen. Taǵy bir aıta ketetini, «Syrǵalym» telehıkaıasyn tatardyń NTV telearnasy satyp alyp, tatar tilinde kórsetip jatyr. Sol sekildi «Aıman-Sholpanǵa» da suranys bolyp jatsa, basqa telearnalarǵa satýǵa daıar ekendikterin basqarma tóraǵasy atap ótti. О́ıtkeni memleketten alynyp jatqan qarjylardy tıimdi jumsaý, ulttyq arnanyń tabys kólemin ulǵaıtý mańyzdy. Bul turǵydan kelgende, byl­tyr ulttyq arna 5 mıllıon teńge kóleminde tabys tapqan bolsa, arnanyń bıylǵy tabysy segiz aıda 38 mıllıon teńgeni quraǵan. Aıgúl SEIILOVA, «Egemen Qazaqstan»