Qazaqstan Respýblıkasy Ulttyq Banki Basqarmasynyń qaýlysy № 152

2016 jylǵy 27 maýsym,  Almaty qalasy «Halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna sáıkes provızııalar (rezervter) qurý qaǵıdalaryn bekitý týraly» Qazaqstan Respýblıkasy Ulttyq Banki Basqarmasynyń  2013 jylǵy 25 aqpandaǵy № 65 qaýlysyna ózgerister engizý týraly 2008 jylǵy 10 jeltoqsandaǵy «Salyq jáne bıýdjetke tólenetin basqa da mindetti tólemder týraly» (Salyq kodeksi) Qazaqstan Respýblıkasynyń Kodeksine sáıkes jáne halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna sáıkes provızııalar (rezervter) qurý tártibin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. «Halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna sáıkes provızııalar (rezervter) qurý qaǵıdalaryn bekitý týraly» Qazaqstan Respýblıkasy Ulttyq Banki Basqarmasynyń 2013 jylǵy 25 aqpandaǵy № 65 qaýlysyna (Normatıvtik quqyqtyq aktilerdi memlekettik tirkeý tiziliminde № 8670 tirkelgen, 2013 jylǵy 17 qazanda «Egemen Qazaqstan» gazetinde № 233 (28172) jarııalanǵan) mynadaı ózgerister engizilsin: kórsetilgen qaýlymen bekitilgen Halyqaralyq qarjylyq eseptilik standarttaryna jáne Qazaqstan Respýblıkasynyń býhgalterlik esep jáne qarjylyq eseptilik týraly zańnamasynyń talaptaryna sáıkes provızııalar (rezervter) qurý qaǵıdalarynda: 5-tarmaqtyń 3) tarmaqshasynyń ekinshi abzasy mynadaı redaksııada jazylsyn: «bolashaq aqsha aǵyndarynyń boljamdary aıqyndalady. Aktıv boıynsha qamtamasyz etý bolǵan kezde osyndaı qamtamasyz etýdiń quny bolashaq aqsha aǵyndarynyń boljamyn ulǵaıtady;»; 16-tarmaqtyń ekinshi bóligi mynadaı redaksııada jazylsyn: «Bekitilgen Ádistemeni qaraý nátıjeleri boıynsha ýákiletti organ bekitilgen Ádistemeniń kóshirmesin alǵan kúnnen bastap kúntizbelik alpys kúnnen keshiktirmeı qarjy uıymyna Qaǵıdalarǵa 4-qosymshada belgilengen nysan boıynsha eskertýlerdiń bolmaýy nemese bolýy týraly habarlama jiberedi.». 2. Býhgalterlik esep departamenti (Rahmetova S.K.) Qazaqstan Respýblıkasynyń zańnamasynda belgilengen tártippen: 1) Zań departamentimen (Sársenova N.V.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi; 2) osy qaýlyny «Qazaqstan Respýblıkasy Ádilet mınıstrliginiń Respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornyna: Qazaqstan Respýblıkasynyń Ádilet mınıstrliginde memlekettik tirkelgeninen keıin kúntizbelik on kún ishinde «Ádilet» aqparattyq-quqyqtyq júıesinde resmı jarııalaýǵa; Qazaqstan Respýblıkasynyń Ádilet mınıstrliginde memlekettik tirkelgennen keıin ony Qazaqstan Respýblıkasynyń Ulttyq Banki alǵan kúnnen bastap kúntizbelik on kún ishinde Qazaqstan Respýblıkasy normatıvtik quqyqtyq aktileriniń memlekettik tizilimine, Qazaqstan Respýblıkasy normatıvtik quqyqtyq aktileriniń etalondyq baqylaý bankine engizýge jiberýdi; 3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin. 3. Qarjylyq qyzmetterdi tutynýshylardyń quqyqtaryn qorǵaý jáne syrtqy kommýnıkasııalar basqarmasy (Terentev A.L.) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdarynda resmı jarııalaýǵa jiberýdi qamtamasyz etsin. 4. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary D.T. Ǵalıevaǵa júktelsin. 5. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Ulttyq Bank Tóraǵasy D.AQYShEV «KELISILDI» Qazaqstan Respýblıkasynyń Qarjy mınıstri Sultanov B.T. 26 shilde 2016 jyl Qaýly Qazaqstan Respýblıkasynyń Ádilet mınıstrliginde 2016 jylǵy 25 tamyzda Normatıvtik quqyqtyq kesimderdi memlekettik tirkeýdiń tizilimine №14153 bolyp engizildi.