Respýblıkalyq bıýdjettiń atqarylýyn baqylaý jónindegi Esep komıtetiniń normatıvtik qaýlysy №10-NQ

2016 jylǵy 3 tamyz,  Astana qalasy Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesin bekitý týraly «Qazaqstan Respýblıkasynyń memlekettik qyzmeti týraly» Qazaqstan Respýblıkasynyń 2015 jylǵy 23 qarashadaǵy Zańynyń 33-babynyń 5-tarmaǵyna sáıkes qaýly etemin: 1. Qosa berilip otyrǵan Respýblıkalyq bıýdjettiń atqarylýyn baqylaý jónindegi esep komıtetiniń (budan ári – Esep komıteti) «B» korpýsy memlekettik ákimshilik qyzmetshileriniń qyzmetin baǵalaý ádistemesi bekitilsin. 2. «Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetine jyl saıynǵy baǵalaý júrgizý ádistemesin bekitý týraly» Respýblıkalyq bıýdjettiń atqarylýyn baqylaý jónindegi esep komıtetiniń 2014 jylǵy 2 qazandaǵy № 4-NQ normatıvtik qaýlysynyń (Normatıvtik quqyqtyq aktilerdi memlekettik tirkeý tiziliminde № 9850 bolyp tirkelgen, «Ádilet» aqparattyq-quqyqtyq júıesinde 2014 jylǵy 18 qarashada jarııalanǵan) kúshi joıyldy dep tanylsyn. 3. Zań bólimi zańnamada belgilengen tártippen: 1) osy normatıvtik qaýlynyń Qazaqstan Respýblıkasynyń Ádilet mınıstrliginde memlekettik tirkelýin; 2) osy normatıvtik qaýlynyń kóshirmesin Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde basylyp shyqqan jáne elektrondyq túrinde merzimdi baspasóz basylymdarynda, «Ádilet» aqparattyq-quqyqtyq júıesinde resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin tirkelgen normatıvtik qaýlyny alǵan kúnnen bastap kúntizbelik on kún ishinde Respýblıkalyq quqyqtyq aqparat ortalyǵyna jiberilýin; 3) osy normatıvtik qaýlynyń Esep komıtetiniń ınternet-resýrsyna ornalastyrylýyn qamtamasyz etsin. 4. Osy normatıvtik qaýlynyń oryndalýyn baqylaý Esep komıtetiniń apparat basshysyna júktelsin. 5. Osy normatıvtik qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Respýblıkalyq bıýdjettiń atqarylýyn baqylaý jónindegi Esep komıtetiniń Tóraǵasy Q. JAŃBYRShIN Respýblıkalyq bıýdjettiń atqarylýyn baqylaý jónindegi Esep komıtetiniń 2016 jylǵy 3 tamyzdaǵy № 10-NQ normatıvtik qaýlysymen bekitilgen Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesi 1-taraý. Jalpy erejeler 1. Osy Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesi (budan ári – Ádisteme) «Qazaqstan Respýblıkasynyń memlekettik qyzmeti týraly» Qazaqstan Respýblıkasynyń 2015 jylǵy 23 qarashadaǵy Zańynyń 33-babynyń 5-tarmaǵyna, Qazaqstan Respýblıkasy Memlekettik qyzmet isteri mınıstriniń 2015 jylǵy 29 jeltoqsandaǵy № 13 buıryǵymen bekitilgen «B» korpýsy memlekettik ákimshilik qyzmetshileriniń qyzmetin baǵalaýdyń úlgilik ádistemesine (Normatıvtik quqyqtyq aktilerdi memlekettik tirkeý tiziliminde № 12705 bolyp tirkeldi) sáıkes ázirlendi jáne Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń (budan ári – qyzmetshiler) qyzmetin baǵalaý ádistemesin aıqyndaıdy. 2. Qyzmetshilerdiń qyzmetin baǵalaý (budan ári – baǵalaý) olardyń jumys tıimdiligi men sapasyn anyqtaý úshin júrgiziledi. 3. Baǵalaý qyzmetshiniń atqaratyn laýazymyndaǵy qyzmetiniń nátıjeleri boıynsha: 1) toqsan qorytyndysy boıynsha (toqsandyq baǵalaý) – esepti toqsannan keıingi aıdyń onynshy kúninen keshiktirmeı (baǵalanýy onynshy jeltoqsannan keshiktirilmeı júrgiziletin tórtinshi toqsandy qospaǵanda); 2) jyl qorytyndysy boıynsha (jyldyq baǵalaý) – baǵalanyp jatqan jyldyń jıyrma besinshi jeltoqsanynan keshiktirmeı júrgiziledi. Qyzmetshini baǵalaý atqaryp otyrǵan laýazymynda bolý merzimi baǵalaý júrgiziletin kezeńde úsh aıdan kem bolǵan jaǵdaılarda júrgizilmeıdi. Áleýmettik demalystardaǵy qyzmetshiler baǵalaýdan jumysqa shyqqannan keıin osy tarmaqta kórsetilgen merzimderde ótedi. 4. Toqsandyq baǵalaýdy osy tarmaqta kórsetilgen adamdar (budan ári - tikeleı basshy) esepteıdi jáne qyzmetshiniń laýazymdyq mindetterin atqarýyn baǵalaýǵa negizdeledi. Bólim meńgerýshisiniń orynbasaryn, sektor meńgerýshisin toqsandyq baǵalaýdy bólim meńgerýshisi, ol bolmaǵan jaǵdaıda (sonyń ishinde, eger bólim meńgerýshisiniń laýazymy shtat kestesinde kózdelmegen bolsa), Respýblıkalyq bıýdjettiń atqarylýyn baqylaý jónindegi esep komıtetiniń (budan ári – Esep komıteti) apparat basshysy ne ony almastyratyn adam esepteıdi. Bas konsýltantty, bas sarapshyny jáne sarapshyny toqsandyq baǵalaýdy sektor meńgerýshisi, ol bolmaǵan jaǵdaıda (sonyń ishinde, eger sektor meńgerýshisiniń laýazymy shtat kestesinde kózdelmegen bolsa), bólim meńgerýshisi ne ony almastyratyn adam esepteıdi. Baǵalaý paraǵyn toltyrǵan, sondaı-aq atqarýshylyq jáne eńbek tártibin buzý faktisi týraly aqparatty usynǵan adamdar kórsetilgen jáne (nemese) usynylǵan málimetterdiń anyqtyǵy úshin jeke jaýaptylyqta bolady. 5. Jyldyq baǵalaý: 1) qyzmetshiniń esepti toqsandardaǵy orta baǵasynan; 2) qyzmetshiniń jeke jumys josparyn oryndaý baǵasynan; 3) aınalmaly baǵalaýdan quralady. 6. Toqsandyq jáne jyldyq baǵalaýdy júrgizý úshin Esep komıtetiniń apparat basshysy Baǵalaý jónindegi komıssııany (budan ári – Komıssııa) qurady, Esep komıteti apparat basshysynyń buıryǵymen aıqyndalǵan qurylymdyq bólimshe onyń jumys organy (budan ári – jumys organy) bolyp tabylady. 7. Baǵalaý jónindegi komıssııanyń otyrysy eger oǵan onyń quramynyń keminde úshten ekisi qatysqan jaǵdaıda ókiletti bolyp esepteledi. Baǵalaý jónindegi komıssııanyń joq múshesin nemese tóraǵasyn almastyrý baǵalaý jónindegi komıssııany qurý týraly buıryqqa ózgeris engizý arqyly Esep komıteti apparat basshysynyń sheshimi boıynsha júzege asyrylady. 8. Baǵalaý jónindegi komıssııanyń sheshimi ashyq daýys berý arqyly qabyldanady. 9. Daýys berý nátıjesi Komıssııa músheleriniń kópshilik daýysymen aıqyndalady. Daýys sany teń bolǵan kezde Komıssııa tóraǵasynyń daýysy sheshýshi bolyp tabylady. Jumys organynyń qyzmetkeri Komıssııanyń hatshysy bolyp tabylady. Komıssııanyń hatshysy daýys berýge qatyspaıdy. 2-taraý. Jeke jumys josparyn jasaý 10. «B» korpýsynyń memlekettik ákimshilik qyzmetshisiniń jeke jumys josparyn qyzmetshi óziniń tikeleı basshysymen birlesip, kelesi jyldyń birinshi qańtarynan keshiktirmeı osy Ádistemege 1-qosymshaǵa sáıkes nysan boıynsha jasaıdy. 11. Qyzmetshi laýazymǵa osy Ádistemeniń 10-tarmaǵynda kórsetilgen merzim ótkennen keıin taǵaıyndalǵan jaǵdaıda, atqaratyn laýazymdaǵy qyzmetshiniń jeke jumys jospary ony laýazymǵa taǵaıyndaǵan kúnnen bastap on jumys kúni ishinde jasalady. 12. Qyzmetshiniń jeke jumys jospary: 1) qyzmetshi týraly derbes derekterdi (T.A.Á. (bolǵan jaǵdaıda), atqaratyn laýazymy, qyzmetshiniń qurylymdyq bólimshesiniń ataýy); 2) qyzmetshiniń Esep komıteti memorandýmynyń túıindi nysanaly ındıkatorlaryna qol jetkizýge baǵyttalǵan, sondaı-aq qyzmetshiniń fýnksıonaldyq mindetterine qaraı jumysy is-sharalarynyń ataýyn; Is-sharalar qoljetimdi, iske asatyn, qyzmetshi jumysynyń fýnksıonaldyq baǵytymen baılanysty, naqty aıaqtalý nysany bar bolyp kórsetiledi. Qyzmetshi júzege asyratyn is-sharalardyń sany men kúrdeliligi Esep komıteti qyzmetshisiniń laýazymdyq nusqaýlyqtarynda bekitilgen is-sharalardyń sanymen jáne kúrdeliligimen salystyrylýy tıis. 3) qyzmetshiniń jáne onyń tikeleı basshysynyń qoldaryn, jeke josparǵa qol qoıý kúnin qamtıdy. 13. Jeke jospar eki danada jasalady. Onyń bir danasy jumys organyna beriledi. Ekinshi danasy qyzmetshiniń tikeleı basshysynda bolady. 3-taraý. Baǵalaýdy júrgizýge daıyndalý 14. Jumys organy Komıssııa tóraǵasymen kelisim boıynsha baǵalaý júrgizý kestesin qalyptastyrdy. Jumys organy baǵalaýǵa jatatyn qyzmetshini jáne baǵalaýdy júzege asyratyn adamdardy baǵalaý júrgizý týraly ýaqytyly habardar etýdi qamtamasyz etedi jáne olarǵa baǵalaý paraqtaryn toltyrý úshin jiberedi. 4-taraý. Laýazymdyq mindetterdiń oryndalýyn baǵalaý 15. Laýazymdyq mindetterdiń oryndalýyn baǵalaý negizgi, kótermeleý jáne aıyppul baldarynan quralady. 16. Negizgi baldar 100 ball deńgeıinde belgilenedi. 17. Kótermeleý baldary aǵymdaǵy jumystyń ortasha kóleminen asatyn qyzmet kórsetkishteri, sondaı-aq mazmundyq jáne/nemese uıymdastyrýshylyq jaǵynan kúrdeli bolyp tabylatyn qyzmet túrleri úshin qoıylady. 18. Kótermelenetin qyzmet kórsetkishteri men túrleri mynalarǵa: 1) memlekettik aýdıt júrgizýge; 2) sapa baqylaýyn jáne ishki aýdıt júrgizýge, quqyqtyq qamtamasyz etýge, josparlaý, taldaý jáne eseptilikke, ádisnamalyq qamtamasyz etýge, uıymdastyrý-baqylaý jáne kadr jumysyna jaýapty qurylymdyq bólimsheler bólinisinde Esep komıteti apparat basshysynyń buıryǵymen aıqyndalady jáne júzege asyrylǵan jumystyń kólemi men kúrdeliliginiń ósý tártibimen bes deńgeılik shákil boıynsha bólinedi. Bul rette kótermelenetin qyzmet kórsetkishteri men túrlerine Elektrondyq qujat aınalymynyń biryńǵaı júıesinde jáne memlekettik organdardyń Intranet-portalynda tirkeletin de, tirkelmeıtin de qujattar men is-sharalar kiredi. Ár kótermelenetin qyzmet kórsetkishi nemese túri úshin qyzmetshige onyń tikeleı basshysy bekitilgen shákilge sáıkes «0»-den «+5» balǵa deıin beredi. 19. Aıyppul baldary atqarýshylyq jáne eńbek tártibin buzǵany úshin qoıylady. 20. Atqarýshylyq tártipti buzýǵa Qazaqstan Respýblıkasy Prezıdentiniń jáne onyń Ákimshiliginiń, Esep komıteti basshylyǵynyń, qyzmetshiniń tikeleı basshysynyń tapsyrmalaryn, jeke jáne zańdy tulǵalardyń ótinishterin oryndaý merzimderin buzý jáne (nemese) sapasyz oryndaý jatady. 21. Eńbek tártibin buzýǵa: 1) dáleldi sebepsiz jumysta bolmaýy; 2) dáleldi sebepsiz jumysqa keshigý (bes mınýttan artyq); 3) qyzmetshilerdin qyzmettik ádepti buzýy jatady. Atqarýshylyq jáne eńbek tártibin buzý faktileri týraly aqparattyń derekkózderi retinde ádep jónindegi ýákildiń, sapa baqylaýyn jáne ishki aýdıtti júrgizýge, uıymdastyrý-baqylaý jáne kadr jumysyna jaýapty qurylymdyq bólimshelerdiń, qyzmetshiniń tikeleı basshysynyń qujattamamen rastalǵan málimetteri jatady. 22. Árbir atqarýshylyq jáne eńbek tártibin buzǵany úshin qyzmetshige árbir buzýshylyq faktisi úshin «-2» ball mólsherinde aıyppul baldary qoıylady. 23. Laýazymdyq mindetteriniń atqarylýyna baǵalaý júrgizý úshin qyzmetshi tikeleı basshysyna osy Ádistemege 2-qosymshaǵa sáıkes nysan boıynsha toltyrylǵan baǵalaý paraǵyn kelisýge jiberedi. 24. Qyzmetshiniń baǵalanatyn kezeńde atqarýshylyq jáne eńbek tártibin buzýy týraly málimetterdi onyń tikeleı basshysyna osy Ádistemeniń 21-tarmaǵynda kórsetilgen adamdar men qurylymdyq bólimsheler esepti toqsannan keıingi aıdyń besinshi kúninen keshiktirmeı (besinshi jeltoqsannan keshiktirilmeı jiberiletin tórtinshi toqsandy qospaǵanda) jiberedi. 25. Tikeleı basshy qyzmetshiniń baǵalaý paraǵynda kórsetilgen málimetterdiń anyqtyǵyn tekseredi, oǵan túzetýler (qajet bolǵan jaǵdaıda) engizedi jáne oǵan kelisim beredi. 26. Tikeleı basshymen keliskennen keıin qyzmetshi baǵalaý paraǵyn rastaıdy. Qyzmetshiniń bas tartýy qujattardy Komıssııanyń otyrysyna jiberýge kedergi bola almaıdy. Bul jaǵdaıda jumys organynyń qyzmetkeri jáne qyzmetshiniń tikeleı basshysy tanysýdan bas tartý týraly erkin nysanda akt jasaıdy. Tikeleı basshymen kelisilgen jáne qyzmetshi rastaǵan baǵalaý paraǵy jumys organyna esepti toqsannan keıingi aıdyń altynshy kúninen keshiktirmeı (altynshy jeltoqsannan keshiktirilmeı jiberiletin tórtinshi toqsandy qospaǵanda) jiberiledi. 5-taraý. Jeke jumys josparynyń oryndalýyn baǵalaý 28. Jyldyq baǵalaýdy júrgizý úshin qyzmetshi tikeleı basshysyna kelisý úshin osy Ádistemege 3-qosymshaǵa sáıkes nysan boıynsha toltyrylǵan baǵalaý paraǵyn baǵalanatyn jyldyń onynshy jeltoqsanynan keshiktirmeı jiberedi. 29. Tikeleı basshy qyzmetshiniń baǵalaý paraǵynda kórsetilgen málimetterdiń anyqtyǵyn tekseredi, oǵan túzetýler (qajet bolǵan jaǵdaıda) engizedi jáne oǵan kelisim beredi. 30. Tikeleı basshymen keliskennen keıin qyzmetshi baǵalaý paraǵyn rastaıdy. Qyzmetshiniń bas tartýy qujattardy Komıssııanyń otyrysyna jiberýge kedergi bola almaıdy. Bul jaǵdaıda jumys organynyń qyzmetkeri jáne qyzmetshiniń tikeleı basshysy tanysýdan bas tartý týraly erkin nysanda akt jasaıdy. 31. Tikeleı basshymen kelisilgen jáne memlekettik qyzmetshi rastaǵan baǵalaý paraǵy jumys organyna on úshinshi jeltoqsannan keshiktirilmeı jiberiledi. 32. Jumys organy qyzmetshilerdi jyldyq baǵalaý boıynsha málimetterdi jınaqtaýdy júzege asyrady jáne materıaldardy Komıssııanyń qaraýyna jıyrmasynshy jeltoqsannan keshiktirmeı jiberedi. 6-taraý. Aınalmaly baǵalaý 33. Aınalmaly baǵalaý: 1) tikeleı basshyny; 2) baǵynysty qyzmetshilerdi; 3) baǵynysty qyzmetshiler bolmaǵan jaǵdaıda – qyzmetshi jumys isteıtin qurylymdyq bólimshede laýazymdardy atqaratyn adamdardy (olar bolǵan kezde) baǵalaý bolyp tabylady. Kórsetilgen adamdar aınalmaly baǵalaý paraǵyn osy Ádistemege 4-qosymshaǵa sáıkes nysan boıynsha jasyryn túrde toltyrady. 34. Osy Ádistemeniń 33-tarmaǵynyń 2) jáne 3) tarmaqshalarynda kórsetilgen adamdardyń (úshten aspaıtyn) tizbesin Jumys organy Komıssııa tóraǵasymen kelisim boıynsha baǵalaý júrgizý kúnine deıin bir aıdan keshiktirmeı aıqyndaıdy. 35. Toltyrylǵan baǵalaý paraqtary olardy alǵan kúnnen bastap eki jumys kúni ishinde jumys organyna jiberiledi. 36. Jumys organy aınalmaly baǵalaýdyń ortasha mánin esepteýdi júzege asyrady. 7-taraý. Qorytyndy baǵalaý 37. Qyzmetshiniń toqsandyq qorytyndy baǵasyn tikeleı basshy myna formýla boıynsha esepteıdi: ∑kv= 100+a-v, munda ∑kv – toqsandyq baǵa;    a – kótermeleý baldary;    v – aıyppul baldary. 38. Toqsandyq qorytyndy baǵa mynadaı shákil boıynsha qoıylady: 80 baldan tómen - «qanaǵattanarlyqsyz», 80-nen 105 balǵa deıin – «qanaǵattanarlyq», 105-dan 130 balǵa deıin – «tıimdi», 130 baldan bastap joǵary – «óte jaqsy». 39. Qyzmetshiniń jyldyq qorytyndy baǵasyn jumys organy myna formýla boıynsha esepteıdi: ∑jyl=0,3*∑t.+0,6*∑JJ+0,1*∑a, munda ∑jyl – jyldyq baǵa;     ∑t. – esepti toqsandardyń orta baǵasy (orta arıfmetıkalyq mán). Bul rette toqsandyq baǵalardyń alynǵan orta arıfmetıkalyq máni osy Ádistemeniń 41-tarmaǵynda kórsetilgen shákildi esepke ala otyryp, bes baldyq baǵalaý júıesine keltiriledi, atap aıtqanda: «qanaǵattanarlyqsyz» degen mánge (80 baldan tómen) – 2 ball, «qanaǵattanarlyq» degen mánge (80-nen 105 balǵa deıin) – 3 ball, «tıimdi» degen mánge (105-ten 130 balǵa deıin) – 4 ball, «óte jaqsy» degen mánge (130 baldan bastap joǵary) – 5 ball beriledi; ∑JJ – jeke jumys josparyn oryndaý baǵasy (orta arıfmetıkalyq mán); ∑a – aınalmaly baǵalaý (orta arıfmetıkalyq mán). 40. Jyldyq qorytyndy baǵa mynadaı shákil boıynsha qoıylady: 5 baldan tómen –– «qanaǵattanarlyqsyz»;    5-ten 9 balǵa deıin – «qanaǵattanarlyq»; 9-dan 13 balǵa deıin– «tıimdi»;                       13 baldan bastap jáne odan joǵary – «óte jaqsy». 8-taraý. Komıssııanyń baǵalaý nátıjelerin qaraýy 41. Jumys organy Komıssııa tóraǵasymen kelisilgen kestege sáıkes Komıssııanyń otyrysyn ótkizýdi qamtamasyz etedi. Jumys organy Komıssııanyń otyrysyna mynadaı qujattardy: 1) toltyrylǵan baǵalaý paraqtaryn; 2) toltyrylǵan aınalmaly baǵalaý paraǵyn; 3) qyzmetshiniń laýazymdyq nusqaýlyǵyn; 4) osy Ádistemege 5-qosymshaǵa sáıkes nysan boıynsha Baǵalaý jónindegi komıssııa otyrysy hattamasynyń jobasyn usynady. 42. Komıssııa baǵalaý nátıjelerin qarastyrady jáne mynadaı sheshimderdiń birin qabyldaıdy: 1) baǵalaý nátıjelerin bekitedi;    2) baǵalaý nátıjelerin qaıta qaraıdy. Baǵalaý nátıjelerin qaıta qaraý týraly sheshim qabyldanǵan jaǵdaıda Komıssııa hattamada tıisti túsindirmemen mynadaı jaǵdaılarda baǵany túzetedi: qyzmetshiniń jumys nátıjelerin rastaıtyn qosymsha qujattar berilgen kezde; qyzmetshiniń baǵasyn esepteý kezinde jumys organy jáne (nemese) qyzmetshi, ne (nemese) qyzmetshiniń tikeleı basshysy qate jibergen kezde. 43. Jumys organy baǵalaý nátıjelerimen qyzmetshini ol aıaqtalǵan kúnnen bastap, eki jumys kúni ishinde jazbasha jáne (nemese) elektrondy nysanda tanystyrady. Qyzmetshiniń tanysýdan bas tartýy baǵalaý nátıjelerin onyń qyzmettik tizimine engizýge kedergi bola almaıdy. Bul jaǵdaıda jumys organynyń qyzmetkeri tanysýdan bas tartý týraly erkin nysanda akt jasaıdy. 44. Osy Ádistemeniń 43-tarmaǵynda kórsetilgen qujattar, sondaı-aq Komıssııa otyrysynyń qol qoıylǵan hattamasy jumys organynda saqtalady. 9-taraý. Baǵalaý nátıjelerine shaǵymdaný 45. Qyzmetshiniń memlekettik qyzmet isteri jónindegi ýákiletti organǵa nemese onyń aýmaqtyq departamentine qyzmetshini baǵalaý jónindegi is-qımyldarǵa shaǵymdanýy Komıssııanyń sheshimi shyqqan kúnnen bastap on jumys kúni ishinde júzege asyrylady. 46. Esep komıtetine memlekettik qyzmet isteri jónindegi ýákiletti organnan kelip túsken Baǵalaý jónindegi komıssııanyń sheshimine qyzmetshiniń shaǵymdanýyn qaraýdyń qorytyndysy boıynsha usynymdardy Esep komıteti memlekettik qyzmet isteri jónindegi ýákiletti organdy habardar ete otyryp, eki apta ishinde qaraıdy. 47. Qyzmetshi baǵalaý nátıjelerine sotta shaǵymdanýǵa quqyly. 10-taraý. Baǵalaý nátıjeleri boıynsha sheshimder qabyldaý 48. Baǵalaý nátıjeleri bonýs tóleý jáne oqytý boıynsha sheshimder qabyldaýǵa negiz bolyp tabylady. 49. Bonýstar «óte jaqsy» jáne «tıimdi» degen baǵalaý nátıjeleri bar qyzmetshilerge tólenedi. 50. Qyzmetshini oqytý (biliktiligin arttyrý) jyldyq baǵalaý qorytyndylary boıynsha qyzmetshiniń qanaǵattanarlyqsyz dep tanylǵan qyzmet baǵyty boıynsha júrgiziledi. Qyzmetshi onyń qyzmetiniń jyldyq baǵalaý nátıjelerin Komıssııa bekitkennen keıin bir jyl ishinde osy maqsattarǵa Esep komıteti bólgen qarajat sheginde jáne (nemese) Qazaqstan Respýblıkasy Prezıdentiniń 2015 jylǵy 29 jeltoqsandaǵy № 152 Jarlyǵymen bekitilgen Memlekettik qyzmetshilerdi daıarlaý, qaıta daıarlaý jáne olardyń biliktiligin arttyrý qaǵıdalarynda kózdelgen tártippen qalyptastyrylatyn Qazaqstan Respýblıkasy Prezıdentiniń janyndaǵy Memlekettik basqarý akademııasynyń memlekettik qyzmetshilerdi qaıta daıarlaý jáne olardyń biliktiligin arttyrý jospar-kestelerine sáıkes biliktilikti arttyrý kýrstaryna jiberiledi. 51. «Qanaǵattanarlyqsyz» degen baǵa alǵan qyzmetshi memlekettik ákimshilik laýazymǵa alǵash ret qabyldanǵan adamdarǵa tálimger retinde bekitilmeıdi. 52. Qyzmetshiniń qatarynan eki jyl boıy qanaǵattanarlyqsyz baǵalar alýy onyń laýazymyn tómendetý týraly sheshim qabyldaý úshin negiz bolyp tabylady. Tómen turǵan bos memlekettik laýazym bolmaǵan kezde memlekettik qyzmetshige basqa bos memlekettik laýazym usynylady. Bos memlekettik laýazym bolmaǵan nemese memlekettik qyzmetshi usynylǵan memlekettik laýazymnan bas tartqan kezde memlekettik qyzmetshi atqaratyn memlekettik laýazymynan shyǵarylady. 53. Qyzmetshilerdiń qyzmetin baǵalaý nátıjeleri olardyń qyzmettik tizimderine engiziledi. Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesine 1-qosymsha Nysan «B» korpýsy memlekettik ákimshilik qyzmetshisiniń ____________________________________ jylǵa (jeke jospar jasalatyn kezeń) arnalǵan jeke jumys jospary Qyzmetshiniń T.A.Á. (bolǵan jaǵdaıda):______________________ Qyzmetshiniń laýazymy: _____________________________________ Qyzmetshiniń qurylymdyq bólimshesiniń ataýy: R/s №     Is-sharalardyń ataýy*    Is-sharanyń nátıjesi 1 2 3 Qyzmetshi T.A.Á. (bolǵan jaǵdaıda)________ kúni __________________________ qoly _______________________    Tikeleı basshy T.A.Á. (bolǵan jaǵdaıda)_______ kúni __________________________ qoly _______________________ Eskertpe: * - is-sharalar olardyń Esep komıteti memorandýmynyń túıindi nysanaly ındıkatorlaryna qol jetkizýge baǵyttalǵandyǵyn eskere otyryp, sondaı-aq qyzmetshiniń fýnksıonaldyq mindetterine qaraı aıqyndalady. Qyzmetshi júzege asyratyn is-sharalardyń sany men kúrdeliligi Esep komıteti qyzmetshisiniń laýazymdyq nusqaýlyqtarynda bekitilgen is-sharalardyń sanymen jáne kúrdeliligimen salystyrylýy tıis. Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesine 2-qosymsha Nysan _____jylǵy _________________toqsanǵa (baǵalanatyn kezeń) baǵalaý paraǵy Baǵalanatyn qyzmetshiniń T.A.Á. (bolǵan jaǵdaıda): ___________________ Baǵalanatyn qyzmetshiniń laýazymy: ___________________________________ Baǵalanatyn qyzmetshiniń qurylymdyq bólimshesiniń ataýy: ____________________________________________________________________ Laýazymdyq mindetterdiń oryndalýyn baǵalaý: R/s №     Qyzmetshiniń ózin-ózi baǵalaýy    Tikeleı basshynyń baǵalaýy    Eskertpe Kótermelenetin qyzmet kórset-kishteri men túrleri týraly málimetter    Atqarýshylyq tártipti buzý faktileri týraly málimetter    Eńbek tárti-bin buzý fakti-leri týraly málimetter    Kótermele-netin qyzmet kórsetkishteri men túrleri týraly málimetter    Atqarýshy-lyq tártipti buzý fak-tileri týraly málimetter    Eńbek tártibin buzý fakti-leri týraly málimetter 1 2 3 О́zin-ózi baǵalaý nátıjesi:    Baǵalaý nátıjesi: Qyzmetshi T.A.Á. (bolǵan jaǵdaıda)________ kúni __________________________ qoly _______________________    Tikeleı basshy T.A.Á. (bolǵan jaǵdaıda)_______ kúni __________________________ qoly _______________________ Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesine 3-qosymsha Nysan ___________________________________ jylǵa (baǵalanatyn jyl) baǵalaý paraǵy Baǵalanatyn qyzmetshiniń T.A.Á. (bolǵan jaǵdaıda): ___________________ Baǵalanatyn qyzmetshiniń laýazymy: ___________________________________ Baǵalanatyn qyzmetshiniń qurylymdyq bólimshesiniń ataýy: ____________________________________________________________________ Jeke jospardyń oryndalýyn baǵalaý: R/s №    Ataýy     Máni     Qyzmetshiniń ózin-ózi baǵalaý nátıjeleri     Basshynyń baǵalaý nátıjeleri     Eskertpe 1         0-den 5-ke deıin 2        0-den 5-ke deıin 3        0-den 5-ke deıin Qyzmetshi T.A.Á. (bolǵan jaǵdaıda)________ kúni __________________________ qoly _______________________    Tikeleı basshy T.A.Á. (bolǵan jaǵdaıda)_______ kúni __________________________ qoly _______________________ Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesine 4-qosymsha Nysan __________________________________________________ jylǵa (baǵalanatyn jyl) aınalmaly baǵalaý paraǵy Baǵalanatyn qyzmetshiniń T.A.Á. (bolǵan jaǵdaıda): ___________________ Baǵalanatyn qyzmetshiniń laýazymy: ___________________________________ Baǵalanatyn qyzmetshiniń qurylymdyq bólimshesiniń ataýy: R/s №    Quzyrettiliktiń ataýy    Máni     Baǵa (baldar) Tikeleı basshy 1.    Bastamashylyǵy    0-den 5-ke deıin 2.    Árekettestikke qabilettiligi     0-den 5-ke deıin 3.    Qyzmettik ádepti saqtaýy     0-den 5-ke deıin JIYNY: Baǵynysty qyzmetker 1.    Jumysty josparlaı bilýi    0-den 5-ke deıin 2.    Jumysqa yntalandyra bilýi    0-den 5-ke deıin 3.    Qyzmettik ádepti saqtaýy    0-den 5-ke deıin JIYNY: Áriptes 1.    Topta jumys isteı bilýi    0-den 5-ke deıin 2.    Qyzmettik ádepti saqtaýy    0-den 5-ke deıin JIYNY: Respýblıkalyq bıýdjettiń atqarylýyn baqylaý jónindegi esep komıtetiniń «B» korpýsy memlekettik ákimshilik qyzmetshileriniń qyzmetin baǵalaý ádistemesine 5-qosymsha Nysan ______________________________________________________ (memlekettik organnyń ataýy) Baǵalaý jónindegi komıssııa otyrysynyń hattamasy _____________________________________________________________ (baǵalaý túri: toqsandyq /jyldyq jáne baǵalanatyn kezeń (toqsan jáne (nemese) jyl) Baǵalaý nátıjeleri R/s №    Qyzmetshilerdiń T.A.Á. (bolǵan jaǵdaıda)    Baǵalaý nátıjeleri týraly málimet    Komıssııanyń baǵalaý nátıjelerin túzetýi (bolǵan jaǵdaıda)     Komıssııanyń usynymdary 1. 2. … Komıssııa qorytyndysy: _________________________________________________________ Tekserildi: Komıssııa tóraǵasy: _____________________ Kúni: ____________ (T.A.Á. (bolǵan jaǵdaıda), qoly) Komıssııa múshesi: ________________________Kúni: _____________ (T.A.Á. (bolǵan jaǵdaıda), qoly) Komıssııa hatshysy: ______________________Kúni: _____________ (T.A.Á. (bolǵan jaǵdaıda), qoly) Qaýly Qazaqstan Respýblıkasynyń Ádilet mınıstrliginde 2016 jylǵy 2 qyrkúıekte Normatıvtik quqyqtyq kesimderdi memlekettik tirkeýdiń tizilimine №14202 bolyp engizildi.