Salamattylyq – sapaly ómir bastaýy

Saǵynbek Tursynovtyń tór­aǵa­lyǵymen Prezıdent janyn­daǵy Adam quqyqtary jónindegi komıs­sııanyń keńeıtilgen oty­rysy bo­lyp ótti. Onda Qorshaǵan ortany qorǵaý mınıstrliginiń aza­mattar­dyń salamatty qorshaǵan ortaǵa qu­qyqtaryn qamtamasyz etý, Ádi­let mınıstrligi Qylmys­tyq-at­qarý júıesi komıtetiniń sot­talǵan­dardyń qoldanystaǵy zańdarynda jáne onyń adam qu­qyqtary sala­syndaǵy halyqara­lyq mindettemelerinde kepildik berilgen quqyq­taryn qamtamasyz etý jónindegi qyzmeti jáne ko­mıs­sııanyń 2011 jylǵa arnalǵan jumys jospary men 2010 jylǵy esebi týraly máseleler talqy­landy. Birinshi másele boıynsha Qor­shaǵan ortany qorǵaý mınıstri N. Áshimov sóz sóıledi. Elbasy bıylǵy Joldaýynda  aldaǵy on­jyldyqtyń asa mańyzdy mindeti Qazaqstannyń barsha azamattary­nyń ómir súrý deńgeıi men sapa­syn jaqsartý dep atap kórsetti. Sondyqtan da azamattardyń sala­matty qorshaǵan ortaǵa quqyq­ta­ryn, sondaı-aq ekologııalyq qaýip­sizdigin qamtamasyz etý memleket­tiń basym mindetteriniń biri bo­lyp tabylady. Bul baǵytta sóz sóı­le­gender qorshaǵan ortanyń sa­pasyna erekshe kóńil aýdaryp, qorshaǵan ortanyń qolaıly jaǵ­daıy eldiń básekege qabilettili­gi­niń mańyzdy faktorlarynyń biri dedi. Demek, Qazaqstan orasan tabıǵı resýrstarǵa ıe bolǵan­dyqtan, bul qazirgi ǵana emes, bolashaq urpaqtyń da aldyndaǵy zor jaýapkershilikti bildiredi, sondyqtan qorshaǵan ortanyń las­tanýy úshin jaýapkershilikti qataıtý, sondaı-aq ekologııalyq má­denıetti arttyrý jónindegi naq­ty sharalar ýaqyt ozdyrmaı qabyldanýy tıis. Ekinshi máselesi boıynsha Ádi­let mınıstrligi Qylmystyq-at­qarý júıesi komıtetiniń tór­aǵasy S.Kúsetov baıandama jasa­dy. Ol Ádilet mınıstrligi tarapynan sottalǵandardyń jazasyn óteý merzimindegi quqyqtary men zańdy múddelerin qamtamasyz etýge baǵyttalǵan keń aýqymdy sharalar kesheni iske asyryldy dep atap ótti. Túzeý mekemelerinde quqyq tártibin nyǵaıtýǵa, ja­zany óteýdi izgilendirýge, sottal­ǵan­dar quqyqtaryn qorǵaýǵa, qyl­­mystardyń aldyn alýǵa ba­ǵyt­talǵan maqsatty jumys júrgi­zil­di, bosap shyqqan sottalǵandarǵa kómek kórsetýge erekshe kóńil bólinýde. Kún tártibiniń úshinshi máse­lesi boıynsha sóz alǵan komıssııa hat­shysy T.Ábishev komıssııanyń 2011 jylǵa arnalǵan jumys jos­pary men 2010 jylǵy jumysy­nyń nátı­jeleri týraly habardar etti. «Egemen-aqparat».