Avtokólik tirkeý ońaılady. Ol qalaı?

Erteńnen bastap Qazaqstanda avtokólik tirkeýdiń jańa tártibi kúshine enetin bolady dep habarlaıdy Egemen-aqparat. Ol «eksterrıtorıaldy» dep atalady. Jańa prınsıpke sáıkes elimiz azamattary úshin avtokólik tirkeý isi jeńildedi. Budan bylaı árbir azamat qaı jerde tirkeýde turǵanyna qaramaı, kólikti satyp alǵan qalada tirkeýine bolady. Mysaly siz Almatyda tirkelgensiz, al mashınany Shymkentte satyp aldyńyz. Endi sizge tranzıttik nómir alý qajet emes. Kólikti Shymkenttiń ózinde tirkeı alasyz. Ol úshin avtokólikter ıelerine arnalǵan arnaıy halyqqa qyzmet kórsetý ortalyqtaryna nemese ákimshilik polısııanyń oblystyq tirkeý pýnktterine barý kerek. Jańa tártip ásirese bir qalada tirkeýde turyp, basqa qalada jumys isteıtinder úshin yńǵaıly. О́ıtkeni, mashına satyp alǵan soń ony tirkeý úshin ǵana ary-beri júrý qajet emes. Jańa tártip 2016 jyldyń 26 qyrkúıeginen kúshine enedi. Ol Qazaqstanda tirkelgen jeke jáne zańdyq tulǵalardyń bárine ortaq. Avtokólik ıeleri úshin osydan biraz buryn jasalǵan jeńildikter týraly aıta keteıik. Birinshi. Ár azamat júrgizýshi kýáligin óziniń qaı jerde tirkeýde turǵanyna qaramaı kez kelgen oblystaǵy avtokólikterge arnalǵan «son-nan» alýyna bolady. Ekinshi. A, A1, V, V1 katergorııalary úshin avtomektepte oqý mindet emes. Iаǵnı, azamattar ózdiginen daıyndalyp, emtıhandy arnaıy  qyzmet kórsetý ortalyqtarynda tapsyra alady. Úshinshi. Buryn joǵalyp nemese búlinýine baılanysty tehpasporttyń dýblıkatyn alý kerek bolǵanda avtokólikti teksertý kerek bolatyn. Endi munyń qajeti joq.   Qosymsha: A kategorııasy – motosıkl, motoroller sııaqty kólik quraldaryn (16 jasqa tolǵan azamattarǵa); A1 kategorııasy – qozǵaltqysh kólemi 125 tekshe santımetrden jáne qýaty 11 kVt-tan aspaıtyn (jeńil motosıklder) aspaıtyn motosıklderdi; V kategorııasy – ruqsat etilgen salmaǵy 3,5 tonnadan, otyratyn oryndary (júrgizýshi oryndyǵyn sanamaǵanda) 8-den aspaıtyn; salmaǵy 750 keliden aspaıtyn tirkemeler tirkelgen, salmaǵy 750 keliden joǵary, biraq júksiz salmaǵy avtokóliktiń salmaǵynan, al jalpy salmaǵy 3 500 keliden aspaıtyn tirkemeler tirkelgen «V» kategorııasyndaǵy kólikterdi (18 jasqa tolǵan azamattarǵa); V1 kategorııasy – motorly trısıklder men kvadrosıklderdi júrgizýge beriletin quqyq.   Egemen-aqparat