Aqbıkesh munarasy qaıta jańǵyrtyla ma?

Qarataý aýyldyq okrýgine qarasty Aqsúmbe eldi mekenindegi «Aqbıkesh» munarasy oblys ákiminiń 2010 jylǵy 9 maýsymdaǵy qaýlysymen HIII-HIV ǵasyrdaǵy qala qurylysy jáne sáýlet eskertkishi retinde memlekettik tizimge engizilgen. Tarıhı derekterde Aqbıkesh muna­rasyn HIII ǵasyrda Deshti-Qypshaq  taıpasy qaraýyl munarasy retinde salynǵany jazylǵan. Munara bıik jerde taýdyń tómen qabatynda ornalas­qan. Kezinde bıiktigi 24 metr shamasynda laıdan turǵyzylǵan munara qazir 13 metr­ge túsken. Ol osy kúnge deıin tabıǵı áser­ler­den jartylaı buzylyp, tóbesi mújilip, qabyrǵalaryn jańbyr sha­ıyp kelgen. Endi qaıta qalpyna keltirý jumystaryn qajet etedi. San ǵasyrlyq tarıhy bar jádigerge osy ýaqytqa deıin birde-bir jóndeý jumystary júrgizilmegen. «Aqsúmbe» munarasyn  qaıta qalpyna keltirý jumystary úshin quny 26 mıllıon 710 myń teńgege jobalyq-smetalyq qujaty daıyn. Alaıda, Bıýdjet ko­dek­­si­ne sáıkes arnaıy baǵdarlamanyń joq­­ty­ǵynan oǵan jergilikti qazynadan qarjy bólý múmkin bolmaı otyr. Tarıhı murany saqtap qalý maq­satynda Sozaq aýdany ákimdiginiń bastama kóterýimen jáne jergilikti turǵyndardyń qoldaýymen restav­rasııalyq jóndeý jumystaryna deıin arnaıy tózimdiligi berik materıalmen qaptama tigilip, ýaqytsha qaptaý jumystary uıymdastyryldy. Bul jumysqa «Qarataý» JShS-niń bas­shylyǵy erekshe kóńil bólip, qajetti tehnıkalar men qamtamasyz etti. Qazirgi tańda munarany saqtap qalý, qaıta qalpyna keltirý, kórkeıtý jumys­taryn qolǵa alý maqsatynda arnaıy qor ashý jumystary júrgizilýde. Atalǵan qorǵa «Qarataý» JShS-niń basshylyǵy kólemdi qarjy aýdaratynyn jetkizip, ózge óndiris oryndaryn da qoldaý kór­setýge shaqyrdy. Baqtııar Taıjan, «Egemen Qazaqstan» Ońtústik Qazaqstan oblysy, Sozaq aýdany