26 Aqpan, 2011

«Balalar, amanbysyń, shyraqtarym...»

1876 ret
kórsetildi
3 mın
oqý úshin
Talǵardaǵy J.Jabaev atyndaǵy №6 orta mektep oqýshylary uly aqynnyń nemeresi Álimqul atanyń aq batasyn aldy О́mirde júz jasaǵan, óleńi myń jasaıtyn Jambyl baba balalardy jaqsy kórgen. Sonyń bir dáleli: «Balalar, aman­bysyń, shyraqtarym, Maıysyp kólge bitken qu­raq­tarym. Júrmesem esendesip tura almaımyn, Ishinen asyp ketse bir aptanyń» – degen myna óleńi desek, Jákeńniń nemeresi, Qazaqstannyń halyq aqyny Álimqul Jambylov aqsaqal da atasynyń atyndaǵy mektep oqýshylary jyr alybynyń 165 jyldyǵyna arnalǵan ózderiniń keshine ári batasyn alý úshin qurmettep arnaıy shaqyrǵasyn úıde jata almapty. 200 shaqyrym jerdegi Jambyl aýdany, Jambyl aýylynan balasy Murathannyń júrdek tulparymen jedeldete jetipti. Mekteptiń kire beris qaq mańdaıynda Jambyl aqynnyń jarqyraǵan úlken sýreti. Onyń qasynan kórnekti etip órnektelgen myna shýmaqty oqydyq: Otanyńa arnalǵan Jyryńda tereń syryń bar. Qart bulbul dep qurmettep Otyrǵan qalyń halqyń bar. Aqyndardyń alyby Álemge ketken dańqyń bar. Qyrǵyz jyrshysy Álimquldyń osy óleńinde HH ǵa­syr­dyń Gomeri atanǵan jyr fenomeniniń qasıet-qyrlary meılinshe dál sýrettelipti. Osylaısha mektepke kirmeı jatyp Jambyl rýhy aldyńnan shyǵatyn bilim ordasynda «Jyr jelmaıasy Jam­byl» atty ádebı-sazdy jıyndy súısine ta­ma­sha­la­dyq. Mektep oqýshylarynan qural­ǵan, Qýandyq Imashev jetekshilik etetin «О́rleý» orkestriniń, «Balaýsa» bı ansambliniń óneri jıyl­ǵan jurtty eljirete tánti etkendeı. Búldirshin uldar men qyzdar sonshalyqty súıkimdi, bal qylyq­pen bılegen «Qara jorǵa», «Qos al­qalar» kókeıde kópke de­ıin ósh­peı­tin shyraq jandyrǵandaı. Balǵyn órenderdiń bas barmaqty maıystyra tartqan kúıler qandaı! Mine, kóz aldymyzdan Jambyl aqyn ómiriniń sahnalanǵan kó­ri­nisteri jipke tizilgendeı ótip jatyr. Sondaı shynaıy, sondaı nanymdy. Mine, uly aqynnyń, teńdessiz jyraýdyń dúnıege kelýi. Ákesi Japa, anasy Uldan. Jambyldyń tý­ǵa­nynan bastap balalyq shaǵy, óner qýyp, óleń jolyna túsýi, erjetýi, Súıinbaıdaı jyr jampozynan bata alýy  – sonyń bárin oqýshylar sahna tilinde beıneledi. «Júz jyl ómir keshken aqynda neshe júz jyldardyń óneri men sheberligi túıisken», dep Jambyl týraly oı túıgen uly jazýshy Muhtar Áýezovtiń ulaǵatty sózderi eske alyndy. Sol sózdi aıǵaqtaǵandaı, 6 synyp oqýshysy Malıka Rahımova óziniń «Jambylǵa arnaý» degen óleńin oqysa, 2 synyp oqýshysy Krıstına Sergıenko «Jambyl ata» ánin shyrqady. Jambyl jyrlaryn mánerlep oqý músháırasynyń jeńimpazdary Karına Bazarova, Aslan Ýrmanov, Nadejda Laýberler jyr atasynyń óleńderin jatqa aıtty. Budan soń Jambyl jyrlary orys tilinde de órshil rýhpen sańqyldady. Balǵyn balalardyń jaýqazyn ónerine, júrek lúpiline rıza bolǵan Álimqul ata mektep oqýshylaryna rııasyz tilegin aıtyp, túıdektete shubyrtyp, óleńdete órletip batasyn berdi, mektep kitaphanasyna Jambyl týraly jazǵan «Atadan qalǵan bir mura» atty kitabyn syılady. Osynaý ǵıbratty kesh mektep oqýshylarynyń hory oryndaǵan «Jambyl ata» ánimen túıindeldi. Qorǵanbek AMANJOL.
Sońǵy jańalyqtar

Tabıǵat synaǵyna tosqaýyl

Aımaqtar • Búgin, 09:00

Keleli keńes keleshegi

Pikir • Búgin, 08:58

Sot tóreligine senim artyp keledi

Zań men Tártip • Búgin, 08:55

Astyqtan – azyqqa deıin...

О́ndiris • Búgin, 08:40

Alǵys arqalaǵan ákim

Qoǵam • Búgin, 08:38

Batyrmasyz basqarylatyn «Black Swan»

Digital • Búgin, 08:33

Internatta oqyp júr...

Bilim • Búgin, 08:28

Jambyl babadan bata alǵan

Zerde • Búgin, 08:25