Eldegi jaǵdaıǵa – oń baǵa

Keshe «InfoSystem» zertteý ortalyǵy» qoǵamdyq qo­ry­nyń (Almaty qalasy) dı­rek­tory Saltanat Ahmedovanyń «Qazaqstan hal­qynyń ál­eý­mettik-saıası kó­ńil-kúıiniń dı­namıkasy» so­sıologııalyq zert­teýiniń nátıjeleri boı­yn­sha brıfıng ót­ti. Sharaǵa tapsyrysty «Nur Otan» HDP Parlamentarızm Instıtýty bergen edi. Saýaldama 2011 jylǵy 1-23 aqpan ara­lyǵynda júrgizildi. 14 oblys jáne res­pýb­lıkalyq mańyzy bar 2 qala – Almaty men Astana qalalary boıynsha 1624 respondentten saýaldama alyndy. Statıstıkalyq aý­ytqý 3,2%-dan aspaıdy. 1. ELDEGI ÁLEÝMETTIK-SAIаSI JAǴDAIDY BAǴALAÝ Qoǵamdyq pikirdi suraýdyń nátıjesi qo­ǵamnyń áleýmettik-saıası kóńil-kúıi turaqty pozıtıvti ekenin kórsetti. Qazaqstan­dyq­tardyń kópshiligi eldegi jaǵdaıǵa, sondaı-aq óz ómiriniń jaǵdaıyna oń baǵa berýi basym. Kelesi kórsetkishterdi jekeleı qaraý ba­rysynda jaǵdaı egjeı-tegjeıli aıqyndala túsedi: Qazaqstandaǵy jalpy jaǵdaıǵa baǵa berý dınamıkasyn zertteı otyryp, respondentter arasynan bolashaqqa optımızmmen qaraı­tyn­dar sanynyń óskenin baıqaýǵa bolady. Júrgizilgen zertteýdiń birinshi jáne ekinshi tolqynynyń nátıjesi boıynsha eldegi jal­py jaǵdaıǵa «qolaıly, birqalypty» dep baǵa bergender sany 2,4% ósip, 89,6% qurady. О́ziniń jáne óz otbasynyń ómir deńgeıine qanaǵattaný deńgeıi edáýir joǵary ekeni baı­qalady – ómir deńgeıimen qanaǵat­tan­ǵan­dardyń jalpy kólemi 81,8% quraıdy. Tolyq jáne ishinara óz ómirine qanaǵattan­baı­tyn­dardyń jalpy kólemi 16,6%. Respondentterdiń basym bóligi eldegi eko­nomıkalyq jaǵdaıǵa oń baǵa berdi. Aǵ­ym­daǵy ekonomıkalyq jaǵdaı turaqty damý ústinde dep sanaıtyndar saýaldamaǵa jaýap bergenderdiń jalpy bóliginiń 90,2%-yn qurady. 2. PREZIDENT JOLDAÝY QOǴAMDYQ PIKIRDE 2011 jylǵy 28 qańtarda Qazaqstan Res­pýblıkasynyń Prezıdenti Nursultan Nazarbaev Qazaqstan halqyna óziniń jyl saı­ynǵy Joldaýyn joldady. Bul jumys kúni bolǵanyna qaramastan, halyq arasynda júr­gizilgen buqaralyq saýaldama kórsetip ot­yr­ǵandaı, respondetterdiń basym bóligi (88,4%) bul oqıǵa jóninde habardar bolǵan. Oqıǵa jóninde beıhabar bolǵandar úlesi 11,6%-dy quraıdy. Jasyna, ulty men turatyn jerine qa­ramastan, el azamattarynyń basym bóligi (91,4%) Prezıdenttiń Qazaqstan halqyna jyl saıynǵy Joldaýyn el úshin ǵana emes, sonymen birge, jeke ózi úshin de mańyzdy oqıǵa dep biledi. Qazaqstandyqtar Joldaýdyń eńbekaqy, zeınetaqy, densaýlyq saqtaýdy arttyrý, turǵyn úı, bilim berý máselelerin sheshý, shaǵyn jáne orta bıznesti damytý jáne quqyq qorǵaý júıesin reformalaýǵa ar­nal­ǵan basymdyqtaryna múddelilik tanytýda. 3. MERZIMINEN BURYN PREZIDENTTIK SAILAÝ О́TKIZÝ JО́NINDEGI ShEShIMGE HALYQTYŃ KО́ZQARASY «Referendýmnan bas tartý týraly sheshim qabyldap, prezıdenttik saılaýdy merziminen buryn ótkizýdi usynǵan Memleket bas­shysynyń Qazaqstan halqyna jasaǵan má­lim­demesi týraly bilesiz be?» degen suraqqa barlyq derlik respondent oń jaýap berdi (97,6%). Merziminen buryn saılaý ótkizý týraly aqparattan habardar bolý deńgeıi referendým júrgizý týraly bastama jóninde habardar bolý deńgeıinen joǵary ekenin atap ótken jón. El azamattarynyń basym bóligi, ıaǵnı 93,3% saılaýdy merziminen buryn ótkizý tý­raly Memleket basshysynyń sheshimin qol­daı­dy. Sáıkesinshe, 3,4% ben 1,2% beıta­raptyq jáne qarsy ustanym tanytqan. Alynǵan málimetter boıynsha, kezekten tys prezıdenttik saılaýdy taǵaıyndaý tý­raly aqparattyń kózi halyq úshin televızııa (ortalyq televızııa – 68,6%, jergilikti televızııa – 54,2%) bolyp tabylady. Ekinshi kezekte – ınternet kózderi (42,4%), úshinshi – ortalyq jáne jergilikti baspasóz (tıisinshe 33,2% jáne 31,6%).