Polıgondaǵy jarylys

Taıaýda jaýyngerlik daıyn­dyq josparyna sáıkes Jambyl obly­syn­daǵy Mátibulaq polı­gonynda brıgadalyq-taktıkalyq jattyǵý ót­­­­kizildi.  Ony júrgizý barysyn­da­ǵy qarýdy oqtaý kezinde mına óz­diginen jarylyp ketti. Sonyń sal­darynan  kelisimshart qyzmeti­niń eki áskerı qyz­metshisi: kishi serjant E.Oshaev pen qatar­daǵy jaýyn­ger Ǵ.Sul­tanov qaza tapty. Aǵa leı­te­nant E.Setıbaev, kelisim­shart qyz­me­ti­­niń qatardaǵy jaýyn­geri M.Shal­­darbekov jara­qat aldy. Olarǵa Almaty qala­syn­daǵy  Ás­kerı klı­nı­kalyq gospıtalda qa­jetti medı­sınalyq kómek kórseti­lý­de.  Qazir­gi ýaqyt­ta  qa­tardaǵy jaýyn­­­ger M.Shal­­­dar­­bekovtiń jaǵ­daıy orta dá­re­­je­de, al aǵa leıtenant E.Setıbaevtiki qanaǵattanar­lyq qalypta. Zardap shekkenderge mate­rıal­dyq kómek kórsetiletin bola­dy. Oqı­ǵa oryn alǵan jerde onyń  mán-jaıy men sebepterin anyqtaý úshin quzyrly komıssııa  jumys isteýde jáne Ishki ister mınıstr­liginiń áskerı-tergeý basqarmasy Gvardeıskıı garnızony boıynsha  tergeý sharalaryn júrgizýde, dep habar­la­dy Qorǵanys mınıstrligi­niń bas­pasóz qyzmeti.