Qazaqstan Respýblıkasynyń Ortalyq saılaý komıssııasy habarlaıdy
Qazaqstan Respýblıkasy Prezıdenttigine kandıdattardy usyný qorytyndylary
5 aqpannan bergi kezeńde barlyǵy 22 kandıdat usynyldy.
1. О́ten Sálim Saǵyndyquly (ózin-ózi usynǵan)
2. Qaısarov Ýálıhan Ábishuly (ózin-ózi usynǵan)
3. Dýambekov Musaǵalı Sársenbaıuly (ózin-ózi usynǵan)
4. Asylbek Amantaı Hantemiruly (ózin-ózi usynǵan)
5. Nazarbaev Nursultan Ábishuly («Nur Otan» halyqtyq-demokratııalyq partııasy» qoǵamdyq birlestigi usynǵan)
6. Esjanov Qanat Sabyruly (ózin-ózi usynǵan)
7. Týrageldıev Qanat Sbashuly (ózin-ózi usynǵan )
8. Masına Záýre Jumaǵulqyzy (ózin-ózi usynǵan )
9. Ahmetbekov Jambyl Aýjanuly («Qazaqstannyń Kommýnıstik Halyqtyq partııasy» qoǵamdyq birlestigi usynǵan)
10. Nursıla Sovetqazy Kúsetaıuly (ózin-ózi usynǵan)
11. Baımýrzın Tolybaı Nurdildáuly (ózin-ózi usynǵan)
12. Toqbaeva Gúldana Shámıqyzy (ózin-ózi usynǵan)
13. Qaramaeva Maııa Tólegenqyzy (ózin-ózi usynǵan)
14. Kunanbaev Adalbek Oqanuly (ózin-ózi usynǵan)
15. Eleýsizov Mels Hamzauly (ózin-ózi usynǵan)
16. Qojaǵulova Meıramkúl Nurjanqyzy (ózin-ózi usynǵan)
17. Bázilbaev Jaqsybaı Ábishuly (ózin-ózi usynǵan)
18. Telibekov Murat Aıtjanuly (ózin-ózi usynǵan )
19. Dilmaǵambet Birjan Jetirýuly (ózin-ózi usynǵan)
20. Qasymov Ǵanı Esenkeldiuly («Qazaqstannyń patrıottar partııasy» qoǵamdyq birlestigi usynǵan)
21. Rahmetov Kurmanǵazy Ábdenuly («Jeltoqsan» halyqtyq-patrıottyq qozǵalysy» respýblıkalyq qoǵamdyq birlestigi usynǵan)
22. Saparǵalı Serik Sadyquly (ózin-ózi usynǵan)
Saıası partııalar usynǵan kandıdattar – 3, qoǵamdyq birlestikter usynǵandar – 1, ózin-ózi usynǵandar – 18.
Usynylǵan kandıdattardyń 18-i – erler, 4-i – áıelder.
21 kandıdattyń joǵary bilimi, al bireýiniń arnaıy orta bilimi bar.
Qyzmeti boıynsha: Qazaqstan Respýblıkasynyń qazirgi Prezıdenti, Qazaqstan Respýblıkasy Parlamenti Senatynyń depýtaty – 1, memlekettik mekeme qyzmetkeri – 1, kommersııalyq qurylym qyzmetkerleri – 5, saıası partııa qyzmetkeri – 1, qoǵamdyq birlestikter qyzmetkerleri – 5, zeınetkerler – 2, ýaqytsha jumys istemeıtinder – 4, basqalar – 2.
7 úmitker: Ý.Á.Qaısarov, S.S.О́ten, A.H.Asylbek, M.N.Qojaǵulova, M.T.Qaramaeva, J.A.Bázilbaev, M.H.Eleýsizov óz kandıdatýralaryn 2005 jylǵy prezıdenttik saılaýda da usynǵan bolatyn.
Sonyń ishinde Jaqsybaı Ábishuly Bázilbaev pen Amantaı Hantemiruly Asylbek prezıdenttik saılaýda óz kandıdatýralaryn osymen úshinshi ret usynyp otyr: 1999, 2005 jáne 2011 jyldary.
О́tkizilgen tekseristerdiń nátıjeleri boıynsha, 22 úmitkerdiń 12-niń Konstıtýsııa men «Qazaqstan Respýblıkasyndaǵy saılaý týraly» Konstıtýsııalyq zań qoıatyn talaptarǵa sáıkes ekendigi anyqtaldy.
5 kandıdatqa qatysty lıngvıstıkalyq komıssııa memlekettik tildi erkin meńgermegen degen tujyrym jasady. Osyǵan baılanysty Ortalyq saılaý komıssııasy olardy Qazaqstan Respýblıkasynyń Prezıdenttigine kandıdat retinde tirkeýden bas tartý týraly sheshim qabyldady.
Úsh kandıdat belgilengen ýaqytta lıngvıstıkalyq komıssııanyń otyrysyna kelmedi.
Bir kandıdat memlekettik tildi erkin meńgergendigin anyqtaý jónindegi rásimdi ótýden bas tartty.
Eki úmitker, sonyń ishinde bireýi – Ortsaılaýkom onyń Konstıtýsııa men saılaý týraly Konstıtýsııalyq zań talaptaryna sáıkestigin belgilegen soń, óz kandıdatýralaryn alyp tastady.
Konstıtýsııa men saılaý týraly Konstıtýsııalyq zań qoıatyn talaptarǵa sáıkestigi anyqtalǵan kandıdattardyń barlyǵyna ózderin qoldaıtyn azamattardyń qolyn jınaý úshin qol qoıý paraqtary berildi.
QOL QOIý PARAQTARY
Saılaý zańnamasyna sáıkes saılaýshylardyń Prezıdenttikke kandıdatty qoldaýy olardyń qoldaryn jınaý arqyly rastalady.
Prezıdenttikke kandıdatty oblystardyń kem degende úshten ekisiniń, Almaty jáne Astana qalalarynyń atynan teńdeı ókildik etetin saılaýshylardyń jalpy sanynyń kem degende bir paıyzy qoldaýy tıis.
Kandıdatty qoldap qol jınaýdy onyń senim bildirilgen adamdary uıymdastyrady.
Árbir qol qoıý paraǵynyń ret nómiri bolýǵa tıis jáne oǵan kandıdattyń tegi, aty, ákesiniń aty men onyń senim bildirgen adamynyń jeke qoly, qol jınaýshynyń tegi, aty, ákesiniń aty, qol jınaý júrgizilgen eldi mekenniń ataýy, sondaı-aq qol qoıatyn adamdar týraly mynadaı málimetter bar baǵanalar engizilýi tıis:
1) tegi, aty, ákesiniń aty;
2) jeke basyn kýálandyratyn qujattyń nómiri men serııasy;
3) týǵan kúni, aıy men jyly;
4) turǵylyqty nemese ýaqytsha turatyn jeriniń meken-jaıy:
5) jeke qoly.
Qol jınaýshy adam qol jınaǵan kezde tıisti qol qoıatyn paraqta jeke qoly qoıylǵan kandıdattyń senim bildirilgen adamynyń tirkelgeni týraly kýáliktiń kóshirmesin kórsetýge tıis.
Kandıdatty qoldap qol qoıylǵan paraqtar aýmaqtyq saılaý komıssııalaryna tapsyrylady. Komıssııalar qoıylǵan qoldardyń rastyǵyn pasport qyzmeti ókilderin qatystyra otyryp, bes kún ishinde tekseredi, tıisti hattama jasaıdy jáne ony Ortalyq saılaý komıssııasyna jiberedi.
Qoldardyń rastyǵyn tekserý Prezıdenttikke kandıdatqa qajet 91 myń 10 qol rastalǵanǵa deıin júrgiziledi. Iаǵnı, azamattardyń 91 010 qoly rastalǵannan keıin, qalǵan qoldardyń rastyǵy tekserilmeıdi.
О́ńirlerden kelip túsken málimetterge qaraǵanda, 23 aqpandaǵy jaǵdaı boıynsha, 13 óńirde M.S. Dýambekovtiń senim bildirilgen adamdary tirkelgen.
S.S.О́tenniń senim bildirilgen adamdary 5 óńirde tirkelgen.
J.A.Ahmetbekovtiń senim bildirilgen adamdary qoldap qol jınaýdy elimizdiń barlyq 16 óńirinde júrgizýde.
Sondaı-aq, kandıdattar Ǵ.E.Qasymov pen M.H.Eleýsizovti qoldap qol jınaý da belsendi júrgizilýde. Olardyń senim bildirilgen adamdary 15 óńirde tirkelgen.
Saılaý zańnamasyna sáıkes, kandıdattyń Konstıtýsııa men saılaý týraly Konstıtýsııalyq zań qoıatyn talaptarǵa sáıkestigi anyqtalǵan soń, sondaı-aq aýmaqtyq saılaý komıssııalary kandıdattardy qoldap jınalǵan azamattardyń qoldarynyń rastyǵyn teksergennen keıin úmitker Ortalyq saılaý komıssııasynyń shotyna saılaý jarnasyn – 799 950 teńge aýdarýy tıis.
Eger kandıdat Prezıdent bolyp saılanǵan nemese daýys berýge qatysqan saılaýshylardyń kem degende bes paıyzynyń daýysyn alǵan nemese kandıdat qaıtys bolǵan jaǵdaıda jarna qaıtarylady, al qalǵan jaǵdaılardyń bárinde engizilgen jarna qaıtarylmaýǵa tıis jáne respýblıkalyq bıýdjet paıdasyna alynady.
Onyń syrtynda, kandıdat pen onyń jubaıynyń (zaıybynyń) 2011 jylǵy 1 aqpandaǵy jaǵdaı boıynsha tabysy jáne múlki týraly turǵylyqty jeri boıynsha salyq organyna deklarasııa tapsyrýǵa mindetti.
Kandıdat pen onyń jubaıy (zaıyby) jarııalaǵan tabysy jáne múlki týraly málimetterdiń durystyǵyn salyq komıteti organdary kandıdat tirkelgennen keıin on bes kún ishinde tekseredi.
Kandıdat pen onyń jubaıy (zaıyby) jarııalaǵan tabysy jáne múlki týraly málimetterdiń durys emestiginiń anyqtalýy kandıdatty tirkeý týraly sheshimniń kúshin joıýǵa negiz bola aldy.
Kandıdattardy tirkeý 2011 jylǵy 2 naýryzda aıaqtalady.
Qazirgi kezde Ortalyq saılaý komıssııasy bir kandıdatty tirkedi.
